arasial news | முதல்வர் பதிலுரையில் விடிவு வருமா? "டெல்டா' விவசாயிகள் எதிர்பார்ப்பு| Dinamalar

அரசியல் செய்தி

தமிழ்நாடு

முதல்வர் பதிலுரையில் விடிவு வருமா? "டெல்டா' விவசாயிகள் எதிர்பார்ப்பு

Added : பிப் 08, 2013
Advertisement
 
 
Advertisement
 
 
 
Advertisement

கவர்னர் உரையில், வறட்சி நிவாரணம் குறித்து அறிவிப்பு வெளியாகாத நிலையில், முதல்வரின் இன்றைய பதிலுரையில், தங்களுக்கு விடிவு பிறக்கும் என, டெல்டா மாவட்ட விவசாயிகள் எதிர்பார்ப்புடன் காத்திருக்கின்றனர்.குறுவை சாகுபடி நடக்காத நிலையில், டெல்டா மாவட்டங்களில் கடந்த, அக்டோபர், நவம்பர் மாதங்களில் மேற்கொள்ளப்பட்ட சம்பா சாகுபடியும், தண்ணீர் இல்லாததால் பாதிக்கப்பட்டது. இதனால், விவசாயிகள் பெரும் நஷ்டத்திற்கு ஆளாகியுள்ளனர். அரசு தரப்பில், விவசாயிகளுக்கு பயிர்காப்பீடு, 8,692 ரூபாய், பேரிடர் நிவாரணம், 5,000 ரூபாய் சேர்த்து மொத்தம், 13,692 ரூபாய் நிவாரணம் வழங்கப்படும் என, அறிவிக்கப்பட்டது. ஆனால், மறுபுறம் விவசாயிகளுக்கு ஏக்கருக்கு, 25 ஆயிரம் ரூபாய், விவசாய கூலி தொழிலாளர்களுக்கு, 10 ஆயிரம் ரூபாய், தற்கொலை செய்த விவசாயிகளின் குடும்பத்திற்கு, 10 லட்சம் ரூபாய் இழப்பீடு வழங்கவேண்டும் என்ற கோரிக்கை எழுந்துள்ளது. இதை முன்வைத்து, டெல்டா மாவட்டங்களில், தொடர் போராட்டங்களும் அரங்கேறியது. விவசாயிகளுக்கு கூடுதல் நிவாரணம் வழங்குவதற்காக, முதல்வர் உத்தரவை அடுத்து, அமைச்சர்கள், அதிகாரிகள் அடங்கிய குழு, டெல்டா மாவட்டங்களுக்கு சென்று ஆய்வு செய்தது. எனவே, கவர்னர் உரையில், வறட்சி நிவாரணம் குறித்த அறிவிப்பு வரும் என, விவசாயிகள், விவசாய தொழிலாளர்கள் பெரிதும் எதிர்பார்த்தனர். ஆனால், அமைச்சர்கள் குழு அளிக்கும் பரிந்துரை அடிப்படையில், நிவாரணம் வழங்கப்படும் என, கவர்னர் உரையில் தெரிவிக்கப்பட்டது. அதேநேரத்தில், "டெல்டா மாவட்ட விவசாயிகள், வறட்சி காரணமாக, தற்கொலை செய்துக்கொள்ளவில்லை' என, அமைச்சர் பன்னீர்செல்வம் சபையில் தெரிவித்துள்ளார். எனவே, இறந்த விவசாயிகளுக்கு, அரசு தரப்பில், நிவாரணம் ஏதும் வழங்கப்படாது என்பது உறுதியாகிவிட்டது. மாறாக, விவசாயிகளுடன், விவசாய தொழிலாளர் களுக்கும் நிவாரணம் வழங்க வாய்ப்புள்ளது. சட்டசபையில், இன்று முதல்வரின் பதிலுரையில் தங்களுக்கான நிவாரணம் குறித்த அறிவிப்பு வெளியாகும் என, விவசாயிகள், விவசாய தொழிலாளர்கள் பெரிதும் எதிர்பார்க்கின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை