arasial news | பெண் கலெக்டரை வர்ணித்த உ.பி., அமைச்சரால் சர்ச்சை| Dinamalar

பெண் கலெக்டரை வர்ணித்த உ.பி., அமைச்சரால் சர்ச்சை

Added : பிப் 07, 2013
Advertisement
 
 
Advertisement
 
 
Advertisement

லக்னோ : உத்தர பிரதேசத்தில் நடந்த அரசு விழாவில், மாநில அமைச்சர், பெண் அதிகாரியை வர்ணித்துப் பேசியது, சர்ச்சையை ஏற்படுத்தி உள்ளது. உ.பி.,யில், அகிலேஷ் யாதவ் தலைமையில், சமாஜ்வாதி கட்சி ஆட்சி உள்ளது. இதில், கதர் துறை அமைச்சராக இருப்பவர் ராஜ்ராம் பாண்டே. இரண்டு நாட்களுக்கு முன், சுல்தான்பூரில், வேலையில்லா இளைஞர்களுக்கு உதவித் தொகை வழங்கும் நிகழ்ச்சியில் பங்கேற்றார். விழாவிற்கு, சுல்தான்பூர் மாவட்ட கலெக்டர், தனலட்சுமி தலைமை தாங்கினார். விழாவில் பேசிய அமைச்சர் ராஜ்ராம் பாண்டே, ""இந்த மாவட்டம் மிகவும் அதிர்ஷ்டம் செய்துள்ளது; கலெக்டராக பொறுப்பேற்றுள்ளவர் மிகவும் அழகாக உள்ளார்; கனிவாகப் பேசக்கூடியவர்; சிறந்த நிர்வாகி,'' என பாராட்டினார்.அமைச்சரின் பேச்சைக் கேட்டு, விழாவில் அதிகளவில் குழுமியிருந்த சமாஜ்வாதி தொண்டர்கள் கரவொலி எழுப்பினர். அப்போது, மேடையில் அமர்ந்திருந்த கலெக்டர் தனலட்சுமி, செய்வதறியாது தர்ம சங்கடத்தில் நெளிந்தார். ""பாண்டே பேச்சு, பொதுமக்கள் மத்தியில் தவறான எண்ணத்தை ஏற்படுத்தும்; அது, கட்சிக்கும், அரசுக்கும் அவப்பெயரை ஏற்படுத்தும்,'' என, சமாஜ்வாதி எம்.எல்.ஏ., ரவிதாஸ் மகோத்ரா கூறினார். கட்சியின் மூத்த தலைவர்களும், பாண்டே பேச்சால் கோபம் அடைந்து உள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை