district news | தென்னிலையில் மந்தை புறம்போக்கு நிலப்பிரச்னை:போஸ்டரால் பரபரப்பு| Dinamalar

தமிழ்நாடு

தென்னிலையில் மந்தை புறம்போக்கு நிலப்பிரச்னை:போஸ்டரால் பரபரப்பு

Added : பிப் 08, 2013
Advertisement
 
 
Advertisement
 
 
 
Advertisement

க.பரமத்தி: தென்னிலை அருகே, சுடுகாட்டு பிரச்னையில், அப்பகுதியில் ஒட்டபட்ட சுவரொட்டிகளால் சர்ச்சை ஏற்பட்டுள்ளது.
தென்னிலை தெற்கு பஞ்சாயத்துக்கு உட்பட்ட சேஞ்சேரிவலசு பகுதியில், 50க்கும் மேற்ப ட்ட குடும்பத்தினர் வசித்து வருகின்றனர். இங்குள்ள மந்தை புற ம்போக்கு நிலத்தை, சுண்டமே டு பகுதியை சேர்ந்தவர்கள் சுடுகாடாக பயன்படுத்தி வந்தனர்.
கடந்த ஆகஸ்ட் மாதம் எம்.எல்.ஏ., தொகுதி மேம்பாட்டு நிதியிலிருந்து, செஞ்சேரிவலசில் அங்கன்வாடி மையம் கட்ட முடிவு செய்யப் பட்டது. பஞ்சாயத்து நிர்வாகம், மந்தை புறம்போக்கு இடத்தில், ஒரு பகுதியை தேர்வு செய்தனர். இதற்கு சுணடமேடு மக்கள் எதிர்ப்பு தெரிவித்தனர். இதனையடுத்து, கடந்த ஆகஸ்ட், 16ம் தேதி அரவக்குறிச்சி தாசில்தார் மூர்த்தி முன்னிலையில் பேச்சுவார்த்தை நடந்தது. இதில், உடன்பாடு ஏற்படவில்லை. இதனால், இரு தரப்பினரும் தீர்வு ஏற்படும் வரை மந்தை புறம்போக்கு நிலத்தை பயன்படுத்தக்கூடாது, என தாசில்தார் உத்தரவிட்டார். பஞ்சாயத்து நிர்வாகம், அங்காவடி மையம் கட்டுவதை வேறு இடத்தில் மாற்றி விட்டது.
இந்நிலையில், கடந்த, 1ம் தேதி, சுண்டமேட்டில் இறந்தவர் உடலை, பிரச்னைக்குரிய இடத்தில் புதைக்க ஏற்பாடு செய்தனர். செஞ்சேரிவலசு மக்கள், தென்னிலை போலீஸில் இது பற்றி புகார் அளித்தனர். அதன் பேரில், போலீஸார் மற்றும் பஞ்சாயத்து நிர்வாகம் விசாரணை நடத்தினர். இருப்பினும், சுண்டமேடு மக்கள், மந்தை புறம்போக்கு நிலத்தில் உடலை புதைத்தனர்.
மந்தை புறம்போக்கு நிலத் தை சுடுகாடாக பயன்படுத்த, செஞ்சேரிவலசு மக்கள் தொ டர்ந்து எதிர்ப்பு தெரிவித்து வருகின்றனர். அங்கு, சமுதய கூடம் கட்ட, வரும், 13ம் தேதி அடிக்கல் நாட்டு விழா நடப்பதாக, தென்னிலை பகுதி முழுவதும் சுவரொட்டிகள் ஒட்டப்பட்டுள்ளது. இதனால், அப்பகுதி பெரு ம் பரபரப்பு ஏற்பட்டுள்ளது.
இதுகுறித்து அரவக்குறிச்சி தாசில்தார் மூர்த்தி கூறியதாவது:
மந்தை புறம்போக்கு நிலமாக இருந்தாலும், சுடுகாடு இருக்கும் இடத்தில் சமுதாய கூடம் கட்ட வருவாய்துறையிடம் அனுமதி வாங்க வேண்டும். அந்த இடத்தை ஆக்கிரமிப்பு செய்வோர் மீது நடவடிக்கை எடுக்கப்படும், என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை