world news | மகளை கற்பழித்த தந்தை பிரான்ஸ் தூதரக அதிகாரிக்கு ஆதரவளிப்பதாக புகார்| Dinamalar

மகளை கற்பழித்த தந்தை பிரான்ஸ் தூதரக அதிகாரிக்கு ஆதரவளிப்பதாக புகார்

Added : பிப் 08, 2013
Advertisement
 
 
Advertisement
 
 
Advertisement

பாரிஸ் : "சொந்த மகளை கற்பழித்த, தூதரக அதிகாரிக்கு, மற்ற அதிகாரிகள் ஆதரவாக செயல்படுவது குறித்து விசாரணை நடத்த வேண்டும்' என, குழந்தையின் இந்திய தாய், பிரான்ஸ் வெளியுறவு அமைச்சகத்திடம் கோரியுள்ளார்.பெங்களூருவில், பிரான்சு தூதரக அதிகாரியாக பணிபுரிந்தவர், பாஸ்கல் மசுரியர். இவரது மனைவி, இந்தியாவை சேர்ந்த, சுஜா ஜோன்ஸ். தனது மூன்று வயது பெண்ணை, பாஸ்கல் மசுரியர், கற்பழித்ததாக புகார் அளித்தார். இந்த புகாரின் அடிப்படையில், கடந்த ஆண்டு, பாஸ்கல் கைது செய்யப்பட்டார். ஆனால், அவருக்கு ஜாமின் அளித்த கோர்ட், அவரது, பாஸ்போர்ட்டை முடக்கியுள்ளது.
இந்நிலையில், பாதிக்கப்பட்ட குழந்தையை பற்றி கவலைப்படாமல், பாஸ்கல் மசுரியருக்கு ஆதரவாக பிரெஞ்சு தூதரக அதிகாரிகள், செயல்படுவதாக, சுஜா ஜோன்சின் வழக்கறிஞர்கள், அந்நாட்டு வெளியுறவு துறை அமைச்சர், லாரன்ட் பேபியசிடம் தெரிவித்துள்ளனர். கைது செய்யப்பட்ட பாஸ்கல் மசுரியர், பிரெஞ்சு தூதரக அதிகாரி ஒருவரின் வங்கி கணக்கில், 2.5 லட்சம் ரூபாயை செலுத்தியுள்ளதாக குறிப்பிட்டுள்ள வழக்கறிஞர்கள், "அந்த பணம் எதற்காக செலவிடப்பட்டது, என்பதை தெரிவிக்க வேண்டும்' என, கோரியுள்ளனர். பிரான்ஸ் அதிபர் பிராங்காய்ஸ் ஹோலன்ட், அடுத்த வாரம், இந்திய பயணம் மேற்கொள்கிறார். இதையொட்டி, சுஜா ஜோன்ஸ் இந்த கேள்வியை எழுப்பியுள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை