pothu news | போலீஸ்காரரை காப்பாற்றவில்லையா?விமான படை தளபதி விளக்கம்| Dinamalar

பொது செய்தி

இந்தியா

போலீஸ்காரரை காப்பாற்றவில்லையா?விமான படை தளபதி விளக்கம்

Added : பிப் 08, 2013
Advertisement
 
 
Advertisement
 
 
 
Advertisement

பெங்களூர : ""சத்தீஸ்கர் மாநிலத்தில், நக்சல் ஒழிப்பு நடவடிக்கையின் போது, காயம் பட்ட மாநில போலீஸ்காரரை தவிக்க விட்டு செல்லவில்லை. அவரின் பாதுகாப்பிற்காகவே, சிறிது நேரம் விட்டு சென்றோம்,'' என, விமானப்படை தளபதி, பிரவுனி தெரிவித்துள்ளார்.ஜனவரி மாதம், சத்தீஸ்கர் மாநிலத்தில், நக்சல் ஒழிப்பு நடவடிக்கையில், விமானப்படையினர் ஈடுபட்டிருந்தனர். அவர்களுக்கு, மாநில போலீசார் சிலரும் உதவி செய்தனர். நக்சல்கள் ஆதிக்கம் மிகுந்த இடத்தில், தாக்குதலின் போது, காயமடைந்த மாநில போலீஸ்காரர் ஒருவரை, விமான படையினர், அப்படியே தவிக்க விட்டு சென்றனர் என்ற புகார் எழுந்தது. மத்திய உள்துறை செயலர், ராணுவ செயலருக்கு அனுப்பிய கடிதம், வெளியே கசிந்ததால், இந்த விவகாரம் தெரிய வந்தது. "போலீஸ்காரரை தவிக்க விட்டு சென்ற, விமானப்படை வீரர்கள் செயல் தவறு' என, பலதரப்பிலும் பேசப்பட்டது.
இது குறித்து, பெங்களூரு, விமான கண்காட்சியில் பங்கேற்றுள்ள, விமானப்படை தளபதி, ஏர் சீப் மார்ஷல், பிரவுனியிடம் நிருபர்கள் கேட்டபோது, அவர் கூறியதாவது: தீவிரவாதிகள் ஒழிப்பு நடவடிக்கையின் போது பின்பற்றப்படும் நடைமுறை தான் அது. நக்சல்கள் ஆதிக்கம் மிகுந்த இடத்தில், அவர்களுடன் சண்டையிடும் போது, காயம்பட்ட போலீஸ்காரரை, உடனடியாக பாதுகாப்பாக அப்புறப்படுத்த முடியவில்லை. அதனால் தான் அவரை விட்டு சென்றோம். அவர் மட்டுமல்ல; விமானப்படை ஹெலிகாப்டரையும் விட்டு சென்றோம். ஏனெனில், ஹெலிகாப்டரில் அவரை ஏற்றி சென்றால், அதை நக்சல்கள் சுட்டு வீழ்த்த வாய்ப்பு இருந்ததால், வீரர்கள் ஒவ்வொருவராக பிரிந்து சென்றனர். தகுந்த பாதுகாப்பு ஏற்பாடு செய்யப்பட்ட பிறகு, காயம்பட்ட போலீஸ்காரரை, நாங்கள் தான் அந்த இடத்திலிருந்து அப்புறப்படுத்தினோம். அவரை மோட்டார் பைக்கில் அழைத்து சென்றதாக கூறப்படுவது தவறு; அவரை, கவச வாகனத்தில் அழைத்து சென்றோம். இவ்வாறு, பிரவுனி கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை