pothu news | சீரானது வல்லூர் மின் நிலையம் 375 மெகாவாட் மின்சாரம் கிடைக்கும்| Dinamalar

பொது செய்தி

தமிழ்நாடு

சீரானது வல்லூர் மின் நிலையம் 375 மெகாவாட் மின்சாரம் கிடைக்கும்

Added : பிப் 07, 2013 | கருத்துகள் (1)
Advertisement
 
 
Advertisement
 
 
 
Advertisement

சென்னை : வல்லூர் அனல் மின் நிலையத்தில் ஏற்பட்ட பழுது நீக்கப்பட்டதால், மீண்டும் மின் உற்பத்தி துவங்கியது. தமிழக மின் வாரியமும், தேசிய அனல் மின் நிலையமும் இணைந்து, திருவள்ளூர் மாவட்டம் வல்லூரில், 1,500 மெகாவாட் மின்சாரம் உற்பத்தி செய்யும் நிலையத்தை அமைத்துள்ளன. நவம்பர் மாதத்திலிருந்து, மின் உற்பத்தி துவங்கியுள்ளது. இந்நிலையத்திற்கு தேவையான நிலக்கரி, ஓடிசா மாநிலத்திலிருந்து, கப்பல் மூலம் கொண்டு வரப்படுகிறது. எண்ணூர் துறைமுகத்திலிருந்து,"கன்வேயர் பெல்ட்' வழியாக, அனல் மின் நிலையத்திற்கு, நிலக்கரி வருகிறது. அனல் மின் நிலையத்திற்கு நிலக்கரியை கொண்டு செல்லும்,கன்வேயர் பெல்ட்டில் திடீர் கோளாறு ஏற்பட்டதால், நிலக்கரி வரத்து தடைப்பட்டது. இதன் காரணமாக, கடந்த இரு நாட்களாக, மின் உற்பத்தி பாதிக்கப்பட்டது. நிலக்கரி செல்லும் வழித்தடத்தில் ஏற்பட்ட பழுதை நீக்கும் பணியில், அதிகாரிகள் ஈடுபட்டனர். இதையடுத்து, பழுது நீக்கப்பட்டு, உற்பத்தி துவங்கியதாக, மின்வாரிய வட்டாரங்கள் தெரிவித்தன.இதுகுறித்து, மின்வாரிய உயர் அதிகாரி கூறியதாவது: மாநிலத்தின் பங்காக, வல்லூர் யூனிட்டில் இருந்து, 375 மெகாவாட் மின்சாரம் உற்பத்தியாகிறது. கன்வேயர் பெல்ட்டில் ஏற்பட்ட பழுதால் நிறுத்தப்பட்ட மின் உற்பத்தி, நேற்று மீண்டும் துவங்கியது. கடந்த ஒரு மாதமாக, 9,500 மெகாவாட் மின்சாரம் உற்பத்தி செய்யப்பட்டது. வல்லூர் மின் உற்பத்தி பாதிப்பால், 9,000 மெகாவாட்டாக உற்பத்தி குறைந்தது. ஓரிரு நாளில், நெய்வேலியில் தனியார் மின் உற்பத்தி நிறுவனத்துடன் போடப்பட்ட ஒப்பந்தத்தின்படி, 250 மெகாவாட் மின்சாரம் கிடைக்கும். எனவே, கூடுதலாக 600 மெகாவாட் மின்சாரம் கிடைக்கும். இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Pannadai Pandian - wuxi,சீனா
07-பிப்-201311:21:29 IST Report Abuse
Pannadai Pandian மரியா, முகப்பேர், தமிழ் வேல், சண்முகம் உங்களுக்கெல்லாம் இது ஒரு கெட்ட செய்தி.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை