sambavam news | நூற்பாலையில் தீ விபத்து ரூ.1 கோடி பஞ்சு எரிந்து சேதம்| Dinamalar

சம்பவம் செய்தி

தமிழ்நாடு

நூற்பாலையில் தீ விபத்து ரூ.1 கோடி பஞ்சு எரிந்து சேதம்

Added : பிப் 07, 2013
Advertisement
 
 
Advertisement
 
 
Advertisement

பல்லடம் : தனியார் நூற்பாலையில் ஏற்பட்ட தீ விபத்தில், 1 கோடி ரூபாய் மதிப்பிலான பஞ்சு பேல்கள், எரிந்து சேதமடைந்தன.
திருப்பூர் மாவட்டம், பல்லடம் அடுத்த ராயர்பாளையத்தில், கருப்பசாமி, 65, என்பவருக்கு சொந்தமான நூற்பாலை உள்ளது; 300க்கும் மேற்பட்ட தொழிலாளர்கள் பணிபுரிகின்றனர். நூற்பாலை வளாகத்தில் பஞ்சு பேல்கள் இருப்பு வைக்கப்பட்டிருந்தன.
நூற்பாலை குடோனில், நேற்று மதியம், 12:00 மணியளவில் தீ விபத்து ஏற்பட்டது. பஞ்சு பேல்கள் தீப்பிடித்து எரிவதை பார்த்த ஊழியர்கள், தீயணைப்பு துறைக்கு தகவல் அளித்தனர். பல்லடம் மற்றும் திருப்பூரில் இருந்து தீயணைப்பு வீரர்கள், நான்கு மணி நேரத்துக்கும் மேலாக போராடி, தீயை அணைத்தனர்.
குடோனின் மேற்கூரைகள், வெப்பம் தாங்காமல் வெடித்தன. குடோன் சுவற்றின் சில இடங்களை, பொக்லைன் வாகனம் மூலம் இடித்து, பஞ்சுகளை வெளியே எடுத்தனர். தீ அணைக்க உதவியாக, 30க்கும் மேற்பட்ட தனியார் லாரிகளில் தண்ணீர் கொண்டு வரப்பட்டது.
தீ விபத்தில், 1 கோடி ரூபாய்க்கும் மேல், பஞ்சு பேல்கள் எரிந்து சேதமடைந்துள்ளதாக கூறப்படுகிறது. பல்லடம் தாசில்தார் மற்றும் வருவாய்த் துறையினர், சம்பவ இடத்தை ஆய்வு செய்தனர். விபத்துக்கான காரணம் குறித்து, பல்லடம் போலீசார் விசாரிக்கின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை