Dinamalar

கடந்த ஆட்சியில், தி.மு.க.,வினர் செய்த தவறுகளை, குற்றங்களை, சேலம் மாவட்ட, அ.தி.மு.க., - எம்.எல்.ஏ.,க்களும், அவர்களை சார்ந்துள்ள நிர்வாகிகளும், பயமின்றி செய்து வருகின்றனர். அப்போதைய நிலையில், கருணாநிதி எந்தவித நடவடிக்கையும் எடுக்காததால், தி.மு.க.,வினர் இஷ்டத்துக்கு ஆட்டம் போட்டனர். தற்போதைய சூழலில், முதல்வர் ஜெயலலிதா சாட்டையை சுழற்றா விட்டால், வரும் லோக்சபா தேர்தலில், அ.தி.மு.க., கோட்டையான சேலம், கை நழுவி போகும் வாய்ப்புள்ளது. கடந்த, தி.மு.க., ஆட்சியில், சேலம் மாவட்டத்தில் உள்ள, 11 தொகுதிகளில், ஆறு தொகுதியில், தி.மு.க.,வும், மூன்று தொகுதியில், பா.ம.க.,வும், ஒரு தொகுதியில் , காங்கிரசும், ஒரு தொகுதியில், அ.தி.மு.க.,வும் வெற்றி பெற்றன. மாவட்ட, "மாஜி' அமைச்சரான வீரபாண்டி ஆறுமுகம், சேலத்தை தன் கோட்டையாக கருதி, பலரை மிரட்டியும், கட்ட பஞ்சாயத்து செய்தும், ரவுடிகளால் தொந்தரவு கொடுத்தும், வீடு, நிலம், சொத்து உள்ளிட்டவற்றை வளைத்து போடும் முயற்சியில் ஈடுபட்டார். அவருக்கு ஆதரவாக, தம்பி மகன் பாரப்பட்டி சுரேஷ்குமார் மற்றும் மாநகராட்சி கவுன்சிலர்கள், ரவுடிகள் சிலர் செயல்பட்டனர். நான்கு ஆண்டுகளில், பொதுமக்கள் வெறுத்து ஒதுக்கும் அளவில், தி.மு.க.,வினரின் செயல்பாடுகள் இருந்தன.

மாஜியின் நடவடிக்கையை பார்த்து, ஒரு சில எம்.எல்.ஏ.,க்களும், நிர்வாகிகளும், தங்கள் பங்குக்கு, அந்தந்த தொகுதியில் ஆதிக்கம் செலுத்தினர். நிம்மதியிழந்து தவித்த மக்கள், தேர்தலை எதிர்நோக்கி காத்திருந்தனர். 2009ல் நடந்த லோக்சபா தேர்தலில், சேலம் தொகுதி கைவிட்டு போனது. அடுத்து நடந்த சட்டசபை தேர்தலில், தி.மு.க., அனைத்து தொகுதியிலும், "வாஷ் அவுட்' ஆனது. உள்ளாட்சி தேர்தலில், மாநகராட்சி, நகராட்சி, பேரூராட்சி அனைத்தும், தி.மு.க.,வின் கையை விட்டுப் போனது. மீண்டும் ஆட்சிப் பொறுப்பேற்ற முதல்வர் ஜெயலலிதா, சேலத்தில், தி.மு.க.,வினர் நடத்திய அட்டகாசங்களுக்கு கைது நடவடிக்கை மூலம் முற்றுப்புள்ளி வைத்தார்.
தற்போது, "வாலு போயி கத்தி வந்த கதையாக' அ.தி.மு.க., - எம்.எல்.ஏ.,க்களும், அக்கட்சி நிர்வாகிகளும், தங்களுடைய சுயரூபத்தை காட்ட