court news | ஐகோர்ட்டில் பாதுகாப்பை பலப்படுத்த வழக்கு : ஐகோர்ட் உத்தரவு| Dinamalar

கோர்ட் செய்தி

தமிழ்நாடு

ஐகோர்ட்டில் பாதுகாப்பை பலப்படுத்த வழக்கு : ஐகோர்ட் உத்தரவு

Added : பிப் 07, 2013
Advertisement
 
 
Advertisement
 
 
 
Advertisement

மதுரை : மதுரை ஐகோர்ட் கிளையில் பாதுகாப்பை பலப்படுத்தக் கோரிய வழக்கில், "ஏற்கனவே நடவடிக்கை எடுக்கப்பட்டுள்ளது. இதில், கோர்ட் மேலும் உத்தரவு பிறப்பிக்கத் தேவையில்லை. மனு முடிக்கப்படுகிறது,' என நீதிபதிகள் உத்தரவிட்டனர். மண்ணாமடிங்கலம் வக்கீல் தியாகராஜன் தாக்கல் செய்த பொதுநல மனு: மும்பை தாஜ் ஓட்டலில், 2008 நவம்பரில் பயங்கரவாதிகள் தாக்குதல் நடத்தினர். இதில் 200 பேர் பலியாகினர். மதுரை மீனாட்சி அம்மன் கோயிலுக்கு, பயங்கரவாத அச்சுறுத்தலைத்தொடர்ந்து பாதுகாப்பு பலப்படுத்தப்பட்டுள்ளது. சோதனைக்கு பின்பே, பக்தர்களை அனுமதிக்கின்றனர். மதுரை ஐகோர்ட் கிளையில், பயங்கரவாதிகள் தாக்குதல் நடத்த வாய்ப்புள்ளது. எவ்வித கட்டுப்பாடுமின்றி, அனைவரையும் வாசல் வழியாக அனுமதிக்கின்றனர். இந்த வாய்ப்பை பயங்கரவாதிகள் பயன்படுத்திக்கொண்டு, கோர்ட்டில் இருப்பவர்களை பிணையக்கைதிகளாக பிடித்துச் செல்ல வாய்ப்புண்டு.
தாஜ்மகாலில் போலீசார் கட்டுப்பாட்டு அறை அமைத்துள்ளனர். வெடி குண்டு தடுப்புப்பிரிவு போலீசார் உள்ளனர். உள்ளே நுழையும் சுற்றுலா பயணிகளை, பல்வேறு பரிசோதனைகளுக்கு பின் அனுமதிக்கின்றனர். அது போல், ஐகோர்ட் கிளைக்கு உயர்ந்தபட்ச, நவீன பாதுகாப்பு கருவிகளுடன் கூடிய பாதுகாப்பு அவசியம். அதற்குரிய திட்டம் தயாரித்து செயல்படுத்த வேண்டும். "மெட்டல் டிடெக்டர்'கள் அமைக்க உத்தரவிட வேண்டும். இவ்வாறு குறிப்பிட்டார்.
நீதிபதிகள் சித்ரா வெங்கட்டராமன், எஸ்.விமலா கொண்ட பெஞ்ச் முன்னிலையில், மனு விசாரணைக்கு வந்தது. மனுதாரரே ஆஜராகி வாதாடினார். நீதிபதிகள்," ஐகோர்ட் கிளையில் பாதுகாப்பை பலப்படுத்த ஏற்கனவே நடவடிக்கை எடுக்கப்பட்டுள்ளது. இதில், இக்கோர்ட் மேலும் எவ்வித உத்தரவும் பிறப்பிக்கத் தேவையில்லை. மனு முடிக்கப்படுகிறது,' என உத்தரவிட்டனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை