DMK boycott Azhagiri | கன்னியாகுமரி ஆர்ப்பாட்டத்தில் அழகிரி புறக்கணிப்பு?| Dinamalar

அரசியல் செய்தி

தமிழ்நாடு

கன்னியாகுமரி ஆர்ப்பாட்டத்தில் அழகிரி புறக்கணிப்பு?

Added : ஜன 08, 2013 | கருத்துகள் (73)
Advertisement
DMK boycott Azhagiri கன்னியாகுமரி ஆர்ப்பாட்டத்தில் அழகிரி புறக்கணிப்பு?

கன்னியாகுமரியில் உள்ள திருவள்ளுவர் சிலையை பாதுகாத்திட வலியுறுத்தி, இம்மாதம், 19ம்தேதி, கருணாநிதி தலைமையில், தி.மு.க., ஆர்ப்பாட்டம் நடக்கிறது. இந்த ஆர்ப்பாட்டத்திற்கான அறிவிப்பில், தி.மு.க., தென் மண்டல அமைப்புச் செயலரான, மத்திய அமைச்சர் அழகிரியின் பெயர் இடம்பெறவில்லை.

தி.மு.க., மாவட்டச் செயலர்கள் கூட்டம், சென்னை அறிவாலயத்தில், நேற்று முன்தினம் நடந்தது. கூட்டத்தில், கன்னியாகுமரி கடலில் அமைந்துள்ள, திருவள்ளுவர் சிலையை பராமரிக்காமல், தமிழக அரசு புறக்கணிப்பதை கண்டித்தும், மத்திய அரசின் கவனத்திற்கு எடுத்துச் சென்று, உடனடியாக பராமரிப்புப் பணிகளை, மேற்கொள்ள வலியுறுத்தப்பட்டது. ஆர்ப்பாட்ட அறிவிப்பு : இதை வலியுறுத்தி, இம்மாதம், 19ம்தேதி, பொதுச் செயலர் அன்பழகன் தலைமையில், பொருளாளர் ஸ்டாலின் முன்னிலையில், ஆர்ப்பாட்டம் நடக்கும் என, முதலில் அறிவிக்கப்பட்டது.
இந்த ஆர்ப்பாட்டத்தில், திருநெல்வேலி, தூத்துக்குடி, கன்னியமாகுரி, விருதுநகர் ஆகிய நான்கு மாவட்டங்களை சேர்ந்த தொண்டர்களும், திரளாக பங்கேற்க வேண்டும் என்பதற்காக, கருணாநிதி பங்கேற்க முடிவு செய்துள்ளார். கருணாநிதி தலைமையில், அன்பழகன், ஸ்டாலின் முன்னிலையில் ஆர்ப்பாட்டம் நடைபெறும் என, அக்கட்சி நேற்று அறிவித்துள்ளது.


அழகிரி புறக்கணிப்பு :

நேற்று முன்தினம் நடந்த, மாவட்டச் செயலர்கள் கூட்டத்தில், மாநில நிர்வாகிகள் சிலர், சிறப்பு அழைப்பாளர்களாக பங்கேற்றனர். ஆனால், தென் மண்டல அமைப்புச் செயலர் என்ற அடிப்படையில், மத்திய அமைச்சர் அழகிரி பங்கேற்க அழைப்பு விடுக்கவில்லை. இதனால், மாவட்டச் செயலர் கூட்டத்தில், அழகிரி பங்கேற்கவில்லை. கன்னியாகுமரியில் நடைபெறவுள்ள ஆர்ப்பாட்டத்தில், தென் மண்டல அமைப்புச் செயலர் என்ற அடிப்படையில், அழகிரி பங்கேற்க வேண்டும் என, அவரது ஆதரவாளர்கள் எதிர்பார்க்கின்றனர். ஆனால், ஆர்ப்பாட்டம் குறித்த அறிவிப்பிலும், அவரது பெயர் அறிவிக்கப்படாமல் புறக்கணிக்கப்பட்டுள்ளது.


கருணாநிதி கோபம் :

"எனக்கு பிறகு ஸ்டாலின் தலைவராவார்' என்ற கருணாநிதியின் கருத்தை கண்டித்து, "தி.மு.க., சங்கர மடம் அல்ல' என்று அழகிரி பேட்டி கொடுத்ததால், கருணாநிதி அவர் மீது கோபம் கொண்டுள்ளதாக, தி.மு.க., வட்டாரங்கள் தெரிவிக்கின்றன. மேலும், லோக்சபா தேர்தலில், தே.மு.தி.க., வுடன் கூட்டணிக்கு முயற்சிகள் நடந்து வரும் நிலையில், விஜயகாந்த் குறித்து, அழகிரி விமர்சித்ததும், கருணாநிதியின் கோபத்திற்கு காரணமாக கூறப்படுகிறது.

Advertisement


இதையும் தவறாமல் படிங்க ...



Advertisement

வாசகர் கருத்து (73)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
பாரதி - coimbatore,இந்தியா
08-ஜன-201318:56:51 IST Report Abuse
பாரதி கருணாநிதி அவர்களே திருவள்ளுவர் என்ன சிலையில வாழ்கிறார் என்னே உங்கள் பக்குத்தறிவு
Rate this:
Share this comment
Cancel
K.Balasubramanian - Reading RG5 1DG ,யுனைடெட் கிங்டம்
08-ஜன-201316:48:51 IST Report Abuse
K.Balasubramanian மத்திய மாதிரிக்கு பாதுகாப்பு நிமித்தம் விலக்கு. இதை பெரிதாக்க வேண்டாம் .
Rate this:
Share this comment
Cancel
Pugazh V - Coimbatore / Cochin,இந்தியா
08-ஜன-201316:38:28 IST Report Abuse
Pugazh V எம் ஜி ஆர், கலைகன்ர் முதலானோரின் தனிப்பட்ட வாழ்வை ஏன் தான் விமர்சிக்கிறீர்களோ? அரசியல் பற்றி விவாதிக்கலாம் நண்பர்களே, அரசியல்வாதிகளை அன்று, ப்ளீஸ்., உங்களுக்கு புண்ணியமாகப் போகட்டும். தனி மனித விமர்சனங்களைத் தவிருங்களேன், படித்தவர்கள் தானே எல்லோரும்?
Rate this:
Share this comment
Cancel
venkat - ngr,இந்தியா
08-ஜன-201316:00:38 IST Report Abuse
venkat திருவள்ளுவர் சிலையை பராமரிப்பை விவேகனந்த கேந்திர ஆசிரமத்தில் கொடுக்கலாமே? அரசியல் பிழைப்பு நடத்த கருணாநிதிக்கு இது ஒரு போராட்டம் ஸ்டாலினின் வலுவை நிருபிக்க அழகிரிக்கு வைக்கப்பட்ட செக் இந்த சிலை பாதுகாப்பு போல இது எப்படி இறுகு?
Rate this:
Share this comment
Cancel
Vaal Payyan - Chennai,இந்தியா
08-ஜன-201314:45:31 IST Report Abuse
Vaal Payyan தாத்தா பிள்ளைங்கள ஒன்னே சரியாய் பரமரிக்கலன்னு குற்ற சாட்டு.. நீங்க என்ன திருவள்ளுவர் சிலைய பராமரிக்கலன்னு ஆர்பாட்டம் பண்றீங்க ....
Rate this:
Share this comment
Cancel
Er. S. ARJUNAN - Doha,கத்தார்
08-ஜன-201314:35:19 IST Report Abuse
Er. S. ARJUNAN குடும்ப சண்டைக்கு பிறகும் தி.மு.க. இருக்கு என்கிறதை காட்டத்தான் இந்த போராட்டம். மற்றவர்கள் தவறாக நினைக்க வேண்டாம்.
Rate this:
Share this comment
Cancel
சகுனி - ஸ்ரீபெரும்புதூர்,இந்தியா
08-ஜன-201313:31:38 IST Report Abuse
சகுனி அண்ணே, ஒரு லாரி "ஆர்லிக்ஸ்" சாப்ட்டது சரியாய் செரிமானம் ஆகல போலிருக்கு ... காம்ப்ளான் ட்ரை பண்ணு தலைவா....
Rate this:
Share this comment
Cancel
Raja Singh - Chennai,இந்தியா
08-ஜன-201312:51:54 IST Report Abuse
Raja Singh திருவள்ளுவர் அய்யாவையும் இந்த பாழாய் போன அரசியல் கயவர்கள் விடுவதில்லை , அறநெறி வாழ்வின் எதார்த்தத்தை வளமுடன் வாழ வழி தந்த வள்ளுவரை, கல்மனம் கொண்ட கள்வர்கள் கல்லாய் வைத்தது முதல் தவறு , இப்போ இதை வைத்து அரசியல் செய்வது மகா தவறு , ஊழல் செய்ய ஆட்சியில் இல்லை அதனால் தி. மு. க.இப்படி உப்புசப்பில்லாமல் ஊசிவெடி வெடிக்கிறது .திருவள்ளுவர் மக்களின் நெஞ்சில் என்றும் நீங்கா இடம்பெற்றவர் , ஆகையால் கருணாநிதி அவரது குடும்ப உறுப்பினர்களுக்கு வேற எதாவது களவு , கொள்ளை , கொள்கையில்லாத விளையாட்டு சொல்லிகொடுத்து விளையாடுங்க ...
Rate this:
Share this comment
Cancel
venkataramani iyer - Vadodara,இந்தியா
08-ஜன-201312:50:31 IST Report Abuse
venkataramani iyer தலைவா நீ தான் கரெக்ட்... நைனா நிம்மதியா தூங்க கூடாது..
Rate this:
Share this comment
Cancel
anand - Coimbatore,இந்தியா
08-ஜன-201312:43:01 IST Report Abuse
anand சைக்கிள் கேப்-ல திருவள்ளுவர் பிரச்சனைய மத்திய அரசுக்கு கொண்டு போகனுன்னு தலீவர் கூவிருக்காறு.. எங்கள் அஞ்சா நெஞ்சரை புறக்கணிப்பதற்கு திருவள்ளுவரை இழுத்த "முத்தமிழ் வித்தவரே".. ஹார்லிக்ஸ் குடித்த தெம்புடன் அழகுமலை இதை சந்திப்பார்..
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை