pothu news | மதரீதியான பதட்டம் தவிர்க்க நடவடிக்கை : சிறுபான்மை ஆணையத் தலைவர் உறுதி| Dinamalar

பொது செய்தி

தமிழ்நாடு

மதரீதியான பதட்டம் தவிர்க்க நடவடிக்கை : சிறுபான்மை ஆணையத் தலைவர் உறுதி

Added : பிப் 07, 2013
Advertisement
 
 
Advertisement
 
 
 
Advertisement

கோவை : "மத ரீதியான மோதல்கள் உள்ள மாவட்டங்களில், பதட்டம் ஏற்படாமல் தடுக்க சிறுபான்மை ஆணையம் சார்பில், உரிய நடவடிக்கை எடுக்கப்பட்டு வருகிறது' என, ஆணையத் தலைவர் பேராயர் பிரகாஷ் தெரிவித்தார்.
கோவை கலெக்டர் அலுவலகத்தில் நேற்று மாநில சிறுபான்மையினர் ஆணையக்குழு தலைவர் பேராயர் பிரகாஷ் தலைமையில், சிறுபான்மை இன பிரதிநிதிகளுடன் ஆலோசனை கூட்டம் நடந்தது. பின், பேராயர் பிரகாஷ் நிருபர்களிடம் கூறியதாவது:
கோவை, திருப்பூர், கன்னியாகுமரி, கரூர் மாவட்டங்கள் மத ரீதியான பதட்டமுள்ள பகுதிகளாக உள்ளன. இதில், கோவை, கன்னியாகுமரி அதிக "சென்சிடிவ்' மாவட்டங்களாக உள்ளன. மதரீதியான மோதல்கள் உள்ள மாவட்டங்களில் பதட்டம் ஏற்படாமல் தடுக்க, சிறுபான்மை ஆணையம் தேவையான நடவடிக்கை மேற்கொண்டு வருகிறது.
ஜெருசலம் புனித யாத்திரை செல்ல, நபர் ஒருவருக்கு ரூ. 20 ஆயிரம் வீதம் தமிழக அரசு உதவித்தொகை வழங்கி வருகிறது. இது போன்ற சலுகைகள், வேறு எந்த மாநிலத்திலும் இல்லை.
சிறுபான்மையினர் நலத்துறை மூலம், 2008 முதல் 2012ம் ஆண்டு வரை, ஒரு லட்சத்து 63 ஆயிரத்து 668 கிறிஸ்துவர்; ஒரு லட்சத்து 57 ஆயிரத்து 706 முஸ்லிம் மாணவர்களுக்கு ரூ. 47 கோடி 33 லட்சம் கல்வி உதவித்தொகை வழங்கப்பட்டுள்ளது. ஆறாம் வகுப்பு முதல் 10வது வகுப்பு வரை படிக்கும் மாணவர்களுக்கு இந்த கல்வி உதவித்தொகை அளிக்கப்பட்டுள்ளது. இதேபோல், பிளஸ் 2, டிப்ளமோ,பட்டப்படிப்பு மாணவர்களுக்கும் கல்வி உதவித் தொகைகள் வழங்கப்பட்டுள்ளன.
சிறுபான்மை மக்களுக்கு சொந்தமான நிலங்கள் ஆக்ரமிக்கப்பட்டிருந்தாலோ, மோசடி செய்து விற்கப்பட்டிருந்தாலோ அவற்றை மீட்க நடவடிக்கை எடுக்கப்படும்.
இவ்வாறு, பேராயர் பிரகாஷ் தெரிவித்தார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை