Advertisement
இது உங்கள் இடம்
Advertisement
 
 
Advertisement
 
 
எழுத்தின் அளவு:
Click the button to move down
Advertisement

பதிவு செய்த நாள்

06 ஜூலை
2015
00:00

புதுமை பெண்களாய் மாறுங்கள்!


ச.கண்ணன், வத்தலகுண்டு, திண்டுக்கல் மாவட்டத்திலிருந்து எழுதுகிறார்: சமீபத்தில், புதுச்சேரி, தட்டாஞ்சாவடி கவுண்டம்பாளையத்தில் இருந்த, அரசு மதுக் கடையை, பெண்கள் சூறையாடிய காட்சியை பார்த்ததும், பொறுத்தது போதும் என, அவர்கள் பொங்கியெழுந்து விட்டனரோ என்று, எண்ணத் தோன்றியது! அநீதிக்கு எதிராக, பெண்கள் வெகுண்டு எழுந்தால் நாடு தாங்காது என்பதற்கு, முன்னுதாரணமாய் திகழ்ந்த அப்பெண்களை, எவ்வளவு பாராட்டினாலும் தகும்! 'டாஸ்மாக்' கடையால், தமிழகத்தில் மாணவர்கள், இளைஞர்கள் முதியோர் என, அனைவரும் சீரழிந்து வருகின்றனர்; அவர்களின் குடும்பம், நிம்மதியின்றி தவிக்கின்றன. போதையில் தள்ளாடும் தமிழகத்தை கண்டு, உலகமே எள்ளி நகையாடுகிறது!

முன்பெல்லாம் ஒளிவுமறைவாக, சிலரால் குடிக்கப்பட்டு வந்த மது, தற்போது, அரசின் கொள்கையால், லட்சக்கணக்கானோர் குடிக்கும்போக்கு அதிகரித்துள்ளது.அரசு, வீதிக்கு இரண்டு டாஸ்மாக் கடைகளை திறந்திருப்பதால், 'அரசே நம்மை குடிக்கச் சொல்லும் போது, வேறு யார் கேட்க முடியும்...' என்ற தவறான முடிவுக்கு, குடிகாரர்கள் வந்து விட்டனர். கல்வி நிலையங்கள், ஆன்மிக இடங்கள், பொதுமக்கள் அதிகமாக நடமாடும் இடங்களில், மதுக் கடைகள் திறந்து வைக்கப்பட்டுள்ளன. இதனால் பொதுமக்கள், நரக வேதனையை அனுபவித்து வருகின்றனர்.

அதிக தொந்தரவு தரும் மதுக் கடையை மூடக் கோரியும், ஒதுக்குப்புறமான இடத்திற்கு மாற்றக் கோரியும், ஆங்காங்கே மக்கள் போராட்டம் நடத்தினாலும், அரசு கண்டு கொள்வதில்லை!

இதை சரி செய்ய வேண்டுமென்றால், புதுவை பெண்களைப் போல், தமிழக பெண்களும், புதுமைப் பெண்களாய் மாற வேண்டும்; அப்போது தான் தமிழகத்தை, மது எனும் அரக்கனிட

மிருந்து காப்பாற்ற முடியும்!


நீதிபதிகளை நியமியுங்கள்!


புலவர் சுப்பு.லட்சுமணன், மாவட்டக் கல்வி அலுவலர் (பணி நிறைவு), சென்னையிலிருந்து எழுதுகிறார்: மெட்ராஸ் உயர் நீதிமன்றம் என்றழைக்கப்படும், சென்னை உயர் நீதிமன்றத்தில், நீதிபதிகளின் மொத்த பணியிடங்கள், 60; இதில், 22 பணியிடங்கள் காலியாக உள்ளன!

நிலுவையில் இருக்கும் வழக்குகள் மிகுதி. மேலும், அவசர வழக்குகளும், அடிக்கடி தொடுக்கப்பட்டிருக்கின்றன. நீதிமன்றங்களில் தேங்கிக் கிடக்கும் எண்ணற்ற, 'சிவில்' வழக்குகளில், 20 ஆண்டுகளாகியும், தீர்ப்பு பெற முடியவில்லை. நீதிமன்றத்தில், ஒரு வழக்கு என்றால், அதற்கு விளக்கம் கேட்கப்பட்டு, பதில் மனு பெற வேண்டும்; பின், விசாரணை நடைபெறும். விசாரணையில், சாட்சிகளுக்கு, 'நோட்டீஸ்' அனுப்பப்படும்; அவர்கள் அனைவரையும் விசாரணை செய்ய வேண்டும்.

மேலும் குறுக்கு விசாரணை, அரசு தரப்பு விசாரணை என்று, பல படி நிலைகளில், வழக்கு நடைபெறும். அனைத்தும் முடிந்த பின், நீதிபதி, இறுதித் தீர்ப்பை வழங்குவார். ஒரு வழக்கில் இத்தனை படிநிலை முடிவதற்குள், குவியும் வழக்குகள் ஏராளம். குற்றங்கள் அதிகரிக்க, வழக்குகளின் தேக்க நிலையும், ஒரு முக்கிய காரணம். எனவே, பொதுமக்களின் நலன் கருதி, தேவையான அளவு நீதிபதிகளை நியமிக்க வேண்டும்!


மின்வெட்டு இல்லையா?


ம.அன்புச்செல்வன், தேனியிலிருந்து எழுதுகிறார்: 'விக்கிரமாதித்தனும், வேதாளமும்' கதைபோல நீள்கிறது, தமிழகத்தின் மின்வெட்டு பிரச்னை! சென்னை, ஆர்.கே.நகர் இடைத்தேர்தல் பிரசாரத்தின்போது, முதல்வர் ஜெயலலிதா, 'மின்வெட்டு என்ற பேச்சுக்கே இடம் இல்லாத அளவுக்கு, தமிழகத்தில் மின்சார உற்பத்தியை பெருக்கி உள்ளோம். 4,492 மெகாவாட் மின்சாரம், கூடுதலாக உற்பத்தி செய்யப்படுகிறது' என்று தெரிவித்தார்.

ஆனால், தமிழக காங்கிரஸ் தலைவர் இளங்கோவன், 'ஜெ., சொல்வது பொய். அ.தி.மு.க., ஆட்சியில், 1 மெகாவாட் மின்சாரம் கூட, கூடுதலாக உற்பத்தி செய்யவில்லை; இதை, எந்த மன்றத்திலும் நிரூபிக்க முடியும்' என்று, சவால் விடுத்துள்ளார்.மின் வெட்டால் அவதியுறும் மக்களாகிய நமக்குத் தான், உண்மை நிலை தெரியும். சில நாட்களாக, கிராமப்புறங்களில் அறிவிக்கப்படாத மின்வெட்டு இருந்து வருகிறது.தமிழக முதல்வரே... மின்வெட்டு இல்லாத

தமிழகத்தை தான், நாங்கள் விரும்புகிறோம்; அதற்கான நடவடிக்கையை எடுங்கள்!


ரூ.1,200 கோடி'ஸ்வாகா!'


பி.மணிசங்கர், சென்னையிலிருந்து எழுதுகிறார்: சென்னை, பள்ளிக்கரணையில், அரசுக்கு சொந்தமான, 66 ஏக்கர் நிலம், தனியார் அறக்கட்டளையின் பெயரில், பத்திரப் பதிவு செய்யப்பட்டது. 1 ஏக்கர் நிலம், ௧ லட்சம் ரூபாய் என்ற விலையில் விற்கப்பட்டுள்ளது. இந்த விஷயத்தில், அரசு அதிகாரிகளின் கடமை உணர்ச்சியை பாராட்ட வார்த்தைகளே இல்லை!

அதிகாரிகள், 1 சென்ட் நிலம், 1,000 ரூபாய் என்று மதிப்பீடு செய்துள்ளனர்! அதுவும், சென்னையில்! அதற்கு பத்திரப் பதிவுத் துறையினர் கூறும் காரணம், நிலத்தின் அருகே உள்ள நிலத்தின் மதிப்பை கணக்கிட்டே, இந்த தொகை நிர்ணயிக்கப்பட்டது என்பது தான். இந்த விளக்கம், மிக வேடிக்கையாகவும், வினோதமாகவும் உள்ளது. சென்னையில், 1 சென்ட் நிலம், 1,000 ரூபாய்க்கு எங்கு கிடைக்கும் என்று தெரியவில்லை!

1,200 கோடி ரூபாய் மதிப்புள்ள, 66 ஏக்கர் அரசு நிலத்தை, வெறும், 64 லட்சம் ரூபாய்க்கு, பத்திரப் பதிவு செய்துள்ள, அரசு அதிகாரிகளுக்கு, லஞ்சம் எவ்வளவு கிடைத்திருக்கும் என கணக்கிட்டால், மயக்கம் வருகிறது! இந்த நில மதிப்பு மோசடியை, நேர்மையாக விசாரித்தால், அதிகாரமிக்கவர்கள் பலர் சிக்குவர்!


சட்டம் வேண்டும்!


எம்.ராஜேந்திரன், கும்பகோணம், தஞ்சை மாவட்டத்திலிருந்து எழுதுகிறார்: முழு நேர அரசியல்வாதிகளால் தான், நாட்டில் ஊழல் மலிந்து விட்டது. அவர்கள் எங்கும் வேலை பார்ப்பதும் இல்லை; அவர்கள் சார்ந்துள்ள கட்சியும், அவர்களுக்கு சம்பளம் வழங்குவது இல்லை. பின் எப்படி, அவர்கள் குடும்பம் நடத்துகின்றனர்?

அனைத்துக் கட்சிகளும், பெரும் வணிகர்களிடம், தேர்தல் நிதி என, கோடிக்கணக்கான ரூபாய் வசூல் செய்கின்றன. அந்த நிறுவனங்கள், பொதுமக்களின் உயிருக்கு கேடு விளைவிக்கும்போது, இந்த அரசியல் கட்சிகள், வாங்கிய பணத்திற்கு விசுவாசமாக, மேற்படி நிறுவனத்திற்கு தானே ஆதரவாக இருக்கும்! தேர்தல் நிதி குறித்து, வருமானவரித் துறையினர் ஆய்வு செய்கின்றனரா? கறுப்புப் பணம் தான், தேர்தல் நிதிக்காக வழங்கப்படுகிறது என்பது அனைவருக்கும் தெரியும். இதுவரை எந்த அரசியல்வாதி மற்றும் பெரும் வணிக நிறுவனங்கள் மீதும், நடவடிக்கை எடுக்கப்படவில்லையே ஏன்? தேர்தல் நிதி யாரிடம், எவ்வளவு தொகை வசூல் செய்யப்படுகிறது என்பதை, அனைத்து அரசியல் கட்சிகளும் தெளிவாக வெளியிட, சட்டம் வேண்டும்.

Advertisement


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.