arasial news | ஏப்ரலில், 28 எம்.எல்.ஏ., அலுவலகங்கள் ஆளுங்கட்சிக்கு முன்னுரிமை| Dinamalar

அரசியல் செய்தி

தமிழ்நாடு

ஏப்ரலில், 28 எம்.எல்.ஏ., அலுவலகங்கள் ஆளுங்கட்சிக்கு முன்னுரிமை

Added : பிப் 08, 2013
Advertisement
 
 
Advertisement
 
 
Advertisement

தமிழகத்தில், தொகுதி மறுசீரமைப்புக்கு பின், எம்.எல்.ஏ., அலுவலகம் இல்லாத தொகுதிகளில் கட்டப்பட்ட, 28 அலுவலகங்கள் ஏப்ரலில் திறக்கப்படுகின்றன. இவற்றில், ஆளுங்கட்சிக்கு முன்னுரிமை அளிக்கப்பட்டுள்ளது. இரண்டு ஆண்டுகளுக்கு முன், சட்டமன்ற, லோக்சபா தொகுதிகள் மறுசீரமைப்பின் காரணமாக, தொகுதிகளின் எல்லைகள் மாற்றி அமைக்கப்பட்டன. அவ்வாறு, மாற்றி அமைக்கப்பட்ட சில தொகுதிகளில், ஒன்றுக்கும் மேற்பட்ட, எம்.எல்.ஏ., அலுவலகங்கள் அமைந்து விட்டன. மேலும், சில தொகுதிகளில், எம்.எல்.ஏ., அலுவலகமே இல்லாத சூழ்நிலை ஏற்பட்டது. இதுபோன்று, 39 தொகுதிகளுக்கு, எம்.எல்.ஏ., அலுவலகம் இல்லாமல் இருந்தது.
அத்தொகுதி எம்.எல்.ஏ.,க்களின் கோரிக்கையைத் தொடர்ந்து, கடந்த ஆண்டு,எம்.எல்.ஏ., அலுவலகம் இல்லாத தொகுதிகளை கணக்கெடுத்து, முதலில், நிலம் கையகப்படுத்தும் பணிகளில் பொதுப்பணித்துறை ஈடுபட்டது. பின், எம்.எல்.ஏ., அலுவலகம் இல்லாத, 39 தொகுதிகளில், 28 தொகுதிகளில் அலுவலகம் அமைக்க, ஒரு எம்.எல்.ஏ., அலுவலகத்திற்கு, 13.75 லட்சம் வீதம், 28 தொகுதிகளுக்கு, 3 .25 கோடி ரூபாய் நிதி ஒதுக்கீடு செய்யப்பட்டு, பணிகள் துவங்கியது. தற்போது, இறுதி கட்டப் பணிகள் நடந்து வருகின்றன. ஏப்ரல் மாதத்தில், ஆளுங்கட்சி எம்.எல்.ஏ., அலுவலகங்களை, முதல்வர் திறக்க முடிவு செய்துள்ளதால், அ.தி.மு.க., - எம்.எல்.ஏ., தொகுதிகளில் நடந்து வரும் பணிகள், மிக விரைவாக நடந்து வருகின்றன.
கட்சி தொகுதி எண்ணிக்கை
அ.தி.முக., 18
தி.மு.க., 1
தே.மு.தி.க., 4
ம.ம.கட்சி 1
சி.பி.ஐ., 3
சி.பி.எம்., 1

- நமது நிருபர் -

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை