Special Articles | Special Reports | Special Interest News | News Comment | Science News | TV Shows news | General News

டீ கடை பெஞ்ச்

பதிவு செய்த நாள் : மே 22, 2018
Advertisement
    டீ கடை பெஞ்ச்

கலெக்டரையே மதிக்காத கல்வி அதிகாரி!''நகைகளை பங்கு போட்டுக்கிடுதாவ வே...'' என, அதிரடி தகவலுடன், விவாதத்தை ஆரம்பித்தார் அண்ணாச்சி.''யாருங்க...'' எனக் கேட்டார் அந்தோணிசாமி.''புதுக்கோட்டை மாவட்டத்துல, திருட்டு, வழிப்பறி, கொள்ளை சம்பவங்கள் அதிகம் நடக்கு... இதை தடுக்க, எஸ்.ஐ., தலைமையில, அஞ்சு போலீசாரை போட்டு, தனிப்படை அமைச்சிருக்காவ வே...''இவங்க, வழிப்பறி, கொள்ளை சம்பவங்கள்ல, துப்பு துலக்கி, நகைகளை பறிமுதல் செய்யுதாவ... ஆனா அதை, பறிகொடுத்தவங்களுக்கு திருப்பி தராம, இவங்களே பங்கு போட்டுக்கிடுதாவ வே...''இது பத்தி, உயர் அதிகாரிகளுக்கு புகார் போயிட்டு... சமீபத்துல, ஏ.டி.எஸ்.பி., இளங்கோவன் ரகசிய விசாரணை நடத்தியிருக்காரு... ''சீக்கிரமே தனிப்படை போலீசார் மேல நடவடிக்கை பாயும்னு சொல்லுதாவ வே...'' என்ற அண்ணாச்சி, தெருவில் சென்றவரை நிறுத்தி, ''அன்பழகன், நம்ம வீட்டுல கொஞ்சம் பிளம்பிங் வேலை இருக்கு... அப்புறமா வீட்டு பக்கம் வாரும்...'' எனக் கூறி அனுப்பினார்.''உள்ளே என்ன நடந்தாலும், ரெண்டு பேருக்கும் தகவல் வந்துடுதுங்க...'' என்றார் அந்தோணிசாமி.''என்ன விஷயம் ஓய்...'' என்றார் குப்பண்ணா.''அறிவாலயத்துல, தி.மு.க., வழக்கறிஞர் அணி மாநில நிர்வாகிகள் ஆலோசனை கூட்டம், சமீபத்துல நடந்துச்சு... இதுல, 'உங்க அணியில, சென்னை, கரூர் மாவட்ட நிர்வாகிகளை ஏன் நியமிக்கலை'ன்னு, ஸ்டாலின் விளக்கம் கேட்டிருக்காருங்க...''மாநில நிர்வாகிகள், 'அந்த மாவட்டங்களுக்கு பரிந்துரைக்கப்பட்ட நிர்வாகிகள், கட்ட பஞ்சாயத்துல ஈடுபடக் கூடியவங்க... அதனால தான் நியமிக்கலை'ன்னு சொல்லியிருக்காங்க...''இதை ஸ்டாலினும் ஏத்துக்கிட்டார்... இந்த தகவலை, திருவள்ளூர் மாவட்ட வக்கீல் அணி நிர்வாகி ஒருத்தர், 'மாஜி' அமைச்சர்கள் வேலுக்கும், ராஜாவுக்கும், வெளியில வந்து, போன் போட்டு ஒப்பிச்சிட்டாருங்க... இதுபோல எந்த விஷயமும், 'பப்ளிக்' ஆகிடுதுங்க...'' என்றார் அந்தோணிசாமி.''அமைச்சர் தயவுல கலெக்டரையே கண்டுக்க மாட்டேங்குறாரு பா...'' என்றார் அன்வர்பாய்.''எந்த ஊருலங்க...'' என்றார் அந்தோணிசாமி.''மலைக்கோட்டை மாவட்ட கல்வி அதிகாரியை தான் சொல்றேன்... கல்வி அமைச்சருக்கு நெருக்கமான இவர், கலெக்டர் கூட்டுற கூட்டங்களுக்கே போறது இல்லை பா...''கலெக்டர் விளக்கம் கேட்டதுக்கும், கல்வி அதிகாரி சரியா பதில் தரலை... கடுப்பான கலெக்டர், 'இப்படி இருந்தீங்கன்னா, உங்களை இடமாற்றம் செய்ய பரிந்துரை பண்ணிடுவேன்'னு சத்தம் போட்டிருக்காரு பா...''அதுக்கு அப்புறமும், கல்வி அதிகாரி திருந்தலை... 'அமைச்சர் இருக்கும் வரை, யாரும் என்னை அசைக்க முடியாது'ன்னு தெனாவெட்டா சொல்லிட்டு திரியுறாரு பா...'' என்றார் அன்வர்பாய்.''அங்க பாருங்க... ராமகிருஷ்ணன் வரார்... பேச பிடிச்சார்னா, நிறுத்த ஒரு மாமாங்கம் ஆயிடும்... கிளம்பிடுவோம் ஓய்...'' என்றபடியே குப்பண்ணா எழ, நண்பர்களும், அவசர அவசரமாக இடத்தை காலி செய்தனர்.

Advertisement