court news | மனைவிக்கு தொல்லை கொடுத்த நண்பரை கொலை செய்தவருக்கு ஆயுள் தண்டனை| Dinamalar

கோர்ட் செய்தி

தமிழ்நாடு

மனைவிக்கு தொல்லை கொடுத்த நண்பரை கொலை செய்தவருக்கு ஆயுள் தண்டனை

Added : பிப் 08, 2013
Advertisement
 
 
Advertisement
 
 
 
Advertisement

கோவை:மனைவிக்கு தொல்லை கொடுத்த நண்பரை கொலை செய்த தொழிலாளிக்கு, கோவை கூடுதல் மாவட்ட நீதிமன்றம், ஆயுள் தண்டனை விதித்து தீர்ப்பு அளித்தது.கோவை பெரியநாயக்கன்பாளையம், மாணிக்கவாசகர் நகரை சேர்ந்தவர் பரமசிவம்; இவரது நண்பர் பாலகிருஷ்ணன். இருவரும், இப்பகுதியில் உள்ள பிரிக்கால் நிறுவனத்தில் தொழிலாளர்களாக பணியாற்றி, கட்டாய ஓய்வு பெற்றவர்கள். இச்சூழலில், தனது மனைவிக்கு, நண்பர் பாலகிருஷ்ணன் டார்ச்சர் கொடுப்பதை அறிந்த பரமசிவம், பலமுறை கண்டித்துள்ளார். இதை பாலகிருஷ்ணன் கேட்காததால், பரசிவம் ஆத்திரம் அடைந்தார். கோபத்தை வெளிக்காட்டாமல் வழக்கம்போல், நட்பாகவே பாலகிருஷ்ணனுடன் பழகினார். கடந்த 2010, ஜூலை 1ம் தேதி, இரவு 9:30 மணிக்கு, ஸ்கூட்டரில் வந்த பரமசிவம், பெட்ரோல் வாங்க போகலாம் எனக்கூறி பாலகிருஷ்ணனை அழைத்து சென்றார். இடிகரை ரோட்டில் இருட்டுப் பகுதியில் சென்றபோது, திடீரென ஸ்கூட்டரை நிறுத்தினார் பரமசிவம். "எதற்காக ஸ்கூட்டரை இருட்டில் நிறுத்துகிறாய்' என யோசிப்பதற்குள், பாலகிருஷ்ணன், கடுமையாக தாக்கப்பட்டார்.படுகாயமடைந்து சழே விழுந்த பாலகிருஷ்ணன், சம்பவ இடத்திலேயே பலியானார். பெரியநாயக்கன்பாளையம் போலீசார் விசாரித்து, பரமசிவத்தை கைது செய்து, சிறையில் அடைத்தனர். இவ்வழக்கு, கோவை நான்காவது கூடுதல் மாவட்ட கோர்ட்டில் நடந்தது. அரசு தரப்பில் கூடுதல் அரசு வழக்கறிஞர் சிவகுமார் ஆஜரானார். வழக்கை விசாரித்த கூடுதல் மாவட்ட நீதிபதி இளங்கோ, குற்றம் சாட்டப்பட்ட பரமசிவத்துக்கு, ஆயுள் சிறை தண்டனை, இரண்டாயிரம் ரூபாய் அபராதம் விதித்து தீர்ப்பு கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை