- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- கனிமொழி வெற்றிக்காக தி.மு.க.,தீவிரம் : சோனியாவை சந்தித்தார் டி.ஆர்.பாலு: கருணாநிதியை சந்தித்து ம.ம.க., ஆதரவு ஜூன் 20,2013
- காங்., - புதிய தமிழகம் ஆதரவு: விஜயகாந்த் புது வியூகம் ஜூன் 20,2013
- ஒரு ஜோடி காண்டாமிருகம் தேவை: அசாம் முதல்வருக்கு ஜெ., கடிதம் ஜூன் 20,2013
- காலண்டர் வரை கணக்கு பார்த்த காங்., குழு: சுதர்சன நாச்சியப்பனுக்கு அடித்தது "லக்' ஜூன் 20,2013
- அமைச்சர் வைகை செல்வன் மீண்டும் மீண்டும் "சொதப்பல்! ஜூன் 20,2013
- இன்று
- கடந்த வாரம்
- கடந்த மாதம்
- அமுதன் - "தெய்வீக சுக அனுபவம்' என்ற பெயரில் யாழ்ப்பாணத்தில் தமிழக கலைஞர்களின் மூன்று நாள் கலாசார நிகழ்ச்சி நேற்று துவங்கியது. உள்நாட்டுப் போரில் பாதிக்கப்பட்டு, மறுவாழ்வு விடுதிகளில் தங்கியிருக்கும் ஏராளமான சிறுமியர் இந்த நிகழ்ச்சியில் உற்சாகமாக பங்கேற்றனர்.
கலை நிகழ்ச்சி: யாழ்ப்பாணத்தில் இந்திய துணை தூதரகம் துவங்கப்பட்டுள்ளது. இதையடுத்து, இலங்கை-இந்திய உறவு தொடர்பாக பல்வேறு நிகழ்வுகள் நடத்தப்படுகின்றன. இதன் தொடர்ச்சியாக தமிழக - யாழ்ப்பாண மக்களின் கலை உறவை மேம்படுத்தும் நிகழ்ச்சி நடத்தப்படுகிறது. இதன் தொடர்ச்சியாக மூன்று நாள் கலாசார நிகழ்ச்சி நேற்று துவங்கியது. இந்த நிகழ்ச்சி வழக்கத்துக்கு மாறான அமைப்புடன் திட்டமிடப் பட்டிருந்தது. யாழ் பல்கலைக்கழகத்தில் நுண்கலை படித்த மாணவியருடன், கிராமப்புறங்களில் மிகவும் பின்தங்கிய பகுதிகளில் இருந்து பள்ளி மாணவியர் அழைத்து வரப்பட்டுஇருந்தனர். இலங்கை பள்ளிகளில் நுண்கலை பயிற்சி என்பது ஒரு முக்கியமான பாடம். இதில் இசை, நடனம் போன்றவை அடங்கும். உள்நாட்டுப் போரில் பெற்றோரை இழந்து, விடுதிகளில் தங்கிஇருக்கும் சிறுமியரின் மனதில் சிறு மாற்றத்தை ஏற்படுத்தும் நோக்கில் தமிழக கலைஞர்களால் இந்த நிகழ்ச்சி வடிவமைக்கப்பட்டுள்ளது. வழக்கமான இலங்கை அதிகாரிகளின் வரவேற்புடன் நிகழ்ச்சி துவங்கியது. அடுத்து, தமிழகத்தைச் சேர்ந்த பிரபல நடனக் கலைஞர் அலர்மேல் வள்ளி நாட்டிய நிகழ்ச்சியை நிகழ்த்தினார். கலித்தொகை பாடல் ஒன்றை மையமாகக் கொண்டு இந்த நடனம் வடிவமைக்கப்பட்டிந்தது. தொடர்ந்து அந்த பாடலுக்கும், நடனத்துக்கும் இடையேயான உறவை அலர்மேல் வள்ளி விளக்கினார்.
கலந்துரையாடல்: தொடர்ந்து பிரபல கர்நாடக இசைக் கலைஞர் டி.எம்.கிருஷ்ணா, நடனக் கலைஞர் அலர் மேல் வள்ளியுடன் கலந்துரையாடல் நிகழ்த்தினார். நடனம், இசை வாழ்க்கை குறித்து அவர்கள் பேசினர். இதையடுத்து, பங்கேற்க வந்திருந்தோர் அவர்களுடன் கலந்துரையாடினர். நாட்டியத்தில் உள்ள பாவங்களும் விளக்கப்பட்டன. இரண்டாம் நிகழ்ச்சி, இன்று பிற்பகல் துவங்குகிறது. யாழ் பல்கலைக் கழக அரங்கில் பயிற்சி நிகழ்ச்சி நடக்கிறது. இதிலும் கலைகளின் நுணுக்கம் பற்றி தமிழக கலைஞர்கள் பேசுகின்றனர். தொடர்ந்து தெய்வீக சுக அனுபவத்தில், மாலை, இசை மற்றும் நடன நிகழ்ச்சி நடத்தப்படுகிறது.
சங்கிலியான் தோப்பு: யாழ்ப்பாணம் சங்கிலியான் தோப்பு என்ற இந்த இடம், வரலாற்று முக்கியத்துவம் வாய்ந்ததாக இருப்பதால், நிகழ்வு பற்றிய பரபரப்பு யாழ்ப்பாணத்தில் தொற்றிஉள்ளது. சங்கிலியான் தோப்பு, முன்பு புலிகளின் கையில் இருந்தது. அது, கிட்டு பூங்கா என்று அழைக்கப்பட்டது. அங்கு மிகப்பெரிய ஆயுதக் கிடங்கை புலிகள் வைத்திருந்தனர். அந்த இடம் முழுவதுமாக தகர்க்கப்பட்டு மீண்டும் சங்கிலியான் தோப்பாக மாற்றப்பட்டுள்ளது. புலிகளின் ஆயுதக் கிடங்கு அழிக்கப்பட்ட இடத்தில், இந்த கலாசார நிகழ்ச்சி நடத்தப்படுவதால் தான் இந்த பரபரப்பு. நிகழ்ச்சியில் ஆயிரக்கணக்கானோர் கூட உள்ளனர். இதே இடத்தில், நாளை, உன்னி கிருஷ்ணன் இசை நிகழ்ச்சி தொடர்ச்சியாக நடத்தப்படுகிறது.
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
அங்கே தமிழக கலைஞர்களின் கலை நிகழ்ச்சி நன்றாக ரசிக்கப்பட்டது. இன்னொரு கலைஞர் இங்கே டேசோ நிகழ்ச்சி நடத்த முயன்றார். எதிர்ப்பே மிஞ்சியது.அது ஏன்? ஏன்? ஏன்? வைத்தி சென்னை
மனம் போல வாழ்வு என்பார்கள்.மனத்துக்கண் மாசிலனாக இல்லாதவரை என்னதான் வேஷம் போட்டாலும் எடுபடாது....
இந்த கலைஞர்களின் முயற்சிக்கும்,டெசோ கலைஞனின் முயற்சிக்கும் எவ்வளவு முரண் பாடு.அவர்கள் களத்தில் இறங்கி மருந்து தடவுகிறார்கள்.இவர் டுபாக்கூர் டாக்டர்களை கூட்டி வெச்சு சுண்ணாம்பு தடவ வெச்சார்.
இந்த நேர காலத்தில் உருப்படியான ஒரு ஆறுதல் ,தமிழ் மக்கள் மீண்டும் மீண்டு வந்தால்தான் தமிழன் என்ற அடையாளத்தை யாழ்ப்பாணத்தில் நிலைநாட்ட முடியும் .
இனி தமிழர் வாழும் பகுதிகள் அடங்கிய அனைத்து ஊர்களிலும் இது போன்ற நிகழ்ச்சிகள் நடை பெற வேண்டும். தமிழ் நாட்டு தலைவர்களும், மற்ற தமிழ் அறிஞர்களும் கூட சென்று இலக்கிய சொற்பொழிவுகள், பட்டிமன்றங்கள் போன்றவை நடத்தி தமிழர் வாழ்வு மலர ஆக்க பூர்வ செயல்களில் ஈடுபடலாம்.
கலித்தொகை நடனம் இப்போது தேவையில்லை.அங்கு இன்றைய தேவை கலிங்கத்துப் பரணி
ஒரு கலைஞர் என்றாலே உற்சாகம் கரைபுரண்டு ஓடும் ...இதனை கலைங்கர்கள் இருந்தால் உற்சாகத்துக்கு கேட்க வேண்டுமா ...
சீமான் , வைக்கோ , நெடுமாறன் அவர் களுக்கு ...துப்பாக்கி சத்தம் இனிது , பீரங்கி ஓசை இனிது என்பர் , மக்கள் தம் பயமறியா சிரிப்பொலியை கேளாதோர்...
தமிழகத்துல இருந்து பிழைக்க இலங்கை போன மலையக தமிழர்களை அடித்து நொறுக்குனமாதிரி தமிழக கலைஞர்ளை இலங்கை தமிழர்கள் அடிக்காம இருந்தா சரி
சினிமாவில் வாய்ப்பு இழந்து அரசியலில் பிழைப்பை ஓட்டும் சீமான், பிரபாகரன் உயிருக்கு ஏதாவது நடந்தால் தமிழகத்தில் இரத்த ஆறு ஓடும் என்று கூறிய வைகோ போன்ற இந்திய தேச திரோகிகள் தங்களுடைய நாளைய அறிக்கையில் இலங்கையில் உள்ள நம் தொப்புள்கொடி உறவை மகிழ்விக்க சென்ற நடனக் கலைஞர் அலர்மேல் வள்ளி, பாடகர் உன்னி கிருஷ்ணன் போன்றவர்களை தமிழ் ஈழ திரோகிகள் என்று கூறுவார்கள்....
இது ஒரு வேளை "டெசோ&39 மாநாட்டின் பக்க விளைவோ ....?
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us