E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
பதிவு செய்த நாள் : பிப்ரவரி 21,2013,23:51 IST
கருத்துகள் (120)  கருத்தை பதிவு செய்ய
எழுத்தின் அளவு:

ஐதராபாத்:ஆந்திர மாநிலம் ஐதராபாத்தில், நேற்று அடுத்தடுத்து நிகழ்ந்த மூன்று குண்டு வெடிப்புகளில், 20 பேர் பலியாயினர்; 80 பேர் காயம் அடைந்தனர்.
ஆந்திர மாநிலம், ஐதராபாத் நகரில் உள்ளது, தில்சுக் நகர் பஸ் நிலையம். மாநிலத்தின் பல்வேறு பகுதிகளுக்கும், வெளி மாநிலங்களுக்கும் செல்லும், ஆந்திர மாநில போக்குவரத்து கழக பஸ்கள், இங்கிருந்து தான் இயக்கப்படுகின்றன. இதையொட்டி நிறைய வணிக வளாகங்களும் உள்ளன.
தில்சுக் நகர் பஸ் நிலையம் எதிரே, கோனார்க் மற்றும் வெங்கடாத்ரி என்ற பெயரில், திரையரங்குகள் அடுத்தடுத்து உள்ளன. இதில், கோனார்க் திரையரங்கத்திற்கு வெளியே உள்ள சாலையோர உணவகம் அருகே, நேற்று இரவு, 7:01 மணிக்கு, பயங்கர குண்டு வெடித்தது. இதைத் தொடர்ந்து, அடுத்த ஐந்து நிமிட இடைவெளியில், வெங்கடாத்ரி தியேட்டர் அருகே, மற்றொரு குண்டும், 15 நிமிட இடைவெளியில், தில்சுக் நகர் பஸ் நிலையம் அருகே, மூன்றாவது குண்டும் வெடித்தது. இந்த மூன்று குண்டு வெடிப்புகளிலும், 20 பேர் பலியாயினர்; 80க்கும் மேற்பட்டோர் காயம் அடைந்தனர்.
குண்டு வெடிப்பு நிகழ்ந்ததும், ஏராளமானோர், பாதுகாப்பான இடங்களை நோக்கி ஓடியதால், கடும் நெரிசலும் ஏற்பட்டது. இதனாலும், சிலர் இறந்திருக்கலாம் மற்றும் காயமடைந்திருக்கலாம் என, நம்பப்படுகிறது.உடனடியாக சம்பவ இடத்திற்கு விரைந்து வந்த போலீசார் மற்றும் வெடிகுண்டுகளை செயல் இழக்கச் செய்யும் நிபுணர்கள், குண்டு வெடிப்பில் காயமடைந்தவர்களை, ஆம்புலன்ஸ்களில் ஏற்றி, பல்வேறு மருத்துவமனைகளுக்கு அனுப்பி வைத்தனர். அப்பகுதியில், வேறு ஏதாவது குண்டுகள் உள்ளனவா என, வெடிகுண்டுகளை செயல் இழக்கச் செய்யும் நிபுணர்கள் தேடினர்.
கோனார்க் தியேட்டரில் வெடித்த குண்டை, டிபன் பாக்சில் வைத்து இருந்திருக்கலாம் என்றும், வெங்கடாத்திரி தியேட்டர் அருகே வெடித்த குண்டை, சைக்கிளில் வைத்து இருந்திருக்கலாம் என்றும், முதல் கட்ட விசாரணையில் தெரிய வந்துள்ளது.குண்டு வெடிப்பை அடுத்து, டில்லி, மகாராஷ்டிரா, கர்நாடகா உட்பட, பல மாநிலங்களில், போலீசார் உஷார் படுத்தப்பட்டுள்ளனர். முக்கிய நகரங்களிலும், தீவிர கண்காணிப்பு மேற்கொள்ளப்பட்டுள்ளது.

ஐதராபாத்தில் உள்ள தேசிய புலனாய்வு நிறுவனத்தினர், சம்பவ இடத்திற்கு விரைந்துள்ளதோடு, டில்லியில் உள்ள இந்த அமைப்பினர், எல்லை பாதுகாப்பு படை சிறப்பு விமானம் மூலம், ஐதராபாத் விரைந்துள்ளனர்.
மத்திய, மாநில அரசுகள் மேற்கொண்ட கடும் நடவடிக்கை காரணமாக, சமீபத்திய சில மாதங்களாக, பெரிய அளவிலான குண்டு வெடிப்புகள் எதுவும், எங்கும் நிகழவில்லை. இந்நிலையில், ஐதராபாத்தில், குண்டு வெடிப்பு நிகழ்ந்துள்ளது, மத்திய அரசுக்கு அதிர்ச்சியை ஏற்படுத்தியுள்ளது.
குண்டு வெடிப்புக்கு, ஆந்திராவில் நீண்ட காலமாக செயல்பட்டுவரும், நக்சலைட் அமைப்பினர் காரணமா அல்லது பயங்கரவாதிகள் காரணமா என்ற கோணத்திலும் விசாரிக்கப்பட்டு வருகிறது.
ஐதராபாத்தில், இதற்கு முன், 2007 ஆகஸ்ட், 25ல், இதேபோல், இரண்டு குண்டு வெடிப்புகள் நிகழ்ந்தன. முதல் குண்டு பூங்கா ஒன்றிலும், இரண்டாவது குண்டு உணவகம் ஒன்றில் வெடித்தது. அதற்கு பின், தற்போது, இந்நகரில் குண்டு வெடிப்பு நிகழ்ந்துள்ளது.
குற்றவாளிகள் தப்பிக்க முடியாது: பிரதமர் ஆவேசம் ஐதராபாத் குண்டு வெடிப்பில் பலியானவர்களின் குடும்பத்திற்கு, தலா, 2 லட்சம் ரூபாயும், காயமடைந்தவர்களுக்கு, தலா, 50 ஆயிரம் ரூபாயும் நிவாரண உதவியாக வழங்கப்படும்,'' என, பிரதமர் மன்மோகன் சிங் அறிவித்துள்ளார்.ஐதராபாத்தில், நேற்று இரவு அடுத்தடுத்து, மூன்று இடங்களில் குண்டுகள் வெடித்தன. இந்த குண்டு வெடிப்பு சம்பவத்திற்கு, பல்வேறு அரசியல் கட்சித் தலைவர்களும் கடும் கண்டனம் தெரிவித்துள்ளனர். பிரதமர் மன்மோகன் சிங் கூறியதாவது:
கொடூரமான முறையில் நடத்தப்பட்ட, இந்த குண்டு வெடிப்பு தாக்குதல், கண்டனத்திற்குரியது. குற்றவாளிகள் யாராக இருந்தாலும், அவர்கள் தண்டனையிலிருந்து தப்ப முடியாது. பொதுமக்கள் இந்த நேரத்தில் அமைதி காக்க வேண்டும். பலியானவர்களின் குடும்பத்தினருக்கு நிவாரண உதவியாக, தலா, 2 லட்சம் ரூபாயும், காயமடைந்தவர்களுக்கு, 50 ஆயிரம் ரூபாயும் வழங்க உத்தரவிடப்பட்டுள்ளது.இவ்வாறு

Advertisement

மன்மோகன் சிங் கூறினார்.

உள்துறை அமைச்சர் சுஷில்குமார் ஷிண்டே கூறியதாவது:சில மாநிலங்களில் குண்டு வெடிப்புகளை நடத்த, பயங்கரவாதிகள் திட்டமிட்டுள்ளதாக, உள்துறை அமைச்சகத்திற்கு தகவல் கிடைத்தது. உடன், அந்தத் தகவலை, அனைத்து மாநிலங்களுக்கும் தெரிவித்தோம். குறிப்பிடத்தக்க தகவல்கள் எதுவும் கிடைக்க வில்லை.ஐதராபாத் குண்டு வெடிப்பில், பயங்கரவாதிகளின் பின்னணி இருக்குமா என்பது குறித்து முழுமையான விசாரணைக்குப் பின், தெரிவிக்க முடியும். ஏராளமானோர் காயம் அடைந்துள்ளதால், பலி எண்ணிக்கை மேலும் உயரலாம்.இவ்வாறு ஷிண்டே கூறினார்.மத்திய உள்துறை செயலர் ஆர்.கே.சிங் கூறுகையில், ""குண்டு வெடிப்பு வழக்கு விசாரணை, தேசிய புலனாய்வு நிறுவனத்தினரிடம் ஒப்படைக்கப் பட்டுள்ளது,'' என்றார்.
குண்டு வெடிப்பு சம்பவத்திற்கு பா.ஜ., கடும் கண்டனம் தெரிவித்துள்ளது. அக்கட்சியின் தலைவர் ராஜ்நாத் சிங் கூறியதாவது: இந்த குண்டு வெடிப்புக்கு காரணமானவர்கள் யார் என்பது பற்றி மத்திய, மாநில அரசுகள் கண்டு பிடித்து தகுந்த நடவடிக்கை எடுக்க வேண்டும். இதுபோன்ற துயர சம்பவம் மீண்டும் நடைபெறாத வகையில், முன்னெச்சரிக்கை நடவடிக்கைகளை தீவிரப்படுத்த வேண்டும்.இறந்தவர்களின் குடும்ப உறுப்பினர்களுக்கு எனது இரங்கலையும், ஆழ்ந்த அனுதாபத்தையும் தெரிவித்துக் கொள்கிறேன். இவ்வாறு ராஜ்நாத் சிங் கூறினார்.




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (120)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
mohan - chennai,இந்தியா
23-பிப்-201300:01:29 IST Report Abuse
mohan எதற்கெடுத்தாலும், இது அரசுக்கு தெரியும் என்று மூக்கை நீட்டுபவர், இதனை நடந்தும் ஒரு கருத்தையும் சொல்லவில்லை.
Rate this:
0 members
0 members
1 members
Share this comment
Cancel
Raj - Chennai,இந்தியா
22-பிப்-201312:48:27 IST Report Abuse
Raj வழக்கம் போல் மத்திய அரசு மாநில அரசுகள் பரஸ்பரம் குற்றம் சாட்டிக்கொள்ள மற்றுமொரு சம்பவம். மாநில அரசுகள் ஒத்துழைப்பு இன்றி மத்திய அரசு எதுவும் செய்ய இயலாது. காவல் காக்க வேண்டியவர்கள் VIP VVIP இவர்களுக்கு பாதுகாப்பு கொடுக்கவே நேரம் இல்லாதபோது பொதுமக்கள் எக்கேடு கெட்டால் என்ன
Rate this:
0 members
0 members
9 members
Share this comment
Cancel
Ibrahim - Bangalore,இந்தியா
22-பிப்-201312:05:10 IST Report Abuse
Ibrahim எந்த மதத்திலும் அப்பாவி மக்களை கொல்ல சொல்லவில்லை. ஒரு சிலர் செய்யும் ஈனத்தனமான செயல் அதே மதத்தை சேர்ந்த மற்ற அப்பாவி மக்களையும் சந்தேக கண்ணோட்டத்தில் பார்க்க செய்கிறது. இந்த செயலை செய்த கொடியவர்கள் யாராக இருப்பினும் அவர்களை உடனே கைது செய்து எல்லோர் முன்னிலையிலும் தூக்கில் இட வேண்டும். இப்படிக்கு ஒரு உண்மை இந்திய முஸ்லிம்.
Rate this:
5 members
1 members
41 members
Share this comment
Cancel
S.JAGADEESAN - Manama,பஹ்ரைன்
22-பிப்-201312:03:16 IST Report Abuse
S.JAGADEESAN குண்டு வைத்தவனை சீக்கரம் கண்டுபிடித்து நடு வீதியல் அம்மணமாக வைத்து தூக்கில் இட வேண்டும்
Rate this:
3 members
1 members
10 members
Share this comment
Cancel
Divaharan - Tirunelveli,இந்தியா
22-பிப்-201311:57:12 IST Report Abuse
Divaharan கசாப், அப்சல் குரு இறப்பிற்கு வருத்தப்பட்டவர்கள் கூட இந்த 20 பேர் இறப்பிற்கு வருத்தப்படவில்லை?
Rate this:
1 members
0 members
58 members
Share this comment
Cancel
sami annachi - dubai,ஐக்கிய அரபு நாடுகள்
22-பிப்-201311:55:31 IST Report Abuse
sami annachi இது போன்ற காட்டுமிராண்டி செயல்களை செய்யும் மனிதகுல விரோதிகளை மதம் பார்க்காமல் இனம் பார்க்காமல் அடையாளம் கண்டு வேரோடு கருவருக்கவேண்டும். காட்டுமிராண்டிகள் யாராக இருந்தாலும் தண்டனையை அரசு பொதுமக்கள் முன்னிலையில் கொடுக்க வேண்டும் அப்போதுதான் இது போன்ற குற்றம் மீண்டும் நடைபெறாமல் தடுக்க முடியும்
Rate this:
1 members
0 members
10 members
Share this comment
Cancel
p.mohamed rafik,kuruvadi - hafar al batin,இந்தியா
22-பிப்-201311:49:14 IST Report Abuse
p.mohamed rafik,kuruvadi வன்மையக கண்டிக்கப் பட வேண்டிய விஷயம்.அப்பாவி மக்கள் பலியாவதை யாரும் ஆதரிக்கவே மாட்டார்கள். அரசு அப்சல் குருக்களை, சொல்லாமல் கொள்ளாமல் தூக்கில் போட்டால் பிரச்சினை முடிந்து விடும் என்று எண்ணி அது போன்று செயல்களை மறுபடியும் செய்யாமல் உண்மையான குற்றவாளிகளி எந்த வித குறிக்கீடும் இல்லாமல் இப்படி பட்ட குண்டுவெடிப்புகள் யாருக்கு அரசியல் லாபத்தை தருகின்றன என்கின்ற கோணத்தில் முழுமையான விசாரணை மேற்கொண்டால் மேலும் இது போன்ற குண்டு வெடிப்புகள் எதிகாலத்தில் நடக்காமல் எளிதாக தடுக்க முடியும். இதை விட்டு விட்டு எதாவது வாயில் நுழைய முடியாத பெயர்களில் உள்ள அமைப்பை உடனடியாக குற்றம் சுமத்தி எதாவது 3 அல்லது 4 நபர்களை கைது செய்து விசாரணையை 5 ஆண்டுகளுக்கு இழுத்து அடுத்த 5 ஆண்டுகளில் அதில் ஒருவரை கூட்டு மனசாட்சி அடிப்படையில் தூக்கில் போட்டு அடுத்த ஒரு குண்டு வெடிப்புக்கு வழி செய்து கொடுக்க வேண்டாம்.மறுபடியும் ஒரு ஹேமந்த் கர்கரே போன்ற பாரபட்ச மற்ற திறமையான வேகம்மான விவேகமான அதிகாரியின் தலைமைப் பொறுப்பு தீவிரவாத தடுப்புப் படைக்கு கிடைக்க அரசு முயற்சி செய்ய வேண்டும்.அனைத்து தரப்பு மக்களும் அமைதியான பாதுகாப்பான வாழ்க்கைக்கு அரசு உத்தரவாதம் அளிக்க வேண்டும்.
Rate this:
48 members
0 members
14 members
Share this comment
Cancel
Suhir - Batticaloa,இலங்கை
22-பிப்-201311:48:55 IST Report Abuse
Suhir எங்கடா அந்த 24 கூட்டமைப்பு?
Rate this:
5 members
0 members
53 members
Share this comment
sankar - trichy,இந்தியா
23-பிப்-201300:14:21 IST Report Abuse
sankarஇட்லிக்கு ஊறுகாய் வேணுமின்னு கேட்டுகிட்டு இருகிறாங்க...
Rate this:
0 members
0 members
1 members
Share this comment
Cancel
vaidyanathan - Chennai,இந்தியா
22-பிப்-201311:45:35 IST Report Abuse
vaidyanathan Instead of fighting and blaming each others Ruling and opposition parties discuss, think, together in parliment as well as in assembley to take corrective actions to prevent such instances in future. The politicians are requested to think for a movement what for they have been elected by public and s to parliment and assembly. unity is required, discussion to be healthy, decent behavier is required should listen and respect others view.
Rate this:
0 members
0 members
2 members
Share this comment
Cancel
சகுனி - ஸ்ரீபெரும்புதூர்,இந்தியா
22-பிப்-201311:39:08 IST Report Abuse
சகுனி மும்பை மற்றும் டெல்லி தாக்குதல் குற்றவாளிகளை தூக்கில் போட்டதற்கு பழி வாங்குவோம் என்று சொன்னார்கள் ..... செய்து விட்டார்கள் ...... அநேகமாக இது அவர்கள் வேலையாகத்தான் இருக்க வேண்டும் ......... வழக்கம் போல வழவழா கொழகொழா அறிக்கை மத்திய அரசு வெளியிடும் ....... நம் ஆ(ளு)ண்மை எப்போது வெளிப்படப்போகிறது? .... பதிலுக்கு இவ்வளவு நேரம் பாகிஸ்தானில் கராச்சி காணாமல் போய் இருக்க வேண்டாமா?
Rate this:
10 members
0 members
29 members
Share this comment
sankar - trichy,இந்தியா
23-பிப்-201300:15:38 IST Report Abuse
sankarரொம்ப உணர்ச்சிவசபடாதிங்க . விஜகாந்த் படதுலாதான் அந்த மாதிரி பார்க்க முடியும்...
Rate this:
0 members
0 members
0 members
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.