Power minister Sushil Kumar refutes to TN's request for electricity | தமிழகத்திற்கு மின்சாரம் வழங்க முடியாது: அமைச்சர் சுஷில்குமார் திட்டவட்டம்| Dinamalar

தமிழகத்திற்கு மின்சாரம் வழங்க முடியாது: அமைச்சர் சுஷில்குமார் திட்டவட்டம்

Updated : மார் 31, 2012 | Added : மார் 29, 2012 | கருத்துகள் (47)
Advertisement

தமிழகத்தில் நிலவும் கடும் மின் பற்றாக்குறையை போக்க, மத்திய தொகுப்பிலிருந்து மின்சாரம் வழங்க, மத்திய அரசிடம் எந்த திட்டமும் இல்லை,'' என, மத்திய மின் துறை அமைச்சர் சுஷில்குமார் ஷிண்டே தெரிவித்தார்.

தற்போது நிறைவுபெறவுள்ள, 11வது ஐந்தாண்டு (2007-12) திட்டத்தில், மின்சாரத் துறை ஆற்றிய சாதனைகள் குறித்து, துறையின் அமைச்சர் சுஷில்குமார் ஷிண்டே நேற்று, டில்லியில் பத்திரிகையாளர்களிடம் விளக்கினார். அப்போது அவர் கூறியதாவது: 11வது ஐந்தாண்டு திட்டத்தில், 78 ஆயிரத்து 500 மெகாவாட் மின்சாரம் உற்பத்தி செய்ய, 2007ம் ஆண்டு மின்துறை அமைச்சகம் இலக்கு நிர்ணயித்தது. ஆனால், எரிவாயு பற்றாக்குறை மற்றும் பருவ மழை பொய்த்ததால், ஐந்தாண்டு திட்ட நடுவில் உற்பத்தி இலக்கு, 62 ஆயிரம் மெகா வாட்டாக குறைக்கப்பட்டது. திட்டம் நிறைவுபெறுகிற வேளையில், 53 ஆயிரத்து 922 மெகாவாட் மின்சாரம் உற்பத்தி செய்யப்பட்டுள்ளது. கடந்த 8, 9, 10 ஆகிய மூன்று ஐந்தாண்டு திட்டங்களில், மொத்தமாக உற்பத்தி செய்யப்பட்ட மின்சாரம், 11வது ஐந்தாண்டு திட்டத்தில் மட்டும் உற்பத்தி செய்யப்பட்டுள்ளது. பாரத் நிர்மான் திட்டம் மூலம், இந்தியாவில் ஒரு லட்சம் கிராமங்களுக்கு மின்சாரம் வழங்க திட்டமிடப்பட்டது. தற்போது, இந்த திட்டத்தின் மூலம், ஒரு லட்சத்து மூன்றாயிரம் கிராமங்களுக்கு மின்சாரம் வழங்கப்பட்டுள்ளது. இவ்வாறு ஷிண்டே கூறினார்.


மின்சாரம் வழங்கப்படுமா? தமிழகத்தில் கடந்த பல மாதங்களாக, எட்டு மணி நேர மின் தட்டுப்பாடு நிலவுகிறது. தமிழக நிலைமையை சரிசெய்ய, மத்திய தொகுப்பிலிருந்து மின்சாரம் வழங்கப்படுமா அல்லது மத்திய அரசு இதற்கு வேறு திட்டம் வைத்திருக்கிறதா? என, ஷிண்டேவிடம் கேள்வி எழுப்பப்பட்டது. அதற்கு அவர் அளித்த பதில்: தமிழகத்தில் நிலவும் கடும் மின் பற்றாக்குறையை போக்க, மத்திய தொகுப்பிலிருந்து மின்சாரம் வழங்கும் திட்டம் எதுவும், மத்திய அரசிடம் இல்லை. சென்னையை அடுத்த வல்லூரில், தேசிய அனல்மின் ஆணையமும், தமிழக மின்சார வாரியமும் இணைந்து தொடங்கிய, அனல்மின் நிலையத்திலிருந்து, 500 மெகாவாட் மின்சாரமும், விரைவில் தொடங்கவுள்ள கூடங்குளம் அணுமின் நிலையத்திலிருந்து, 1,000 மெகாவாட் மின்சாரமும், தமிழகத்திற்கு கிடைக்கும். இதன் மூலம் தமிழகத்தின் மின் பற்றாக்குறை சரிசெய்யப்படும் என்றார்.


- நமது டில்லி நிருபர் -


Advertisement




வாசகர் கருத்து (47)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
GG.RAJA - chennai,இந்தியா
30-மார்-201215:15:10 IST Report Abuse
GG.RAJA பாகிஸ்தானுக்கு 5000 மெகாவாட் மின்சாரம் வழங்கும் மத்திய அரசு தமிழகத்திற்கு வழங்க மறுக்கிறது.ஐ.மு.கூ. அரசு என்று வெளியேற்றப்படுகிறதோ அன்றுதான் இந்தியாவுக்கு நல்ல காலம்.
Rate this:
Share this comment
Cancel
Ambika. K - bangalore,இந்தியா
30-மார்-201214:54:00 IST Report Abuse
Ambika. K தமிழகத்தில் குறைந்தது 10 பாராளுமன்ற இடங்களையாவது காங்கிரஸ் க்கு ஒதுக்கினால் மட்டுமே மின்சாரம் தர முடியும் என்று தான் கூறியதை தினமலர் ஏன் வெளியிடவில்லை என்றும அவர் கேள்வி எழுப்பினார்..
Rate this:
Share this comment
Cancel
rama krishnan - pollachi,இந்தியா
30-மார்-201214:25:39 IST Report Abuse
rama krishnan வரும் பாராளுமன்ற தேர்தலில் காங்கிரஸ் கட்சிக்கு ஒட்டு போடும் எண்ணமும் எங்களுக்கு கிடையாது - இப்படிக்கு பொள்ளாச்சி வாக்காளன்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை