OS 10- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- ஊழல்களை மிகைப்படுத்தி நாட்டை கீழ்தரமாக கொண்டு செல்கின்றனர்: மீடியா,நீதித்துறை மீது நாராயணசாமி தாக்கு டிசம்பர் 11,2013
- சென்னையில் இருந்து கேரள மக்களை வெளியேற்றினால் என்னவாகும்? கருணாநிதி கேள்வி டிசம்பர் 11,2013
- இந்த ஆண்டு பொங்கல் இனாம் ரூ.500? தேர்தலுக்காக அரசு அதிரடி திட்டம் டிசம்பர் 11,2013
- 'பேஸ்புக்'கில் அதிகம் பேசப்பட்டவர்களில் பா.ஜ., பிரதமர் வேட்பாளர் மோடி முதலிடம் டிசம்பர் 11,2013
- காங்., ஆதரவுடன் பா.ஜ., ஆட்சி அமைக்கட்டும்: அரிவிந்த கெஜ்ரிவால் தடாலடி டிசம்பர் 11,2013
- இன்று
- கடந்த வாரம்
- கடந்த மாதம்
சென்னை: சென்னையில் கடந்த தி.மு.க., ஆட்சியின் போது கட்டப்பட்ட புதிய தலைமைச் செயலகத்தில், பல்நோக்கு மருத்துவமனை செயல்பட, பசுமை தீர்ப்பாய சென்னை கிளை இடைக்காலத் தடை விதித்துள்ளது.
கடந்த, தி.மு.க., ஆட்சியின் போது, சென்னை, ஓமந்தூரார் அரசினர் தோட்டத்தில், புதிய தலைமைச் செயலகம் மற்றும் சட்டசபைக்கான கட்டடம் கட்டப்பட்டது. 425 கோடி ரூபாய்க்கும் மேல், இதற்காக செலவிடப்பட்டது. 2010ம் ஆண்டு, மார்ச், புதிய சட்டசபை மற்றும் தலைமைச் செயலக கட்டடத்தை, பிரதமர் மன்மோகன் சிங், திறந்து வைத்தார். இந்தப் புதிய கட்டடத்தில், சட்டசபையும் கூடியது. தலைமைச் செயலகத்தில் உள்ள பல துறைகள், புதிய கட்டடத்துக்கு மாற்றப்பட்டன. அ.தி.மு.க., ஆட்சி வந்ததும், மீண்டும் புனித ஜார்ஜ் கோட்டைக்கே, தலைமைச் செயலகமும், சட்டசபையும் மாற்றப்பட்டன.இதையடுத்து, புதிய கட்டடத்தை, பல்நோக்கு மருத்துவமனையாக மாற்றுவது என, தமிழக அரசு முடிவெடுத்தது. 2011ம் ஆண்டு, ஆகஸ்ட், 19ம் தேதி நடந்த, அமைச்சரவை கூட்டத்தில், இந்த முடிவு எடுக்கப்பட்டது. இதை எதிர்த்து, சென்னை ஐகோர்ட்டில், வழக்கறிஞர் வீரமணி, மியாஜன் ஆகியோர் மனு தாக்கல் செய்தனர். இம்மனுக்களை, விசாரித்த நீதிபதிகள் பாஷா, என்.பால்வசந்தகுமார் அடங்கிய, 'டிவிஷன் பெஞ்ச்': புதிய தலைமைச் செயலகத்தை பல்நோக்கு மருத்துவமனையாக மாற்ற, சுற்றுப்புறச்சூழல் அனுமதியை, தமிழக அரசு ஏற்கனவே பெற்று விட்டது. தீ அணைப்புத் துறையிடம் இருந்து, ஆட்சேபணையில்லா சான்றிதழையும், பெற்று விட்டது.
சுற்றுப்புறச்சூழல் அனுமதி பெற்றதை எதிர்த்து, தேசிய பசுமை தீர்ப்பாயத்தில், மனுதாரர் மனு தாக்கல் செய்துள்ளார். அது, நிலுவையில் உள்ளது. எனவே, அதுகுறித்து ஆராய முடியாது. தற்போதுள்ள கட்டடத்தில், "ஏ' பிளாக்கில், மருத்துவமனைக்காக மாற்றம் செய்யும் நடவடிக்கையும், "பி' பிளாக்கைப் பொறுத்தவரை, அதில், மருத்துவக் கல்லூரிக்காக மேற்கொண்டு கட்டுமானம் செய்வது என, அரசு தரப்பில் கூறப்பட்டுள்ளது.எந்த ஆதாரமும் இல்லாமல், அரசின் முடிவை, தன்னிச்சையானது என்றோ, அவசர கதியானது என்றோ, எங்களால் கருத முடியாது. பல்நோக்கு மருத்துவமனை அமைந்தால், பொது மக்களுக்கு பயன்படும்; பொது நலனுக்கு உகந்ததாக இருக்கும் என, அரசு தரப்பில் சரியாக வாதிடப்பட்டது. பல்நோக்கு மருத்துவமனையாக மாற்றுவது என, கொள்கை முடிவை அரசு எடுத்துள்ளது. அதை, தமிழக சட்டசபையும் அங்கீகரித்துள்ளது. இதில், கோர்ட் தலையிட முடியாது என்று கூறி வழக்கை தள்ளுபடி செய்தது.
புதிய தலைமைச் செயலக கட்டடத்தை பல்நோக்கு மருத்துவமனையாக மாற்றுவதற்கு ஐகோர்ட் அனுமதியளித்ததையடுத்து அங்கு பொதுப்பணித் துறை உடனடியாக களமிறங்கியுள்ளது. பணிகள் மிக வேகமாக நடந்தன. இந்நிலையில், கடந்த 30ம் தேதி புதிய தலைமைச் செயலக கட்டடத்தில் பல்நோக்கு மருத்துவமனை செயல்படத்துவங்கியது. சென்னை மருத்துவக் கல்லூரி மருத்துவர்கள் பானு, தண்டபாணி உள்ளிட்டோர் அடங்கிய, ஆறு பேர் கொண்ட மருத்துவக் குழுவினர், சிகிச்சை அளித்தனர்.நான்கு செவிலியர்கள் மற்றும் ஒரு மருந்தாளுனர் பணியில் இருந்தனர்.
இதனிடையே, புதிய தலைமைச் செயலகத்தை மருத்துவமனையாக மாற்ற, சுற்றுச்சூழல் அனுமதி பெற்றதை எதிர்த்து, தேசிய பசுமை தீர்ப்பாயத்தில் வீரமணி தாக்கல் செய்த மனு இன்று விசாரணைக்கு வந்தது. வழக்கை விசாரித்த பசுமை தீர்ப்பாயம், புதிய தலைமைச் செயலகத்தில் பல்நோக்கு மருத்துவமனை செயல்பட இடைக்கால தடை விதித்தது.
- புதியவை
".........................................................................." எதாவது சொல்லிட்டா ஆப்பு வந்திடும் வாய மூடிக்கிறேன்
மிஸ்டர் கருணாநிதி மத்திய அரசுடன் சேர்ந்து சூழ்ச்சி செய்வதாக கனகராஜ் கூறுவதில் அம்மா மீதுள்ள பந்தமே காரணம்..... அப்படி அவர் சூழ்ச்சி செய்திருந்தால் வரவேற்கலாம்.....அரசியல் கால்புணர்சிக்கு கிடைத்த பெரிய பச்சை ஆப்பு.....
பசுமை தீர்ப்பாயம் தடை விலகி விடும். பல் நோக்கு மருத்தவமனை மக்களுக்காக சிறப்பாக செயல்படும். அனைத்து அரசு மருத்தவ மனைகளில் பல் நோக்கு மருத்துவ மனை பிரிவுகள் தொடங்கி மேலும் சிறப்பாக அதன் சேவை வளரும். தனியார் துறை மருத்துவனைகள் அதிக கட்டணம் அவஸ்தை பொதுமக்கள் பட வேண்டியதில்லை. பசுமை தீர்ப்பாயம் தம் தடையை விலக்கி பல் நோக்கு மருத்துவமனையை மக்கள் நலத்திற்காக செயல் பட அனுமதி வழங்க வேண்டும். தமிழக மக்கள் எதிர்பார்ப்பாகும்.
மகிந்தா மட்டும் தமிழனுக்கான எதிரியில்லை. ஜெயவர்த்தனே பண்டர நாயக்கா குமாரதுங்கா இன்னும் எத்தனை துரோகிகள் தமிழர்களுக்குள்ளும் எண்ணற்ற பாகுபாடு இன்றைய ஈழத்து மக்கள் படும் பாட்டை என்ன சொல்வது. மகிந்தாவின் இன்றைய பச்சோந்தி தனத்தை புத்தர் மன்னிப்பரோ என்னவோ. மன்னிக்கவும் கூடும் ஏன் என்றால் அவரும் வடநாட்டுக்காரர்தானே. தமிழகத்தைப்போல் ஈழத்திலும் சாதியம் ஏற்றத்தாழ்வுகள் பூர்வகுடிகள் மலையக மக்கள் இஸ்லாமியர்கள் கிறிஸ்தவர்கள் இப்படி ஒற்றுமையில்லாத தமிழனும் ஒரு காரணம். ஈழத்து மக்கள் படும் அவஸ்த்தைக்கு மகிந்தாவும் கருணாவும் கருணாவும் ஒரு காரணமே
இப்படி ரெண்டு பேரும் விட்டு குடுக்காம எங்கள கொல்றாங்களே... கடவுளே எங்க தமிழ்நாட்டு makkala காப்பாத்து
இப்படியே லாவணி பாடிக்கொண்டிருந்தால்...பொழுது போய்டும் ....வேறு வழி ...
நீதிமன்றம் தீர்ப்பு வழங்கும்முன் ஏன் பசுமை தீர்ப்பாயத்திடம் கருத்து கேட்கவில்லை? அங்கு சிகிச்சை பெற்று வரும் நோயாளிகளின் கதி? மக்களின் ஆரோக்கியத்தின் மேல் ஏன் எல்லாருக்கும் எவ்வளவு கொலை வெறி?
politics waste people money.
this is nothing but ego.
கதை சொல்லும் இடமாக இல்லாமல் மருத்துவமனையாக மக்களுக்கு பயப்படும் விதமாக மாறினால் நல்லது தானே. இதற்கு ஏன் எதிர்ப்பு தெரிவிக்க வேண்டும்.
அட்ரா சக்க அட்ரா சக்க அட்ரா சக்க
அட்ரா... சக்க.....
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No.1 Tamil website in the world. Designed and Hosted by Web Division,Dinamalar. | Contact us