We don't know background reason for Pottu Suresh Murders: arrested 7 in their statement | 'பொட்டு' சுரேஷ் கொலை பின்னணி குறித்து எதுவும் தெரியாது: சரணடைந்தவர்கள் வாக்குமூலம்| Dinamalar

சம்பவம் செய்தி

தமிழ்நாடு

'பொட்டு' சுரேஷ் கொலை பின்னணி குறித்து எதுவும் தெரியாது: சரணடைந்தவர்கள் வாக்குமூலம்

Added : பிப் 11, 2013
Advertisement
 
 
Advertisement
 
 
 
Advertisement
'பொட்டு' சுரேஷ் கொலை பின்னணி   குறித்து எதுவும் தெரியாது: சரணடைந்தவர்கள் வாக்குமூலம்

மதுரை: மதுரையில், தி.மு.க., தலைமை செயற்குழு உறுப்பினர், "பொட்டு' சுரேஷ் கொலை செய்யப்பட்ட வழக்கில், சரணடைந்த, ஏழு பேரும், "இக்கொலைக்கான பின்னணி தெரியாது; "அட்டாக்' பாண்டியின் அக்கா மகன் விஜயபாண்டியிடம் தான் கேட்க வேண்டும்' என, தெரிவித்து உள்ளனர். மதுரையில், கடந்த, ஜனவரி மாதம், 31ம் தேதி, "பொட்டு' சுரேஷ் வெட்டிக் கொல்லப்பட்டார். இவ்வழக்கில், நத்தம் கோர்ட்டில் சரணடைந்த, கீரைத்துறை சபாரத்தினம் உட்பட, ஏழு பேரிடம், மதுரை சுப்பிரமணியபுரம் போலீசார் விசாரிக்கின்றனர். இவர்களது மொபைல் போன்களை ஆய்வு செய்ததில், எந்த, "க்ளூ'வும் கிடைக்கவில்லை. அதேபோல், சுரேஷின் நண்பர்கள், தொழில் பங்குதாரர்களின் மொபைல் போன்களை ஆய்வு செய்ததிலும், "க்ளூ' கிடைக்கவில்லை. இதை தொடர்ந்து, ஏழு பேரிடமும் தனித்தனியே விசாரித்தது குறித்து போலீசார் கூறியதாவது: எங்களுக்கு எதுவும் தெரியாது; "அட்டாக்' பாண்டியின் அக்கா மகன் விஜயபாண்டியிடம் தான் கேட்க வேண்டும். நாங்க பணம் வாங்கி செய்யலை. எல்லாம், "தலைநகரத்திற்காகத்தான்' (அட்டாக் பாண்டி) செஞ்சோம்' என, தெரிவித்தனர். அவர்கள் கொடுத்த தகவலின்படி, விஜயபாண்டி, கூட்டாளி கோபி உட்பட, மூவரையும் தேடி வருகிறோம். அவர்கள் பிடிபட்டால் தான், இக்கொலைக்கான உண்மையான காரணமும், பின்னணியில் யார் உள்ளனர் என்பதும் தெரியவரும். இவ்வாறு, அவர்கள் கூறினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை