இது உங்கள் இடம்
Advertisement
 
 
Advertisement
Advertisement
 
 
எழுத்தின் அளவு:
Advertisement

பதிவு செய்த நாள்

23 அக்
2017
00:00

லஞ்சம் தவிர்த்தால், 'சல்யூட்' அடிப்போம்!
அ.குணசேகரன், வழக்கறிஞர், புவனகிரி, கடலுார் மாவட்டத்திலிருந்து எழுதுகிறார்:
'அரசு ஊழியர்களே... கொஞ்சமாவது திருந்துங்களேன்' என்ற தலைப்பில், வாசகர் ஒருவர், இதே பகுதியில் கடிதம் எழுதி இருந்தார்; அது, நுாற்றுக்கு நுாறு உண்மை தான்!
தமிழகத்தின் மக்கள் தொகை, 7.5 கோடி; அதில் வெறும், 2 சதவீதமே, அரசு ஊழியர்கள் மற்றும் ஆசிரியர்கள். அதாவது, 12 லட்சம் அரசு ஊழியர்களும், ஏழு லட்சம் மாத ஓய்வூதியர்களும் அடங்குவர்.
ஒட்டுமொத்த வருவாயில், கடந்தாண்டு பட்ஜெட்டில் அரசு ஊழியர்களின் சம்பளம், ஓய்வூதியம் போன்றவற்றிற்கு ஆன செலவு, 38.17 சதவீதம் என கூறப்பட்டுள்ளது.
தற்போது, ஏழாவது ஊதியக்குழு பரிந்துரைப்படி, சம்பளம் வழங்கப்பட உள்ளது. இதனால், 14 ஆயிரத்து, 753 கோடி ரூபாய் கூடுதலாக, அரசுக்கு செலவாக போகிறது. அரசு ஊழியர்கள், ஆசிரியர்கள் கூடுதல் சம்பளம் பெறுவதில், யாருக்கும் எந்த வருத்தமும் கிடையாது.
ஆனால், அனைத்து அரசு துறைகளிலும் லஞ்சம் மலிந்து கிடக்கிறது. பிறப்பு, இறப்பு சான்றிதழ் முதல், அனைத்து சான்றிதழ் பெறவும், அரசு ஊழியர்களுக்கு லஞ்சம் தர வேண்டும். அப்படி லஞ்சம் பெற்று, குபேரனாக மாறும் அரசு ஊழியர்களுக்கு, மேலும் மேலும் சம்பள உயர்வு அளிப்பதால் தான், மக்கள் எரிச்சல் அடைகின்றனர்.
லஞ்சம் வாங்காமல், அரசு ஊழியர்கள் பணியாற்றினால், அவர்களுக்கு எவ்வளவு சம்பளம் கொடுத்தாலும், யாரும் ஒன்றும் கேட்க போவதில்லை.லஞ்சம் வாங்குவராம்; கூடுதலாக
சம்பளமும் வேண்டுமாம்! அதனால் தான், அரசு சாராத தொழிலாளர்கள் முதல், பாமர மக்கள் வரை, அரசு ஊழியர்கள் மீது கடும் கோபம் கொள்கின்றனர்.
கல்வி, பொதுப்பணி, நெடுஞ்சாலை, சுகாதாரத் துறை உள்ளிட்ட பல்வேறு துறைகளிலும் லஞ்சம் தலைவிரித்து தாண்டவம் ஆடுகிறது. லஞ்சத்தை முற்றிலும் தவிர்த்து, அரசு ஊழியர்கள் பணியாற்ற முன் வந்தால், ஒட்டுமொத்த தமிழ் சமுதாயமே, அவர்களுக்கு, 'சல்யூட்' அடிக்க காத்திருக்கிறது!
குலத்தொழிலை சொப்பனத்திலும் நினைப்பதில்லை!
வெ.ரத்தினம், வட்டார வளர்ச்சி அதிகாரி (பணி நிறைவு), சோழவந்தான், மதுரை மாவட்டத்திலிருந்து எழுதுகிறார்:
அன்று, 'பள்ளிகளில் ஆதார கல்வி மூலம் கற்ற பின், பிள்ளைகள் தங்கள் பகுதி நேர ஓய்வில், அவரவர் குலத்தொழிலில் ஈடுபட்டு, பழக வேண்டும்' என, முன்னாள் முதல்வர் ராஜாஜி வற்புறுத்தினார்.இன்று, தகப்பன் தொழிலை, அவரது பிள்ளைகள் சொப்பனத்திலும் நினைப்பதில்லை.'பரம்பரை தொழில் கேவலமானது; குறைவான கூலி; இதை பயன்படுத்தி நம்மால் முன்னேற்றம் காண முடியாது. மாற்றுத்தொழில் செய்து முன்னேற வேண்டும்' என, இளைஞர்கள் நினைக்கின்றனர். இதனால், உள்ளூரில் எந்த வேலைக்கும் ஆட்கள் கிடைக்கவில்லை.
விவசாய கூலி, சலவை தொழிலாளி, முடி திருத்துவோர், இதர சாதாரண தொழில் செய்வதற்கு கூட, ஆள் கிடைக்கவில்லை.மேலை நாடுகளில், கழிப்பறை சுத்திகரிப்பவர் கூட, தன் தொழிலை கேவலமாக கருதாமல், நாகரிக உடைகளுடன் காரில் வருவார்; தன் பணியை விரும்பிச் செய்கிறார்.எந்த தொழிலும் ஈனமானது அல்ல. கவுரவம் பார்க்காமல், பழி பாவங்களுக்கு அஞ்சி, தங்கள் கடமைகளை ஒழுங்காக செய்தால், அனைவரும் முன்னேறலாம்.
முன்னாள் முதல்வர்கள் காமராஜர், எம்.ஜி.ஆர்., ஜெயலலிதா போன்றோர், தங்கள் ஆளுமை திறனுடன், மக்கள் போற்ற ஆட்சி செய்தனர்.
தமிழகத்தை காக்க, தற்போதைய தேவை இவை தான்...
* அரசியல் அறிவும், தொண்டு மனப்பான்மையும் மக்களால் மதிக்கப்படும் தலைவர்களாக, அரசியல்வாதிகள் இருக்க வேண்டும்
* மக்கள் நலனுக்காக, போராட்டங்களில் பங்கேற்று, சிறை சென்று வெற்றி பெற்றவர்களாக இருக்க வேண்டும்
* ஆளுமை திறமை கொண்டவராகவும், இந்திய மொழிகளில் சிலவற்றை தெரிந்தவர்களாகவும் இருக்க வேண்டும்
* அரசியல் வாரிசுகளாக இருந்தாலும், அனுபவம் பெற்றவர்களாக இருந்தால் மட்டுமே, இருள் சூழ்ந்த தமிழகத்தை காக்க முடியும்.மருத்துவ கல்விக்காக, பல கோடி ரூபாயை செலவு செய்கிறது, அரசு.அதன் மூலம் பயனடைந்த மருத்துவர்கள், மக்கள் நல சேவைகளில் ஈடுபடுவதில்லை. அரசியலில் ஈடுபட்டு, பெரும் சொத்து சேர்க்க விரும்புகின்றனர்; இது, ஏற்கத்தக்கதல்ல!'டெங்கு' போன்ற கொடூர நோய்களால் பலர் இறக்கின்றனர். நாட்டில் மருத்துவர் பற்றாக்குறை அதிகம் உள்ளது. காவல், மருத்துவ துறைகளில், போதிய ஆட்கள் இல்லை.
நாடு நலன் கருதி, இத்துறைகளின் பற்றாக்குறையை, மத்திய, மாநில அரசுகள் விரைவில் போக்கி, மக்களை பாதுகாக்க வேண்டும்!
உளறல் பேச்சுக்கு சொந்தக்காரர்!
ச.ஜான் பிரிட்டோ, திண்டுக்கல்லிலிருந்து அனுப்பிய 'இ - -மெயில்' கடிதம்:
'பண மதிப்பு நீக்கத்தை ஆதரித்ததற்காக மன்னிப்பு கோருகிறேன்' என, 'டுவிட்டரில்' நடிகர் கமல்ஹாசன்
கூறியிருந்தார்.அவரது கருத்துக்கு, பா.ஜ., சார்பில், கடும் கண்டனம் தெரிவிக்கப்பட்டு உள்ளது.
அரசியல் பிரவேசத்தில் நுழைய துடிக்கும் கமல், எதிர்காலத்தில் இப்படி எல்லாம் பேசினாலும் பேசுவார்...
* 'விஸ்வரூபம் சினிமா தடைக்காக, தமிழகத்தை விட்டு மட்டுமல்ல; இந்தியாவை விட்டே வெளியேறுவேன்' என, அறிக்கை விட்டேன்; அதை வாபஸ் வாங்கிக் கொள்கிறேன்
* கடவுள் மறுப்பு கொள்கையை, திரைப்படத்தில் அவ்வப்போது காட்டாமல், நிறைய பக்தி வேடங்களிலேயே நடித்து உள்ளேன். எனக்கு கடவுளை கும்பிடுவதில் எந்த பிரச்னையும் இல்லை
* 'என் படுக்கை அறையை எட்டி பார்த்து, பத்திரிகையை வளர்க்காதீர்' என்று சொன்னேன். இன்று, 'படுக்கையறைகளையே நித்தமும் காட்டி, 'பிக் பாஸ்' போன்ற தொடர் வழங்கியதே, காலத்தின் கட்டாயம்' என, நினைக்கிறேன்
* 'தனி மனித ஒழுக்கமானது அவரவர் உரிமையல்ல; அது சமூக வழிகாட்டியாகவும் கூட அமையும்' என்பதை, காலதாமதமாக உணர்கிறேன்
* 'எம்.ஜி.ஆர்., துாக்கி வளர்த்த பிள்ளை நான்; அ.தி.மு.க.,வுடன் இணைவதில் என்னை பொருத்தமட்டில், எனக்கு எந்த தவறும் தென்படவில்லை' எனக் கூறி கொள்கிறேன்
கமல் இப்படி மாறிப் பேசி, சமுதாய குழப்பங்களை உண்டு பண்ணினாலும் ஆச்சரியப்
படுவதற்கில்லை.எல்லாம் அரசியல் ஆசை படுத்தும் பாடு என விதியை நொந்து கொள்வதை தவிர, தமிழர்களால் வேறென்ன செய்ய முடியும்!

Advertisement


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.