sambavam news | பெண் வேடமிட்டு லாரி டிரைவரிடம் வழிப்பறி: தனிப்படைபோலீசார் தேடல்| Dinamalar

சம்பவம் செய்தி

தமிழ்நாடு

பெண் வேடமிட்டு லாரி டிரைவரிடம் வழிப்பறி: தனிப்படைபோலீசார் தேடல்

Added : பிப் 07, 2013
Advertisement
 
 
Advertisement
 
 
 
Advertisement

ஆத்தூர் : ஆத்தூர் அருகே, புறவழிச் சாலையில், பெண் வேடமிட்டு வந்து, லாரியை வழிமறித்த கொள்ளை கும்பல், டிரைவரை தாக்கி பணம், நகையை பறித்து சென்றனர். அக்கும்பலை பிடிக்க, எஸ்.பி., தலைமையிலான தனிப்படை போலீசார் தேடி வருகின்றனர்.
திருநெல்வேலி மாவட்டம், சொக்கலிங்கபுரம் பகுதியை சேர்ந்த, லாரி டிரைவர் காட்வின், 27. இவர், நேற்று முன்தினம் இரவு, சங்ககிரியில் இருந்து, புதுச்சேரிக்கு, சவுக்கு மரக் கட்டைகள் ஏற்றுவதற்காக, சேலம் - உளுந்தூர்பேட்டை நான்கு வழிச் சாலையில், ஆத்தூர் புறவழிச் சாலை வழியாக சென்றார்.
நள்ளிரவு, 12:45 மணியளவில், ஆத்தூர் அருகே, தென்னங்குடிப்பாளையம் பாக்கு தோப்பு எதிரே, பெண் ஒருவர், "டார்ச் லைட்' அடித்தபடி நின்றிருந்தார். லாரியை நிறுத்தி காட்வின், அங்கு சென்று பார்த்த போது, பெண் வேடமிட்டு, ஆண் ஒருவர் இருந்தது தெரிந்தது. தப்ப முயன்ற டிரைவரை, ஏழு பேர் கொண்ட கும்பல் சுற்றி வளைத்தது.
அவரை தாக்கி, சட்டையில் இருந்த, 2,000 ரூபாய், ஒரு சவரன் மோதிரம், லாரியில் இருந்த, 10 ஆயிரம் ரூபாய் பறித்து, ஆத்தூர் உப்பு ஓடை மேம்பாலம் வழியாக தப்பி ஓடினர்.
போலீசில் காட்வின் புகார் செய்ததை அடுத்து, சேலம் மாவட்ட எஸ்.பி., தலைமையில், 70 போலீசார், ஆத்தூர் புறவழிச் சாலை, ஆத்தூர் - பெரம்பலூர், ராசிபுரம் மாநில சாலை, சேலம் - உளுந்தூர்பேட்டை நான்கு வழிச் சாலைகளில், இரவு, 1:00 மணி முதல், நேற்று காலை, 7:00 மணி வரை, வாகன தணிக்கையில் ஈடுப்பட்டனர்.
கொள்ளை கும்பல் தாக்கியதில் காயமடைந்த காட்வின், ஆத்தூர் அரசு மருத்துவமனையில் அனுமதிக்கப்பட்டார். கொள்ளை கும்பலை பிடிக்க, எஸ்.பி., தலைமையில், ஐந்து தனிப்படை அமைத்து, தீவிர தேடுதல் வேட்டை நடக்கிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை