Murder convict out of jail after 14 years, now teaches 300 children free of charge | பீகாரில் நல்லாசிரியரான கொலைக்‌குற்றவாளி| Dinamalar

பொது செய்தி

இந்தியா

பீகாரில் நல்லாசிரியரான கொலைக்‌குற்றவாளி

Updated : பிப் 07, 2013 | Added : பிப் 07, 2013 | கருத்துகள் (3)
Advertisement
 
 
Advertisement
 
 
Advertisement

பீகார் : கொலை வழக்கில், சிறைத்தண்டனை அனுபவித்து விடுதலையாகியுள்ள வாலிபர் தற்போது 300க்கும் மேற்பட்ட குழந்‌தைகளுக்கு இலவசமாக கல்வி அளித்து வருவது அனைவரையும் கவர்ந்துள்ளது. பீகார் மாநிலத்தை சேர்ந்தவர் தீபக் குமார். நிலப்பங்கீடு தொடர்பாக ஏற்பட்ட மோதலில், நில உரிமையாளர் ஒருவரை கொலை செய்த வழக்கில் 14 ஆண்டுகள் சிறை தண்டனை பெற்ற தீபக், கடந்த 2005ம் ஆண்டு விடுதலையானார். சிறைக்கு சென்றவர்கள், மீண்டும் தீய நடவடிக்கைகளிலேயே ஈடுபடுவர் என்ற எழுதப்படாத சட்டத்தை உடைக்கும் பொருட்டு, சிறைவாசத்தை அடுத்து மேற்படிப்பை படித்து, இன்று ஏழை மாணவர்கள் 300க்கும் மேற்பட்டோருக்கு இலவசமாக கல்வி சேவை அளித்து வருகிறார். முதலில் தான் தயங்கியதாகவும், பின் ஏழ‌ை குழந்தைகளின் பள்ளிக்கு செல்ல இயலாத நிலையை கண்டு இம்முடிவை துணிவுடன் மேற்கொண்டதாக அவர் கூறினார். தன்னிடம் 600க்கும் மேற்பட்ட குழந்தைகள் கல்வி கற்க முன்வந்த போதிலும், போதிய இடவசதி இல்லாத காரணத்தினால், 370 ஏழை குழந்தைகளுக்கு மட்டு‌மே, தற்போது கல்விச் சேவை அளித்து வருவதாகவும், தமக்கு பலர் ஆதரவளித்து வருவதாகவும், தான் சிறை சென்றதற்கு காரணமான அந்த நில உரிமையாளர்களின் உறவினர்களின் குழந்தைகளும் தன்னிடம் பயின்று வருவதாக அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
LAX - Trichy,இந்தியா
07-பிப்-201314:12:47 IST Report Abuse
LAX வாழ்த்துக்கள். ஒவ்வொரு குற்ற செயல்களிலும் குற்றவாளிகள் பிடிபடும் செய்திகள் வெளிவரும்போது, அவன் மீது ஏற்கனவே 12 கொலை வழக்குகளும் 9 திருட்டு வழக்குகளும் மற்ற இத்யாதி இத்யாதி வழக்குகளும் நிலுவையில் உள்ளன என்பன போன்ற விவரங்கள் எரிச்சலூட்டுவதாக இருக்கும். ( இத்தனை வழக்குகள் நிலுவையிலிருந்தும் அவனை ஏன் வெளியே நடமாட விட்டார்கள் என்றும் - எத்தனை முறை மாட்டினாலும் அவனுங்க திருந்தவே மாட்டனுங்களான்னும். இதுல, செய்திகளில் அவனுங்களுக்கு அவர்/இவர்னு மரியாதைவேறு ). பீகாரைச் சேர்ந்த இவரைப் போன்ற தான் திருந்தியதோடு மட்டுமல்லாமல் சமூக அக்கறையுடன் செயல்படுபவரை நிச்சயம் பாராட்ட வேண்டும்.
Rate this:
Share this comment
Cancel
Parivel - Blore,இந்தியா
07-பிப்-201311:29:16 IST Report Abuse
Parivel வாழ்த்துக்கள். பீகார் இனி ஒரு நல்ல மாநிலம் ஆக மாறிவிடும் என்று நம்பிக்கை வருகிறது.
Rate this:
Share this comment
Cancel
Krishnamoorthy Caa - madruai,இந்தியா
07-பிப்-201311:11:51 IST Report Abuse
Krishnamoorthy Caa வாழ்த்துக்கள். அவரால் மட்டும் எப்படி 370 குழந்தைகளுக்கு கற்று கொடுக்க முடிகிறது என்பதை விரிவாக எழுதினால் அனைவருக்கும் பயன் உள்ளதாக இருக்கும்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை