sambavam news | 16 வயது மாணவி திருமணம் அதிகாரிகள் தலையிட்டு தடை| Dinamalar

சம்பவம் செய்தி

தமிழ்நாடு

16 வயது மாணவி திருமணம் அதிகாரிகள் தலையிட்டு தடை

Added : பிப் 08, 2013
Advertisement
 
 
Advertisement
 
 
Advertisement

சிவகங்கை : சிவகங்கை அருகே பிளஸ் 1 மாணவிக்கு நடக்க இருந்த திருமணத்திற்கு, சமூக நலத்துறை அதிகாரிகள் தடை விதித்தனர். சிவகங்கை அருகே இடையமேலூரில், 16 வயது பிளஸ் 1 மாணவிக்கும், பிரவலூரை சேர்ந்த வாலிபருக்கும் திருமணம் நடத்த பெற்றோர் முடிவு செய்திருந்தனர். நேற்று காலை இடையமேலூரில் மணமகள் வீட்டில் திருமணம் நடப்பதாக இருந்தது. இதுகுறித்து, மாவட்ட சமூகநலத்துறை அலுவலர் ராஜராஜேஸ்வரிக்கு முன்னதாகவே புகார் வந்தது. அவர் தலைமையில், வி.ஏ.ஓ., சுந்தரவள்ளி மற்றும் மகளிர் போலீசார், நேற்று முன்தினம் இரவு, மாணவி வீட்டிற்கு சென்றனர். அவரின் கல்வி மற்றும் பிறப்பு சான்றுகளை, கேட்டு விசாரணை நடத்தினர். விசாரணையில், அப்பெண்ணிற்கு 18 வயது பூர்த்தியாகவில்லை என, கண்டறிந்தனர். திருமணத்திற்கு தடை விதித்தனர். தடையை மீறி நடத்தினால், இரு தரப்பு பெற்றோர் மீது சட்டப்படி நடவடிக்கை எடுக்கப்படும் என, எச்சரித்தனர். திருமணமும் நிறுத்தப்பட்டது. சமூக நலத்துறை அதிகாரி ஒருவர் கூறியதாவது: மாணவியின் தந்தை, வெளிநாட்டில் வசிக்கிறார். அவரது தாய், விவரம் தெரியாமல், திருமணத்திற்கு முடிவு செய்துள்ளார். இதற்காக, பள்ளியில் இரண்டு நாட்கள் மட்டுமே விடுமுறை எடுத்துள்ளார் மாணவி. திருமணத்திற்கு பின் மீண்டும் பள்ளி செல்ல அம்மாணவி முடிவு செய்துள்ளார். ஆனால், உரிய விசாரணைக்கு பின், திருமணம் ரத்து செய்யப்பட்டது. இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை