world news | இலங்கையில் காமன்வெல்த் மாநாட்டை நடத்த சர்வதேச மனித உரிமை அமைப்பு எதிர்ப்பு| Dinamalar

இலங்கையில் காமன்வெல்த் மாநாட்டை நடத்த சர்வதேச மனித உரிமை அமைப்பு எதிர்ப்பு

Added : பிப் 08, 2013
Advertisement
 
 
Advertisement
 
 
Advertisement

கொழும்பு : "இலங்கையில், மனித உரிமை மீறல்கள் நடப்பதால், காமன்வெல்த் மாநாட்டை மற்றொரு நாட்டில் நடத்த வேண்டும்' என, சர்வதேச மனித உரிமை அமைப்பு கோரியுள்ளது. இலங்கையில், வரும், நவம்பர் மாதம், காமன்வெல்த் மாநாடு நடைபெற உள்ளது. முன்னதாக, ஏப்ரல் மாதத்தில், காமன்வெல்த் நாடுகளின் அதிகாரிகள் கூட்டம் நடக்க உள்ளது. இது தொடர்பாக, இலங்கை வெளியுறவு அமைச்சர், ஜி.எல்.பீரிஸ், லண்டனில் உள்ள காமன்வெல்த் அமைப்பின் பொது செயலர் கமலேஷ் சர்மாவை, நேற்று முன்தினம், சந்தித்து பேசினார். "இலங்கையில், 2009ல், விடுதலை புலிகளுடன் நடந்த சண்டையில், போர் குற்றம் புரிந்த வீரர்கள் மீது, அந்நாட்டு அரசு நடவடிக்கை எடுக்கவில்லை. இதற்கிடையே, அந்நாட்டின் தலைமை நீதிபதி, கண்டன தீர்மானம் மூலம் பதவி நீக்கம் செய்யப்பட்டுள்ளார். இது போன்ற மனித உரிமை மீறல் செயல்களை இலங்கை அரசு நிறுத்தாவிட்டால், காமன்வெல்த் மாநாட்டை, வேறு நாட்டில் நடத்த வேண்டும்' என, நியூயார்க்கில் உள்ள சர்வதேச மனித உரிமை அமைப்பு, காமன்வெல்த் தலைவருக்கு கடிதம் அனுப்பியுள்ளது. போர் குற்றவாளிகளை விசாரிக்க தவறியது தொடர்பாக, இலங்கை அரசுக்கு எதிராக, மற்றொரு கண்டன தீர்மானத்தை, சர்வதேச மனித உரிமை ஆணையத்தில் தாக்கல் செய்ய, அமெரிக்கா திட்டமிட்டுள்ளது. இலங்கையில் மனித உரிமை மீறல்கள் தொடருவதால், காமன்வெல்த் மாநாட்டை புறக்கணிக்கப்போவதாக, கனடா அரசு ஏற்கனவே எச்சரித்துள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை