tiruvallur district news | படகு மூலம் கடத்தல் முயற்சி3 டன் செம்மர துண்டுகள் பறிமுதல்| Dinamalar

தமிழ்நாடு

படகு மூலம் கடத்தல் முயற்சி3 டன் செம்மர துண்டுகள் பறிமுதல்

Added : பிப் 08, 2013
Advertisement
 
 
Advertisement
 
 
Advertisement

கும்மிடிப்பூண்டி:படகு மூலம் தமிழகத்திற்கு கடத்துவதற்காக, ஆந்திர பகுதியில் பதுக்கி வைக்கப்பட்டிருந்த, 3 டன் செம்மர துண்டுகளை ஆந்திர வன துறையினர் பறிமுதல் செய்தனர்.கும்மிடிப்பூண்டி அருகே, ஆந்திர மாநிலத்திற்கு உட்பட்ட பனங்காடு கிராமத்தில், படகு மூலம் தமிழகத்திற்கு கடத்துவதற்காக செம்மர துண்டுகள் பதுக்கி வைத்திருப்பதாக ஆந்திர மாநிலம், சித்தூர் மாவட்ட வன துறையினருக்கு தகவல் கிடைத்தது.மாவட்ட வன அலுவலர் பவன்குமார் உத்தரவின் பேரில், வன சரகர் நாராயணா தலைமையில், 10 பேர் கொண்ட சிறப்பு படை நியமிக்கப்பட்டு பனங்காடு பகுதியில் சோதனை மேற்கொண்டனர். அப்பகுதியில் உள்ள பழவேற்காடு ஏரி அருகே உள்ள தைல மர தோப்பில் பதுக்கி வைக்க ப்பட்டிருந்த, 5 அடி முதல், 7 அடி நீளம் கொண்ட, 3 டன் எடை செம்மர துண்டுகளை, வன துறையினர் பறிமுதல் செய்தனர். அதன் மதிப்பு மூன்று லட்சம் ரூபாய்.பழவேற்காடு ஏரி வழியாக படகு மூலம், தமிழகத்திற்குள் செம்மரங்கள் கடத்துவதற்காக பதுக்கி வைக்கப்பட்டது, வன துறையினரின் விசாரணையில் தெரிய வந்தது.


வழக்கு பதிந்த சித்தூர் மாவட்ட ஆந்திர மாநில வன துறையினர், பதுக்கியது யார் என்பது குறித்து விசாரணை நடத்தி வருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை