pothu news | இரவில் கனமழை; பகலில் பனி மூட்டம் : குன்னூரில் வித்தியாசமான கால நிலை| Dinamalar

பொது செய்தி

இந்தியா

இரவில் கனமழை; பகலில் பனி மூட்டம் : குன்னூரில் வித்தியாசமான கால நிலை

Added : பிப் 07, 2013
Advertisement
 
 
Advertisement
 
 
Advertisement

குன்னூர் : குன்னூரில், நள்ளிரவில் திடீரென கனமழை கொட்டித் தீர்த்த நிலையில், நேற்று பகல், கடும் பனி மூட்டம் நிலவியது. நீலகிரியில் பொதுவாக நவம்பர், டிசம்பர் மாதங்களில், பனிப் பொழிவு ஏற்படும். துவக்கத்தில் நீர் பனிப் பொழிவு ஏற்பட்டு, மெல்ல மெல்ல வெப்பநிலை குறைந்து, உறை பனிப் பொழிவு ஏற்படும். கடந்தாண்டு முதல், கால நிலையில் மாற்றம் காணப்படுகிறது. வழக்கத்துக்கு மாறாக குன்னூரில், பனிப் பொழிவு அதிகரித்து வந்தது. இரவில் கடும் குளிர் நிலவியது. நேற்று முன்தினம் இரவு, குன்னூர் மற்றும் சுற்று வட்டாரங்களில், திடீரென கன மழை பெய்தது. தாழ்வான இடங்களில் மழைநீர் தேங்கியது. மழையால், சிம்ஸ் பூங்கா சுற்றுப்புற பகுதிகளில் மின் வினியோகம் தடைபட்டது. மின் வினியோகத்தை, ஊழியர்கள் நேற்று சீரமைத்தனர். மழை பெய்த சுவடு தெரியாமல்,நேற்று பகல், குன்னூர் நகரில் கடும் பனி மூட்டம் ஏற்பட்டது. மலைப் பாதையில் செல்லும் வாகனங்கள், பகல் நேரத்திலேயே, முகப்பு விளக்குகளுடன் ஊர்ந்து சென்றன. வித்தியாசமான சூழ்நிலை, சுற்றுலா பயணிகளை மகிழ்ச்சியில் ஆழ்த்தியது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை