- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- ஆட்சி என்றைக்கும் நிரந்தரமல்ல: கருணாநிதி மே 22,2013
- நாளுக்கு நாள் அதிகரிக்கும் மின் தேவை: 4 ஆண்டுகளில் 2,500 மெகாவாட் உயர்வு மே 22,2013
- கச்சத்தீவை மீட்க நடவடிக்கை கோரி பிரதமருக்கு ஜெ., கடிதம் மே 22,2013
- பிரதமர் பதவி விலகக்கோரி மே.27 முதல் பா.ஜ., ஆர்ப்பாட்டம் மே 22,2013
- சவுண்டு கொடுக்கற வேலை எல்லாம் எங்கிட்ட வேணாம்' : அமைச்சர் எச்சரிக்கை மே 22,2013
- இன்று
- கடந்த வாரம்
- கடந்த மாதம்
சென்னை: ""தமிழகத்தில் பிறக்கும் ஒவ்வொரு குழந்தையும், 18 ஆயிரத்து 500 ரூபாய் கடனுடன் தான் பிறக்கிறது'' என்று தே.மு.தி.க., உறுப்பினர் பாண்டியராஜன் குற்றம்சாட்டினார்.
சட்டசபையில், பட்ஜெட் மீது நடந்த பொது விவாதம்:
பாண்டியராஜன் - தே.மு.தி.க.,: இதுவரை தாக்கல் செய்யப்பட்ட பட்ஜெட்களிலேயே, அதிக நிதிப் பற்றாக்குறையாக இந்த பட்ஜெட்டில், 19 ஆயிரம் கோடி ரூபாய்க்கு மேல் உள்ளது. கடன் சுமை ஒரு லட்சத்து 35 ஆயிரம் கோடியாக இருக்கும் என மதிப்பிடப்பட்டுள்ளது. அப்படியானால், தமிழகத்தில் பிறக்கும் ஒவ்வொரு குழந்தையும், 18 ஆயிரத்து 500 ரூபாய் கடனுடன் தான் பிறக்கிறது. தமிழக பொருளாதார வளர்ச்சி, 22 சதவீதம் என்று குறிப்பிடப்பட்டுள்ளது. சராசரி வளர்ச்சி 8 முதல் 10 சதவீதம் தான். அப்படியானால், உற்பத்தி அதிகமாக கணிக்கப்பட்டுள்ளதா?
முதல்வர் ஜெயலலிதா: நிதிப்பற்றாக்குறை பற்றி பட்ஜெட் உரையில் குறிப்பிடப்பட்டுள்ளது. மொத்த உள்நாட்டு உற்பத்தியில், 2.87 சதவீதம் தான் பற்றாக்குறை உள்ளது. இது, 13வது நிதிக்குழுவின் நிர்ணயித்துக்கு உட்பட்டே உள்ளது. கடன் சுமையும், 24 சதவீதம் என்பதற்கு பதிலாக, 19.6 சதவீதம் என்ற அளவில் தான் உள்ளது. எனவே, நிதி நிர்வாகத்தை இந்த அரசு திறமையாக கையாண்டு வருகிறது.
பாண்டியராஜன்: மொத்த உள்நாட்டு உற்பத்தி, 22 சதவீதம் வளர்ச்சி என்பது, அடைய இயலாத ஒன்று.
முதல்வர் ஜெயலலிதா: இந்த குறியீடுகளை நிர்ணயித்தது, 13வது நிதிக்குழுதான். அது தவறு என்கிறாரா?
ஓ.பன்னீர்செல்வம்: தொலைநோக்கு திட்டம், 2023ல் உள்ள பொருளாதார குறியீட்டை குறிப்பிடுகிறார்.
பண்ருட்டி ராமச்சந்திரன்: அவர் நிதிப் பொறுப்புடைமை சட்டம் பற்றி பேசவில்லை. தொலைநோக்கு திட்டம் பற்றி பேசுகிறார்.
பாண்டியராஜன்: வரும் ஆண்டில், 18 ஆயிரத்து 387 கோடி கடன் பெற உள்ளது. அவ்வளவு கடன் வாங்கி, அதில் 10 ஆயிரம் கோடியை வட்டியாக செலுத்தி, மீத தொகையை வைத்து, பொதுத் துறை நிறுவனங்கள் மூழ்காமல் அரசு காக்குமா? இப்படி போனால், கடன் வலையில் அரசு சிக்கவிடும்.
முதல்வர் ஜெயலலிதா: முந்தைய தி.மு.க., அரசு தான் தமிழகத்தை கடன் வலையில் சிக்க வைத்துச் சென்றது. அதிலிருந்து மீட்கத் தான் போராடுகிறோம். இவ்வாறு விவாதம் நடந்தது.
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
இந்த மக்கள் மீதுள்ள கடன்களை எல்லாம் அரசு தள்ளுபடி செய்துவிடுமல்லவா?
குடிச்சிகிட்டே இருந்தா இப்படிதான், குடிக்காம இருந்தா உங்கள கொஞ்சம் தேத்தலாம்.
வாசகர்கள் தயவுசெய்து இந்த பகுதியை வெட்டி தனமான கருத்துக்களை வெளியிட பயன்படுத்தாதீர்கள். இந்த பகுதியை தமிழகத்தில் பொறுப்புள்ளவர்களும், உங்களைவிட அறிவாளிகளும் படிக்கிறார்கள் என்பதை மறந்துவிடாதீர்கள். இந்த பகுதியை ஒரு தரமானதாகவும் , அறிவு பூர்வமாக விஷயங்கள் இங்கு அலசப்படுகிறது என்பதையும் நாம்தான் உண்டாக்கவேண்டும். நமக்கும் நிறைய பொறுப்புகள் உண்டு என்பதை மறந்து விடாதீர்கள்.
தேமுதிக பாண்டியராஜன் படித்தவர் என்று நிருபித்து விட்டார், எதிர்கட்சி சரியாக தான் செயல்படுகிறது
பாண்டியராஜன் நீங்க சரியான நிர்வாகி என்பது உங்களது மாபா நிறுவனத்தின் வளர்ச்சியை கண்டால் தெரியும். உங்களை போன்றோரும் இந்த அரசுடன் சேர்ந்து தமிழகத்தை இருளிலிருந்து காப்பாற்ற வேண்டும். எனது அன்பான கோரிக்கை இது.
தே மு தி க அதாங்க நடிகர் விசயகாந்த் கட்சி கொடில இருக்குறது தீவட்டியா அல்லது மது கோப்பையா ? சியர்ஸ்ன்னு சொல்றமாதிரியே இருக்கு
பிறக்கும்குழந்தை என்னபாவம்செய்தது ? ஏன்இந்த கொடுமை ? தமிழ்நாட்டில் பிறப்பது பாவமா ?
இந்தியாவில் பிறப்பதே பாவம்.இந்திய அரசு பிறக்கும் குழந்தை மேல் இதைபோல் நூறு மடங்கு கடன் வைத்து இருக்கிறது.ஆனாலும் ஒவ்வொரு இந்தியனுக்கும் சொத்தும் பல கோடி வைத்து இருக்கிறது.வடிவேலு ஜோக்குதான் நினைவுக்கு வருகிறது.அந்த சொத்தில் இருந்து இந்த கடனையெல்லாம் அடைத்து விடட்டும் நம் குழந்தைகள்....
நெடுநாட்களாக தமிழகத்தின் மக்கள்தொகை வளரவில்லை. மக்கள்தொகை வளர்ந்தால், ஒரு குழந்தையின் கடன் சுமை குறையும். தமிழை வளர்க்க வேண்டும் என்றால், தமிழர்களின் மக்கள் தொகை வளர வேண்டும். அந்த நல்ல நோக்கில்தான் ஜெயா தமிழகத்தை இருட்டாக்கி வைத்திருக்கிறாரோ என்னவோ?
முந்தைய அரசும் இருட்டாக்கி தானே வைத்து இருந்தது. ஜனத்தொகை கூடவில்லையா? வேறு பல கவலைகள் இருந்திருக்குமோ? இருக்கும் வீடும், நிலமும் யார் எப்போ அபகரிப்பார்களோ என்று தூங்காமலே இருந்திருப்பார்கள்....
பாண்டியராஜன் இப்படியெல்லாம் புள்ளி விவரம் கொடுத்தால் தானை தலைவரோ, இல்லை புரட்சித்தலைவியோ பயந்துவிடமாட்டார்கள். மக்கள் தொகை பெருக்கும் திட்டம் என்று ஒன்றை அறிவித்து விலையில்லா சிட்டுகுருவி லேகியம் கொடுத்து மக்கள் தொகையை பத்து மடங்கு பெருக்கி, பிறக்கும் குழந்தையின் கடன்சுமை 18,500 ரூபாயில் இருந்து 1,850 ருபாய் ஆக குறைத்துவிட்டோம் என்று சொல்லி உங்கள் வாயை அடைத்துவிடுவார்கள்.
ஏற்கனவே அவன் அவன் சாமியார் வேஷம் போட்டு சிட்டுகுருவி லேகியம் சாப்பிட்டு நாட்டை குட்டிச்சுவர் ஆக்கிக்கொண்டிருக்கிறான் - நீர் வேறு புதுமையான வழிவகைகளை சொல்லிக்கொடுத்தால் அவ்வளவு தான்...
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us