pothu news | கேரளாவில் அமாவாசை ரோந்து| Dinamalar

பொது செய்தி

இந்தியா

கேரளாவில் அமாவாசை ரோந்து

Added : பிப் 08, 2013
Advertisement
 
 
Advertisement
 
 
Advertisement

கொச்சி : கேரளாவில், அமாவாசை நாட்களில், இரவு நேரத்தில் போலீஸ் ரோந்து செல்வதும், பிற நாட்களில் இரவு நேர ரோந்தை குறைத்து கொள்வதும் இப்போதும் நடைமுறையில் உள்ளது. அமாவாசைக்கு முந்தைய, இரண்டு நாட்களும், பிந்தைய, இரண்டு நாட்களும், இரவில் இருள் அதிகமாக இருக்கும். அந்த நாட்களில், திருடர்கள் கைவரிசை காட்டுவர் என்பதால், அதை தடுக்கும் வகையில், போலீஸ் ரோந்து சற்று அதிகமாக இருக்கும். இந்த தகவல் தொழில்நுட்ப காலத்திலும், கேரள போலீஸ், இம்முறையை கைவிடாமல் பின்பற்றி வருவது தான் வினோதமாக உள்ளது. அமாவாசை நாட்களில் கட்டாயம் இரவு ரோந்து செல்ல வேண்டும் எனவும், பிற நாட்களில், தேவைப்பட்டால், இரவு நேர ரோந்தை குறைத்து கொள்ளலாம் எனவும், போலீசாருக்கு, உயரதிகாரிகள் கட்டளை இடுவது இப்போதும் வழக்கமாக உள்ளது. இதுபற்றி, கொச்சி நகர போலீஸ் கமிஷனர், கோபாலகிருஷ்ண பிள்ளை கூறும் போது, ""நீண்ட காலமாக இந்த முறை வழக்கத்தில் உள்ளது. அதை மாற்ற யாரும் முன்வரவில்லை. எனவே,
இன்னமும் தொடர்கிறது,'' என்றார். இருட்டில் தான் திருட்டு என்பதெல்லாம் பழம் கதை; பட்டப் பகலிலேயே திருடும் கும்பல்கள், தங்கள் கைவரிசையை பரவலாக காட்டி வரும் இந்த நாளில், இன்னும் அமாவாசை ரோந்து முறையை கேரள போலீஸ் பின்பற்றி வருவது வினோதமாக தான் இருக்கிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை