E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
டீ கடை பெஞ்ச்
Advertisement
 
 
Advertisement
 
 
எழுத்தின் அளவு:
Advertisement

பதிவு செய்த நாள்

23 நவ
2014
23:00

முதல்வர் பெயரில் மிரட்டல் பயங்கரம்! ''ஓராண்டாகியும் பதவி உயர்வு வரலை வே...'' என்றபடி, நாயர் கடைக்கு வந்தார் அண்ணாச்சி. அவர் கையில், மொபைல்போன் இருந்தது. வழக்கமாக சட்டைப் பையில் மொபைல்போனை வைத்திருப்பவர், கையில் வைத்திருந்ததைப் பார்த்ததும், ''என்னங்க... போன் பேசிக்கிட்டே வந்தீங்களா... ரோட்ல பார்த்து நடந்து வந்தீங்களா...'' என, ஆதங்கத்துடன் விசாரித்தார் அந்தோணிசாமி.

''ஒண்ணும் பிரச்னை இல்லே வே... நம்ம கோவாலு கவுண்ட்ரு தான் ரொம்ப நாளுக்கப்புறமா கூப்ட்டாரு... இன்ப அதிர்ச்சியாயிட்டு... 'என்ன தம்பி... எங்களையெல்லாம் மறந்துட்டியா'ன்னு கேட்டேன்... 'இல்லீங்க... வேலை அதிகமாயிட்டுச்சுங்களா... தமிழ்நாடு வெவகாரத்தை ரொம்ப கவனிக்க முடியலீங்க... ஒரு நடை அங்கே வந்துட்டு, நீங்கல்லாம் சவுரியமான்னு கேட்டுப் போட்டு போலாம்ன்னு நினைக்கிறேனுங்க... வர்றதுக்கு முன்ன, தகவல் சொல்றேனுங்க'ன்னு சொல்லி இருக்காரு வே...'' என, முகம் மலரக் கூறி விட்டு, விவாதத்தைத் தொடர்ந்தார் அண்ணாச்சி...

''கடந்த 2001ம் ஆண்டு, ஐ.பி.எஸ்., தேர்ச்சி பெற்ற, ஏழு போலீஸ் அதிகாரிகளுக்கு, போன டிசம்பர்ல, பதவி உயர்வு குடுத்திருக்கணும் வே... இதுவரை குடுக்கலே... வர்ற ஜனவரியில, டி.ஐ.ஜி., பதவி உயர்வும் குடுக்கணும்... என்ன செய்யப் போறாவன்னு தெரியலே வே...'' என்றார் அண்ணாச்சி.

''மறுபடி ஒரு புயல் சின்னம் உருவாகி இருக்குங்க...'' என, அடுத்த தகவலுக்கு மாறினார் அந்தோணிசாமி.

''அப்படி ஒரு அறிவிப்பும் வரலியே பா...'' என்றார் அன்வர்பாய்.

''நான் வானிலை அறிக்கையை சொல்ல வரலே... தி.மு.க.,வுல, மறுபடி ஒரு புயல் கிளம்பி இருக்கு... மதுரையில் தி.மு.க., நிர்வாகிகள் ஆய்வு கூட்டத்தை ஸ்டாலின் கூட்டினாலும் கூட்டினாரு... கட்சிக்குள்ளாற உஷ்ண அலை கிளம்பிடிச்சு... ஸ்டாலின் மதுரையில் கால் வைப்பதற்கு முதல் நாள், கட்சி தலைவர், பொதுச் செயலர் கையெழுத்தில்லாமல், நுாறு வார்டுகளுக்கும், செயலர் உட்பட அனைத்து பதவிகளிலும், நிர்வாகிகள் நியமன அறிவிப்பு வெளியாச்சு... இதுல பதவி உயர்வு பெற்றவங்களுக்கு, குற்றப் பின்னணி இருக்குன்னு ஆதாரத்தைத் திரட்டி, கட்சித் தலைவர்ட்ட புகார் கொடுக்க அழகிரி ஆதரவாளர்கள் முடிவு செஞ்சிருக்காங்க...'' எனக் கூறி முடித்தார் அந்தோணிசாமி.

''முதல்வர் பெயரை சொல்லி, ஆளாளுக்கு மிரட்டறா ஓய்...'' என, கடைசி தகவலுக்கு மாறினார் குப்பண்ணா.

''என்ன வே சொல்லுதீரு...'' எனக் கேட்டார் அண்ணாச்சி.

''சென்னை அண்ணா நகர் மேற்கு விரிவு பகுதியில், வீட்டு வசதித் துறைக்கு சொந்தமான குடியிருப்பு இருக்கு... இக்குடியிருப்பு மூன்றாவது தளத்தில், அரசு ஊழியர் ஒருவர், தன் வீட்டை, திருமணமாகாத இளைஞர்களுக்கு, வாடகைக்கு விட்டிருக்காரு... அவா, அங்குள்ள பெண்களிடம் வம்பு செய்ய, குடியிருப்பு வாசிகள், வீட்டுவசதித்துறை அதிகாரிக்கு, தகவல் சொல்லி இருக்கா...

''அவர் வீடு ஒதுக்கீடு பெற்ற, பெண் ஊழியரை அழைத்து, அவர்களை காலி செய்யும்படி உத்தரவு போட்டாரு... அடுத்த சில நிமிடங்களில், அவரது மொபைல் போனில், ஒருவர் தொடர்பு கொண்டு, 'முதல்வரின் கார் டிரைவர் பேசுகிறேன்... அவர்களை காலி செய்ய உத்தரவிடாதே' என, மிரட்டி இருக்கார்... நிலைமை எப்படி இருக்கு பார்த்துக்குங்கோ...'' எனக் கூறினார் குப்பண்ணா. 'எல்லாமே மர்மம் தான்...' எனச் சிந்தித்தபடி, நண்பர்கள் நடையைக் கட்டினர்; பெஞ்ச் அமைதியானது!



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Arjun - chennai,இந்தியா
24-நவ-201405:39:40 IST Report Abuse
Arjun .......... கார் டிரைவர் பேசுகிறேன்.......அப்போ கூட நின்னு போடோ எடுத்துகிட்டவனெல்லாம் நாளைக்கு மிரட்டலாம் போல..
Rate this:
0 members
0 members
0 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.