district news | கட்டுப்பாட்டு அறை மாற்றத்தால் தெளிவில்லாத கேபிள் ஒளிபரப்பு சந்தாதாரர்கள் ஏமாற்றம்| Dinamalar

தமிழ்நாடு

கட்டுப்பாட்டு அறை மாற்றத்தால் தெளிவில்லாத கேபிள் ஒளிபரப்பு சந்தாதாரர்கள் ஏமாற்றம்

Added : பிப் 08, 2013
Advertisement
 
 
Advertisement
 
 
 
Advertisement

சிவகாசி: அரசு கேபிள் "டிவி' கட்டுப்பாட்டு அறை இடமாற்றத்தால், தெளிவில்லாத ஒளிபரப்பால், சந்தாதாரர்கள் ஏமாற்றம் அடைகின்றனர். விருதுநகர் மாவட்ட கேபிள் கட்டுப்பாட்டு அறை, சிவகாசியில் சிவன்மாட வீதி நகராட்சி வணிக வளாக கட்டடத்தில் செயல்பட்டு வந்தது. இங்கிருந்து மாவட்டம் முழுவதும் கேபிள் லிங் வழங்கப்பட்டு வந்தது. இந்நிலையில், கேபிள் கட்டுப்பாட்டு அறை சிவகாசி கார்னேசன் பஸ் நிறுத்தம் அருகே மாற்றுவதற்கான நடவடிக்கையில் ஈடுபட்டு வருகின்றனர். இதனால் ,சந்தாதாரர்களுக்கு தெளிவான ஒளிபரப்பு கிடைக்க வில்லை. கேபிள் கட்டுப்பாட்டு அறை மாற்றத்தால், ரிசவர், மாடுலேட்டர் போன்ற கருவிகள் பழுதடைந்துள்ளது. இதனால், சேனல்கள் பல மணிநேரம் தெரிவதில்லை. ஒரு சில மணிநேரம் தெரிந்தாலும், புள்ளி, புள்ளியாக ஒளிபரப்படுகிறது. வாடிக்கையாளர்கள் அதிருப்தி அடைந்துள்ளனர். தெளிவான ஒளிபரப்பு செய்ய முடியாததால், மாத சந்தா வசூலிப்பதில் சிக்கல் ஏற்பட்டுள்ளது. சந்தா தொகை வசூலிக்க வேண்டும் என்ற நோக்கில் சில கேபிள் டிவி ஆப்ரேட்டர்கள், டி.டி.எச்., மூலம் தங்கள் பகுதிக்கு உட்பட்ட லைன்களில், ஒரிரு சேனல்கள் மட்டும் தெரியும் வகையில் தற்காலிகமாக ஏற்பாடு செய்து, கேபிள் லைன்களில் இணைந்துள்ளனர். மாதம் 100 சந்தா தொகை செலுத்தும் வாடிக்கையாளர்கள், ஒரிரு சேனல்கள் மட்டும் பார்த்து வெறுப்படைந்து வருகின்றனர். ஒருசில கிராமங்களில் ஒருவாரமாக கேபிள் ஒளிப்பு நிறுத்தப்பட்டுள்ளது. அரசு கேபிள் டிவி கட்டுப்பாட்டு அறையில் தொடர்பு கொண்டு கேட்டால், ஒவ்வொரு பகுதியாக சரி செய்கிறோம்.இன்னும் சில நாட்கள் ஆகும் என அலட்சியமான பதில் கூறுகின்றனர். "சந்தா தொகை வசூலித்தாலும், வசூலிக்காவிட்டாலும் அரசுக்கு செலுத்த வேண்டிய தொகையை, ஒவ்வொரு மாதமும் கண்டிப்பாக செலுத்த வேண்டியுள்ளது. கேபிள் லைன்களை விரைவாக சரி செய்து, தெளிவான ஒளிபரப்பு செய்ய நடவடிக்கை எடுக்க வேண்டும்,' என, கேபிள்டிவி நடத்துபவர்கள் கோரி வருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை