kanchipuram district news | குடியிருப்புகளின் மத்தியில் கழிவுநீர், குப்பை கொட்டுவதற்கு எதிர்ப்பு| Dinamalar

தமிழ்நாடு

குடியிருப்புகளின் மத்தியில் கழிவுநீர், குப்பை கொட்டுவதற்கு எதிர்ப்பு

Added : பிப் 08, 2013
Advertisement
 
 
Advertisement
 
 
 
Advertisement

பொன்னேரி:குடியிருப்புகளின் மத்தியில் கழிவுநீர், குப்பை கொட்டப்பட்டு, துர்நாற்றம், சுகாதார கேடு ஏற்படுவதால், அதற்கு மக்கள் எதிர்ப்பு தெரிவித்து உள்ளனர்.மீஞ்சூர் ஒன்றியம், தடப்பெரும்பாக்கம் ஊராட்சியில், திருவேங்கிடபுரம், உப்பரபாளையம், புலிக்குளம், கொக்குமேடு, பொன்நகர் உள்ளிட்ட பகுதிகளில், 1,500 குடியிருப்புகளில், 10 ஆயிரம் மக்கள் வசிக்கின்றனர்.கல்வி, வியாபாரம், சுகாதாரம் என கிராமங்களில் இருந்தும், நல்ல குடிநீர், காற்றோட்டமான இருப்பிடம், பிரபல தனியார் பள்ளிகள் என, சென்னை உள்ளிட்ட, பல்வேறு பகுதிகளில் இருந்தும், மேற்கண்ட ஊராட்சியில், மக்கள் குடியேறி வருகின்றனர்.

அதிகரித்து வரும் குடியிருப்புகளுக்கு ஏற்ப, சுகாதார வசதிகள் ஏற்படுத்தப்படாமல் இருந்து வருகிறது. மேற்கண்ட குடியிருப்புகளில் சேகரிக்கப்படும், குப்பைகள், திருவொற்றியூர் நெடுஞ்சாலை ஒரத்தில் கொட்டப்படுகின்றன.அதேபோல் அரசு கல்லூரி அருகில், குடியிருப்புகளுக்கு மத்தியில் கொட்டப்படும் குப்பையால், அப்பகுதி மக்கள், சுகாதார சீர்கேட்டிற்கு ஆளாகின்றனர்.ஊராட்சியில் தேங்கும் குப்பையை கொட்டுவதற்கு என்று, நிரந்தர இடம் இல்லாமல், நிர்வாகம் மேற்கண்ட இடங்களில் கொட்டி வருகிறது.

மேற்கண்ட இடங்களில், குப்பை மற்றும் கழிவுநீர் கொட்டுவதற்கு அப்பகுதிகளைச் சேர்ந்த பொதுமக்கள் எதிர்ப்பு தெரிவித்து வருகின்றனர்.இதுகுறித்து, பெயர் வெளியிட விரும்பாத, மீஞ்சூர் ஒன்றிய அதிகாரி ஒருவர் கூறியதாவது:குப்பை கொட்டுவதற்கு, பொதுமக்களுக்கு இடையூறு இல்லாத வேறு இடம் தேடி வருகிறோம். தற்போதைக்கு கழிவுநீர் கால்வாய் எதுவும் அமைக்கப்படவில்லை.

ஏற்கனவே அமைக்கப்பட்ட கால்வாய்கள் மூலம் கழிவுநீர், மாற்று இடத்தில் கொண்டு சேர்க்க, நடவடிக்கை மேற்கொள்ளப்பட்டு வருகிறது. கழிவுநீர் கொண்டு சேர்க்க, இடம் தேர்வு செய்த பின்னர், மற்ற இடங்களில் கழிவுநீர் கால்வாய்கள் அமைக்க, நடவடிக்கை எடுக்கப்படும். திடக்கழிவு மேலாண்மை திட்டம், கழிவுநீர் சுத்திகரிப்பு நிலையம் போன்றவை குறித்து, அரசின் கவனத்திற்கு கொண்டு செல்லப்படும்.இவ்வாறு, அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை