E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
மக்களிடம் பாசத்தை காட்டிய காமராஜர்!
Advertisement
 
 
Advertisement
 
 
 
எழுத்தின் அளவு:
Advertisement

பதிவு செய்த நாள்

15 ஜூலை
2012
00:00

"பெருந்தலைவர்' என, அன்பாக அழைக்கப் படும் காமராஜரை பற்றி நினைக்கும் போது, நான் புகைப்படக் கலைஞர் என்ற ரீதியில், அவருடன் பழகியிருந்தாலும், ஏதோ அவர், எங்கள் குடும்பத்தில் ஒருவர் என்ற பாச உணர்வு தான் மேலோங்கி நின்றது. எங்கள் பகுதியில், பெட்டிக்கடை வைத்திருக் கும் நண்பர் ஒருவர், எந்த அரசியல் கட்சியிலும் இல்லாதவர்; ஆனால், காமராஜரின் அபிமானி. என்னிடம், "தலைவரோடு சேர்ந்து, ஒரு போட்டோ எடுக்க வேண்டும்...' என்று தன் ஆசையை அடிக்கடி சொல்வார்.
காமராஜர் மதுரை வந்திருந்த நேரம், நான் அந்த நண்பரை அழைத்து, தலைவர் வழக்கமாக தங்கும் ரயில் நிலைய மாடிக்கு சென்றேன். அறைக்குள் நான் நுழைந்ததும், தோளில் தொங்கும் கேமரா பேக்குடன் என்னை பார்த்த காமராஜர், "வா... வா... என்ன பொட்டியை (@கமராவை) தூக்கிட்டு வந்திருக்கே... இன்னிக்கு ஒண்ணும் நிகழ்ச்சி இல்லியே...' என்றார்.
"இல்லீங்க... உங்கள் அபிமானி ஒருவர், உங்களோடு போட்டோ எடுக்கணும்ன்னு ரொம்ப நாளா சொல்லிக்கிட்டு இருக்காரு. அவரை அழைத்து வந்துள்ளேன். கூப் பிடட்டுமா?' என்று கேட்டேன்.
"உனக்கு வேற வேலை இல்லே... அதெல்லாம், அந்த சினிமாக்காரங்க கிட்டே தான் வச்சுக்கணும். என்னை ஏன் தொந்தரவு பண்றே...' என்று கேட்டார். எனக்கு சங்கடமாக போய் விட்டது. சிறிது நேர அமைதிக்குப் பின், அவரே மீண்டும், "சரி சரி... நீ கூட்டிட்டு வந்த ஆள் எங்கே?' என்றார். நான் உடனே கதவை திறந்து, வெளியே நின்றிருந்த அந்த நண்பரை உள்ளே அழைத்தேன். அவரும் வந்தவுடன், காமராஜருக்கு வணக்கம் சொல்லியவாறு, ஒரு ஓரத்தில் நின்று கொண்டார்.
காமராஜர் குழந்தைத்தனமாக, "அது சரி... நான் எங்கே நிக்கணும்ன்னு சொல்லு...' என்றார். நான் சொன்ன இடத்தில் நின்று, போட்டோவுக்கு ஒத்துழைத்தார். துவக்கத்தில் மறுத்தாலும், கடைசியில் வந்தவர்களை சந்தோஷப்படுத்தி அனுப்பி வைப்பது, காமராஜரின் தனி பண்பு. சிறிது நேரத்தில் வெளியே சலசலப்பு. என்னவென்று விசாரித்ததில், நரிக்குறவர்கள் சிலர், காமராஜரை சந்திக்க வேண்டும் என வெளியே இருந்த கட்சிக்காரர்களிடம் சண்டை போட்டுக் கொண்டிருந்தனர். இதைக் கேள்விப்பட்ட காமராஜர், அறைக்கு வெளியே வந்து அவர்களிடம் என்னவென்று விசாரித்தார்.
காமராஜரை பார்த்ததும் குஷியான குறவர்கள், "சாமியோவ்... நீங்க நல்லா இருக்கணும், உங்க கையை காமிங்க. எதிர்காலம் பற்றிய குறி சொல்றோம்...' என, "காச்மூச்' என்று, அவர்கள் பாணியில் பேசினர். காமராஜரும் சிரித்தவாறு. "குறியெல்லாம் ஒண்ணும் வேணாம். அதை தெரிஞ்சு என்ன ஆகப் போகுது...' என்று மறுத்து விட்டார். பிறகு அருகிலிருந்த என்னை பார்த்த குறவர்கள், "சாமி... எங்களை தலைவரோடு சேர்த்து போட்டோ எடுங்க...' என்றனர். நான் தயங்கியபடி சும்மா நிற்பதை பார்த்த காமராஜர், "ஏம்பா... இவங்களையும், ஒரு போட்டோ எடு. அவங்களுக்கும் ஆசை இருக்காதா?' என்றவாறு, அவர்களுக்கு நடுவில் நின்று போட்டோ எடுத்து, அவர்களை வழி அனுப்பினார். இப்படி ஒவ்வொரு நேரத்திலும், அனைவரிடமும் பாசத்துடன் பழகுவதை காண முடிந்தது.
இப்படி அனைவரையும் மகிழ்ச்சியுடன் அனுப்பிய காமராஜர், அரசியலில் கடைசி காலத்தில் மனம் வருந்தும் அளவுக்கு, டில்லி அரசியல் மூலம் பல சம்பவங்கள் அரங்கேறின. அரசியலில் இந்திராவும், காமராஜரும் கிட்டத்தட்ட எதிரிகள் போல் ஆகி விட்டனர். கன்னியாகுமரி ரயில் நிலைய அடிக்கல் நாட்டு விழாவுக்கு, பிரதமர் இந்திரா வந்திருந்தார். தொகுதி எம்.பி., என்ற முறையில், காமராஜரும் கலந்து கொண்டார். இந்திராவும், காமராஜரும் நீண்ட இடைவெளிக்குப் பின் கலந்து கொள்ளும் நிகழ்ச்சி என்பதால், அனைவரும் ஆவலுடன் காணப்பட்டனர். பத்திரிகைக்காக படம் எடுக்க, நானும் கன்னியாகுமரி சென்றிருந்தேன்.
அந்த நிகழ்ச்சிக்கு வந்திருந்த, அத்தனை போட்டோகிராபர்களும் காமராஜர், இந்திராவை சேர்த்து படம் எடுக்க ஆர்வமுடன் இருந்தனர். ஆனால், மேடையில் இடது ஓரம் கடைசி நாற்காலி, காமராஜருக்கு ஒதுக்கப்பட்டிருந்தது. ஆகையால், நடுவில் அமர்ந்திருந்த இந்திராவுடன் பேசுவதற்கு வாய்ப்பு இல்லாமல் போய் விட்டது.
விழா இறுதியில், நாட்டுப்பண் முடிந்தவுடன், பிரதமர் இந்திரா மேடையிலிருந்து கூட்டத்தை நோக்கி கை அசைத்தவாறு, இடது பக்க ஓரம் வந்தார். ஒரே பரபரப்பு... ஏனெனில், எப்படியும் இடது பக்க ஓரம் வரும் போது, காமராஜரை சந்தித்தே ஆக வேண்டும். அப்போது, இருவரையும் சேர்த்து படம் எடுக்க தயார் நிலையில் நாங்கள் இருந்தோம். அப்போது தான் எதிர்பாராத திருப்பம் நடந்தது.
காமராஜர் இருக்கும் பக்கம் போய்க் கொண்டிருந்த பிரதமர் இந்திராவிடம், விரைந்து சென்ற கருணாநிதி, தன் அருகில் உள்ள மதுரை முத்துவை காண்பித்து, "மேடம் இவர் தான் மதுரை முத்து. சேர்மன்மதுரை...' என்று ஆங்கிலத்தில் கூறி, சம்பந்தமில்லாமல் அறிமுகப்படுத்தினார். அவரும் வணக்கம் செலுத்தினார். அவ்வளவு தான்! உடனே கருணாநிதி கையை வலது பக்கம் நீட்டி, கீழே இறங்கும் வழியை காண்பித்தார். இந்திராவும், வலதுபக்க படி வழியே கீழே இறங்கி புறப்பட்டார். காமராஜர் மேடையில் இருந்து அசையாமல் பார்த்துக் கொண்டிருக்க, அனைத்து புகைப்படக் கலைஞர்களும் ஏமாற்றத்துடன் திரும்ப வேண்டியதாயிற்று!
"தந்திரமாக செயல்பட்டு, இந்திரா, காமராஜர் சந்திப்பை கருணாநிதி தடுத்து விட்டாரே...' என, அங்கே இருந்த மூத்த பத்திரிகையாளர்கள் பேசியதை கேட்க முடிந்தது.
***
- மதுரை எஸ்.எஸ். ராமகிருஷ்ணன்

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (15)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
nazeer - sivagangai,இந்தியா
21-ஜூலை-201219:47:35 IST Report Abuse
nazeer காமராஜர் இறந்த போது எங்கே மெரினா பீச்சில் புதைத்து விடுவார்களோ என்று தந்திரமாக கிண்டியில் இரவோடு இரவாக தானே முன் நின்று ஏற்பாடு செய்தது போல் நடித்து பீச்சில் காமராஜரை புதைக்க விடாமல் துரோகம் செய்தவர் கருணாநிதி. அரசன் அன்றே கொல்வான் . தெய்வம் நின்று கொல்லும்.
Rate this:
0 members
0 members
0 members
Share this comment
Cancel
SAKTHI - lagos,நைஜீரியா
20-ஜூலை-201221:05:27 IST Report Abuse
SAKTHI திரு காமராஜர் பூமிக்கு வந்த அவதாரம். அவர் சாதாரண மனிதர் அல்ல. பல்லாண்டு அவர் புகழ் வாழ்க .
Rate this:
0 members
0 members
0 members
Share this comment
Cancel
Selvamani - சென்னைஅரபியன்நாடு.,இந்தியா
20-ஜூலை-201212:48:28 IST Report Abuse
Selvamani பெருந்தலைவரை பற்றிய அருந்தகவல்களை அறியத்தந்தமைக்கு நன்றி.... நம்பர் ஒன் மாமனிதர்.........
Rate this:
0 members
0 members
0 members
Share this comment
Cancel
ராஜா - Bangalore,இந்தியா
20-ஜூலை-201210:09:03 IST Report Abuse
ராஜா அடுத்தவர்களை மிதித்து மேலே வருவது கருணாவின் கொள்கை ..
Rate this:
0 members
0 members
0 members
Share this comment
Cancel
periyandavar - dubai,இந்தியா
19-ஜூலை-201222:39:59 IST Report Abuse
periyandavar காமராஜர் மிக பெரும் மாமனிதர் , கடவுள்
Rate this:
0 members
0 members
0 members
Share this comment
Cancel
தமிழ் அரசன் - மதுரை,இந்தியா
18-ஜூலை-201219:44:17 IST Report Abuse
தமிழ் அரசன் என்னை போல் இளைய தலைமுறைக்கு பெருந்தலைவர் காமராஜர் பற்றி படிக்கும் போது வியப்பும் அதிசயமாகும் உள்ளது, என்ன ஒரு எளிமை, நேர்மை - வாழ்க பெருந்தலைவர்...எனது அப்பா பெருந்தலைவர் இறந்ததற்கு தனது சொந்த தந்தை இறந்ததாக எண்ணி மொட்டை போட்டவர். அவருடன் சேர்ந்து அவரின் நண்பர்கள் 5 பேர் மொட்டை போட்டதாக எனது அம்மா அடிக்கடி கூறுவார்கள், எனது அப்பா இறந்து 7 வருடம் ஆகின்றது, எனது ஒரே விண்ணப்பம் காங்கிரஸ் கட்சிக்கு பெருந்தலைவர் பெயர் சொல்ல எந்த தகுதியும் இல்லை அவர் மக்கள் தலைவர் - என்றும் அவர் புகழ் மங்காது....
Rate this:
0 members
0 members
0 members
Share this comment
Cancel
மோகன் ராஜ் - USA,இந்தியா
17-ஜூலை-201214:34:00 IST Report Abuse
மோகன் ராஜ் Mr. Kannadasan and Mr. Cho Ramasamy have written lot about Karunanidhi, still our people did not understand about him.
Rate this:
0 members
0 members
0 members
Share this comment
Cancel
Unmai Vilambi - அம்பாசமுத்திரம்,இந்தியா
17-ஜூலை-201210:57:40 IST Report Abuse
Unmai Vilambi பெருந்தலைவரை பற்றிய அருந்தகவல்களை அறியத்தந்தமைக்கு நன்றி.
Rate this:
0 members
0 members
0 members
Share this comment
Cancel
Gokzz - Pollachi,இந்தியா
16-ஜூலை-201214:31:39 IST Report Abuse
Gokzz கருணாநிதி பின்பு அதே காங்கிரசால் மிதி வாங்கினார் என்பது வரலாறு.... மோதிரம் வாங்கி கொடுத்து அதை அண்ணாவின் கையால் அணிய செய்து தம்பட்டம் அடித்து கொண்ட தலைவர் தான் மு. க...
Rate this:
0 members
0 members
0 members
Share this comment
Cancel
mangai - Chennai,இந்தியா
16-ஜூலை-201212:56:38 IST Report Abuse
mangai இந்த கட்டுரையை படிக்கும் பொது காமராஜர் அவர்களை நினைத்து மரியாதையுடன் ஒரு மன நிறைவு ஏற்படுகிறது..
Rate this:
0 members
0 members
0 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.