Family of Pak graft official contradicts suicide theory | அதிகாரி மரணத்தில் உறவினர்கள் சந்தேகம்| Dinamalar

அதிகாரி மரணத்தில் உறவினர்கள் சந்தேகம்

Updated : ஜன 19, 2013 | Added : ஜன 19, 2013
Advertisement
 
 
Advertisement
 
 
 
Advertisement

இஸ்லாமாபாத்: பாகிஸ்தான் பிரதமர் மீதான ஊழல் வழக்கை விசாரித்த அதிகாரி மரணம் தொடர்பாக அவரது உறவினர்கள் சந்தேகம் தெரிவித்துள்ளனர். பாகிஸ்தானின் தற்போதைய பிரதமர், பர்வேஸ் அஷ்ரப், மின் துறை அமைச்சராக இருந்த போது, மின் நிலையங்களை வாடகை விட்டதில், ஊழல் நடந்ததாக குற்றம் சாட்டப்பட்டது. இதையடுத்து, இந்த ஒப்பந்தங்களை, மார்ச் மாதம் ரத்து செய்து, அந்நாட்டு சுப்ரீம் கோர்ட் உத்தரவிட்டது. இந்த பேரத்தில் சம்பந்தப்பட்ட, அஷ்ரப் உள்ளிட்டோர் மீது நடவடிக்கை எடுக்கும் படி, ஊழல் தடுப்பு துறைக்கு, சுப்ரீம் கோர்ட் உத்தரவிட்டது.ஆனால், இதுவரை, இந்த ஊழலில் சம்பந்தப்பட்டவர்கள் மீது, ஊழல் தடுப்பு துறை நடவடிக்கை எடுக்கவில்லை.மின் நிலைய வாடகை விவகாரத்தில், ஊழல் நடந்ததற்கான ஆதாரங்கள் இருந்தும், நடவடிக்கை எடுக்காத ஊழல் தடுப்புத் துறையை கண்டித்த சுப்ரீம் கோர்ட், பிரதமர் அஷ்ரப்பை, கைது செய்யும் படி, உத்தரவிட்டுள்ளது. ஊழல் தடுப்புத் துறை தலைவர், பாஷிஷ் புகாரிக்கும் கண்டன நோட்டீஸ் அனுப்பப்பட்டுள்ளது. இதற்கிடையே, அஷ்ரப் மீதான ஊழல் வழக்கை, பாகிஸ்தான் லஞ்ச ஒழிப்புத் துறையை சேர்ந்த, இரண்டு அதிகாரிகள் விசாரித்தனர். இவர்களில் ஒருவர், லஞ்ச ஒழிப்புத் துறை துணை இயக்குனர், கம்ரான் பைசல். இவர், இஸ்லாமாபாத்தில் உள்ள தன் வீட்டில், நேற்று தூக்கிட்டு தற்கொலை செய்து கொண்டார். இது குறித்து தற்போது போலீசார் விசாரித்து வருகின்றனர். இது குறித்து பைசலின் உறவினர் தாரிக் மசூத் என்பவர் கூறுகையில், பைசலின் கைகள், மணிக்கட்டு மற்றும் பின்புறங்களில் காயம் காணப்பட்டது கூறினார். அவரது மணிக்கட்டு கட்டப்பட்டதற்கான அடையாளங்கள் உள்ளது என கூறினார். மற்றொரு உறவினரும் காயங்கள் இருந்ததாக கூறியுள்ளார். பைசலின் உடலில் உள்ள காயங்களை அவரது தந்தை டிவிக்கு காண்பித்தாகவும், இது குறித்து நீதிததுறை விசாரணை நடத்தப்பட வேண்டும் என கூறியுள்ளதாக செய்திகள் வெளியாகியுள்ளன. பைசல் தற்கொலை செய்து கொள்ளவில்லை என அவரது உறவினர்கள் கூறியுள்ளனர்.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை