arasial news | தேர்தல் கூட்டணியை உறுதி செய்யும் திருமணம்: தி.மு.க., - தே.மு.தி.க., கூட்டணி உருவாகுமா?| Dinamalar

அரசியல் செய்தி

தமிழ்நாடு

தேர்தல் கூட்டணியை உறுதி செய்யும் திருமணம்: தி.மு.க., - தே.மு.தி.க., கூட்டணி உருவாகுமா?

Added : பிப் 07, 2013
Advertisement
 
 
Advertisement
 
 
Advertisement

திருச்சி: "திருச்சியில், இன்று நடக்கும், எம்.பி., சிவா இல்லத் திருமண நிகழ்ச்சி, தேர்தல் கூட்டணியை உறுதி செய்யும்' என, தி.மு.க.,வினர் கருதுகின்றனர்.
திருச்சி, தி.மு.க., எம்.பி., சிவா, பல்வேறு கட்சி தலைவர்களுடன் நெருங்கிய நட்பு கொண்டவர். அவர், திருச்சியில் இன்று நடக்கும் தன் மகள் திருமணத்துக்கு, பாரதிய ஜனதா, காங்கிரஸ், கம்யூனிஸ்ட், தே.மு.தி.க.,- அ.தி.மு.க.,- ம.தி.மு.க., உள்பட பல்வேறு கட்சி முக்கிய தலைவர்களுக்கும், நிர்வாகிகளுக்கும் அழைப்பு விடுத்து பத்திரிகை வைத்துள்ளார்.
தே.மு.தி.க., தலைவர் விஜயகாந்துக்கு, நேரில் சென்று பத்திரிகை வைத்துள்ளார். எனவே, நிச்சயம் விஜயகாந்த் இந்த திருமணத்துக்கு வருவார் என, எதிர்பார்க்கப்படுகிறது.
அ.தி.மு.க., கூட்டணியில் இருக்கும் போது, தி.மு.க., தலைவர் கருணாநிதியை, தே.மு.தி.க., தலைவர் விஜயகாந்த் கடுமையாக விமர்சித்தார். தற்போது, அ.தி.மு.க., கூட்டணியிலிருந்து பிரிந்து வந்துள்ள, தே.மு.தி.க., தலைவர் விஜயகாந்த், கருணாநிதியை விமர்சிப்பதை குறைத்துக் கொண்டார்.
தேர்தலுக்கு முன் நடக்கும் இது போன்ற திருமண நிகழ்ச்சிகளில் தான், அரசியல் கட்சிகளின் தேர்தல் கூட்டணி <உறுதி செய்யப்படும். எனவே, எம்.பி., சிவா இல்லத் திருமண நிகழ்ச்சியில், விஜயகாந்த் கலந்து கொண்டால், அந்த சம்பவம், வரும் லோக்சபா தேர்தலில் தி.மு.க.,-தே.மு.தி.க., கூட்டணியை உறுதி செய்யும், என்றே கட்சியினர் எதிர்பார்க்கின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை