E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
அன்புடன் அந்தரங்கம்!
Advertisement
 
 
Advertisement
 
 
 
எழுத்தின் அளவு:
Advertisement

பதிவு செய்த நாள்

30 டிச
2012
00:00

அன்புள்ள அம்மாவுக்கு —
நான் 25 வயது நிரம்பிய இளைஞன். இளநிலை பொறியியல், 2008ல், முடித்து, நான்கு ஆண்டுகள் சரியான பணிவாய்ப்பு கிடைக்காமல், தற்போது முதுநிலை பொறியியல் படிப்பு படித்து வருகிறேன். எனக்கு உள்ள பிரச்னை, உடல் ரீதியிலானதா அல்லது மனரீதியானதா என்று புரியவில்லை. நான், அரசினர் பொறியியல் கல்லூரியில், எந்திர பொறியியல் படித்தேன். படிக்கும் காலத்தில், விடுதியில் யாரிடமும் சகஜமாக பழக மாட்டேன். அதிகமாக தனிமையில் இருப்பேன். படிப்பிலும், அந்த அளவுக்கு நாட்டம் செல்லவில்லை. பிறருடன் பழகுவதற்கு அதிகமாக கூச்சப்படுவேன். பிற்காலத்தில், இந்த பழக்கமே எனக்கு எமனாக மாறியது. சகமாணவர்கள் வளாக நேர்காணலில் தேர்வாகி, பணி நியமனம் பெற்ற பின்பும், என்னால், ஒரு நிறுவனத்தில் கூட தேர்வாக இயலவில்லை. காரணம், கூச்சம் மற்றும் பயம்.
எனக்கு இப்போது, 25 வயது நிரம்பியிருந்தாலும், அந்த அடிப்படை சுபாவம் இன்றும் மாறவில்லை. என் உடல் மிகவும் மெலிந்து, 18 வயது பையனை போல் காட்சியளிக்கிறேன். எடை 50 கிலோ. உயரம் சராசரியாக உள்ளது. மூன்று வேளையும் திருப்தியாக சாப்பிட்டாலும், உடல் எடை கூடவில்லை. என் வயதை ஒத்த நபர்கள், இருசக்கர வாகனத்தில் சீறி கொண்டு செல்கின்றனர். எனக்கு, இருசக்கர வாகனத்தை ஓட்டவே பயமாக இருக்கிறது. இதற்காகவே, நான் மொபைட் வாங்கி வைத்திருக்கிறேன். அதிலும், 30 கி.மீ., வேகத்திற்கு மேல் செல்ல மாட்டேன். அதற்கு மேல் வேகமாக செல்லலாம் என்று முயற்சித்தால், என் உடல் கட்டுப்பாட்டை இழந்து விடுகிறேன். எனக்கு ஏற்படும் பயத்தை பற்றி, ஆன்மிக பெரியோரிடம் கேட்டபோது, "படைத்த இறைவன் மேல் பயம் ஏற்படுத்திக் கொள். உ<லக பொதுமக்களிடம் உள்ள பயம் போய்விடும்...' என்று அறிவுரை கூறினர். அதன் பின், நான் முடிந்தவரை இறைவன் மேல் பயத்தை ஏற்படுத்தி கொள்கிறேன். ஒரு நாளைக்கு, ஐந்து வேளை இறைவனை வழிபட்டாலும், என்னால் நூறு சதவீதம் முழுமையாக கவனம் செலுத்த இயலவில்லை. மனது, பல விஷயங்களை பற்றி சிந்தனை செய்கிறது; குழப்பி கொள்கிறேன்.
என்னிடம் அதிகமாக பெண்மை தன்மை காணப்படுவதாக, என்னிடம், வெளிப்படையாக பேசும் சிலர் கூறுகின்றனர். சிறிய விஷயத்தில் கூட முடிவு எடுப்பதில் மிகவும் தடுமாறுகிறேன். அமைதியாக, ஒரு இடத்தில் உட்கார்ந்து தியானம் செய்யும் போது கூட, என் இதயம் துடிப்பதை உணர முடிகிறது. ஒரு காரியத்தை, தனியாக செய்யும் போது சிறப்பாக செய்யும் நான், மற்றவர்கள் பார்க்கும் போது தடுமாறி விடுகிறேன். இதயம் வேகமாக துடிப்பது போல் உணர்கிறேன்.
ஆனால், நான், இரண்டு வருடம் ஆசிரியர் பணியில் இருந்த போது, என்னுடைய மாணவர்கள், சக ஆசிரியர்கள், முதல்வர் உட்பட அனைவரும், என்மேல் மிகுந்த மரியாதை வைத்திருந்தனர். ஆசிரியர் பணியில் எனக்கு ஏற்பட்ட பணி திருப்தியின் காரணமாகத்தான், இதே துறையில், என்னை மெருகேற்றி கொள்ள முதுகலை பொறியியலை வேறொரு அரசினர் பொறியியல் கல்லூரியில் படிக்கிறேன். எனக்குள்ள பயம், தாழ்வு மனப்பான்மை போன்ற குணங்களில் இருந்து முழுமையாக மீண்டு, நம்பிக்கையுள்ள இளைஞனாக, வாலிபனாக தந்தையாக வர முயற்சிக்கிறேன். இதற்காக, தங்களின் ஆலோசனையை ஆர்வமாக எதிர்பார்க்கிறேன்.
இப்படிக்கு,
உங்கள் மகன்.


அன்புள்ள மகனுக்கு —
உன் கடிதம் கிடைத்தது. விவரம் அறிந்தேன்.
ஏற்கனவே, பயத்துடன், தாழ்வு மனப்பான்மையுடன் சிறு பையன் போன்ற திரேகத்துடன் கூச்ச சுபாவத்துடன் கூடிய உன்னை, மிதமிஞ்சிய இறையச்சம் மேலும், பலவீனன் ஆக்கிவிட்டது. மறுமை பற்றிய கனவில், இம்மையை கோட்டை விடுகிறாய். நியாயமான வெற்றிகள், நியாயமான சந்தோஷங்கள் இம்மைக்கு அவசியம் தேவை. இருபத்தியைந்து வயதிலும், நீ பதினெட்டு வயது உடலமைப்பை பெற்றிருப்பதற்கு, மரபியல் காரணம் இருக்கலாம். உன் பாட்டனார், உன் தந்தையின் உடல்வாகு உனக்கு அமைந்திருக்கும்.
உன்னிடம் அதிகம் பெண்மைத்தன்மை காணப்படுகிறது என கூறியிருக்கிறாய். நான்கைந்து சகோதரிகளுடன் பிறந்து, வளர்ந்த கடைக்குட்டி தம்பியாய் நீ இருக்கக் கூடும். ஒரு காரியத்தை தனியாக செய்யும் போது, சிறப்பாக செய்யும் நீ, மற்றவர்கள் பார்க்கும் போது, சொதப்பி விடுகிறாய். நாம் செய்யும் காரியம், தவறாய் போய், பிறர் இழித்து, பழித்து பேசிவிடுவரோ என, தேவையில்லாமல் பயப்படுகிறாய்.
சிறிய விஷயத்தில் கூட, முடிவெடுக்க திணறுகிறாய். சரியான முடிவுகள் எடுப்பது, தலைமைப் பண்புக்குரியது. அந்த தலைமைப் பண்பு உன்னிடம் மிஸ்சிங். உனக்குள்ள பயம் விலக, தாழ்வுமனப்பான்மை நீங்க, தன்னம்பிக்கை இளைஞனாய் விஸ்வரூபிக்க அடுத்தடுத்து, நீ என்னன்ன செய்ய வேண்டும் தெரியுமா?
ஆண்மை ததும்பும் விதமாய், உன் ஆடை அணிதலும், மேனரிசங்களும் மாற்றியமைக்கப்பட வேண்டும். முகத்தில் மிடுக்கையும், கம்பீரத்தையும் பேரரசனுக்குரிய வீரத்தையும் குழைத்துப் பூசிக் கொள். வெளிப்படையாக எல்லாரிடமும் பேசி பழகு. எந்த காரியம் செய்தாலும், முழு முனைப்போடும், அர்ப்பணிப்போடும் செய். பிறரின் அபிப்பிராயங்களை பற்றி கவலைப்படாதே. இறைவனின் மீது பாரத்தை போட்டு, எந்த விஷயத்திலும், முடிவெடுக்க பழகு. பத்து முடிவில் எட்டு முடிவுகள் சரியாக இருந்தால், போதுமானது.
இரண்டு ஆண்டுகள் ஆசிரியராக பணிபுரிந்து இருக்கிறாய்; மாணவர்களும், சக ஆசிரியர்களும் உன் மீது மரியாதை வைத்திருக்கின்றனர். அதனால், உனக்கு பணி திருப்தியும் கிடைத்திருக்கிறது. எல்லாரிடமும் வெளிப்படையாக பேசிப் பழகும் குணத்தை பெற்றாய் என்றால், உன் ஆசிரியத் தொழில், இன்னும் சிறக்கும். உன் முதுகலை பொறியியல் பட்டப்படிப்பை ஆரவாரமாய் முடிப்பாய்.
இருசக்கர வாகனத்தில், அசுரவேகத்தில் செல்வது விவேகமல்ல. 30 கி.மீ., வேகம் பாதுகாப்பானது. தாறுமாறாய் ஓட்டி தான், உன் ஆண்மையை நிரூபிக்க வேண்டிய கட்டாயம் ஏதுமில்லை.
அறவே பய உணர்வு இல்லாமல் இருப்பதும் நல்லதல்ல. அஞ்சுவதற்கு அஞ்சுதல் தேவை என்கிறது திருக்குறள். நீ சிறந்த ஆசிரியனாக எதிர்காலத்தில் திகழப் போவதும், இறைவனுக்கு செய்யும் சிறப்பான தொண்டுதான். இறைபக்தி, இடைவிடாத கடின உழைப்பு, எல்லைமீறாத தன்னம்பிக்கை, துணிச்சல், நேர்மை இவற்றை, உரிய விகிதத்தில் கலந்தால், இம்மையிலும், மறுமையிலும் வெற்றிதான்.
என்றென்றும் தாய்மையுடன்
சகுந்தலா கோபிநாத்.

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (17)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
A.Mansoor Ali - Riyadh.Athika.,சவுதி அரேபியா
31-டிச-201212:10:45 IST Report Abuse
A.Mansoor Ali அன்பு தம்பிக்கு நீ யாக குழம்பி கொள்கிறாய்..வேறு ஏதும் இல்லை..நீ எனக்கு போன் செய் விளக்கம் தருகிறேன்..00966-509150390.
Rate this:
2 members
0 members
8 members
Share this comment
Cancel
Raman - Chennai,இந்தியா
31-டிச-201200:33:49 IST Report Abuse
Raman இந்த பெண்ணின் (மாணவி, இளம் பெண்) மரணம், அதுவும் 23 வயது பெண் ஒரு பெரும் தாக்கத்தை ஏற்படுத்தியது. பெண்ணை பெற்றவர்கள் எல்லோரும் வெகுண்டு எழ வைத்த நிகழ்வு இது. அதனால் கருத்து எழுத கூடாது என்று இருந்தேன். ஏனெனில் அது கோபத்தில் தோன்றிய ஒரு கருத்து ஆக இருக்கும். நிதானமற்ற பழிக்கு பழி என்ற எண்ணமே மிகுந்திருக்கும். பெண்கள் இந்த கடந்த தலைமுறையில்தான் வெளியில் வந்து முன்னேற துவங்கி உள்ளனர். கல்வி அறிவு பெற்று. பொருளாதார சுதந்திரம் பெற்று. தங்கள் வாழ்க்கையை ஒரு ஆண், ஆண் சார்ந்த ஆதிக்க சமூகம் என்றில்லாது இருக்க முயன்று வருகிறார்கள். மீடியா, அத்துடன் இத்தகைய முன்னேற்றத்தை தங்கள் குழந்தைகளுக்காக வரவேற்க்கும் பெற்றோர், அரசின் விளம்பரங்கள், இவை நல்லதொரு தாக்கத்தை ஏற்படுத்தி வருகின்றன. அதே நேரம் பாலியியல் வன்கொடுமை என்பது காலம் காலமாக இருக்கும் ஒன்று. தம் பலத்தை காட்டவும், பெண்களை ஒடுக்கவும் இது பயன்பட்டது. (ஏனெனில் அதில் பாதிக்கப்படுவது அவர்கள்தான்). அன்று, ஆண் பொருள் ஈட்டவும், பெண் குழந்தை பெற்று பராமரிக்கவும் என்று இருந்தனர். ஆணை, பொருளாதார ரீதியாக, சார்ந்து பெண் இருக்க நேரிட்டது. அதனையே கலாசாரம் என்று மூளை சலவை செய்து பல நூற்றாண்டுகள் அவர்களை அடிமைகளாக, சார்ந்து இருப்பவர்களாக (depe_ndent) இருக்க வைத்தனர். மேலும் பெண்கள் இனவிருத்திக்கு தேவையானவர் என்பதால், அவர்கள் பாதுகாக்கப்பட்டனர். அது மெதுவாக அவர்களை பலவீனமாக்கியது உண்மை. விலங்கினங்களில் பெண், தாய் ஆனவள் ஆணுக்கு சற்றும் குறையாதவளாக இருப்பாள். சில கொரில்லா கூட்டத்தில் பெண்களே உணவு ஈட்டுவது முதல் எல்லா வேலைகளையும் செய்வார்கள் . ஆண் ஆனவன் வெறும் விந்தனுவிற்கும் பாதுகாப்பிற்கும் மட்டுமே இருப்பான் . இதனை ஏன் சொல்கிறேன் என்றால் அது மனித இனத்திலும் இருக்கிறது. ஆனால் இங்கு பெண்களுக்கு தடைகள் அதிகம். அதனை சமமாக்கி முன்னேற முயன்ற அவர்களை ஆண் சமூகம் பல நூற்றாண்டுகளாக அடக்கி ஆண்டு இருக்கிறது. இத்தகைய அடக்குமுறைகளில் இருந்து வெளிவர தொடங்கியது இந்த தலைமுறையினர்தான். அந்த வளர்ச்சியை பொறுக்க இயலாத ஆதிக்க, பழமைவாத இயக்கங்கள் (கலாசார காவலர்கள் என்ற பெயர் இவர்களுக்கு உண்டு) அதன எதிர்ப்பை பல்வேறு முறைகளில் காட்டி இருக்கின்றன. ராம் சேனா - சுதந்த்திரமாக இருக்கும் பெண்களை பயமுறுத்தி அடக்குவது. கல்லூரி முதல்வர்கள் உடை கட்டுபாடு என்று மிரட்டி அவர்களை அடக்குவது இவை ஒரு வகை என்றால், காவல் நிலையங்கள் கற்பழிப்பு (அட காவலர்களே இதனை செய்கிறார்களே என தைரியமூட்டும்), தலிபான் அமைப்பு போன்று கல்வி மறுப்பு இவையும் அடக்கம். குடும்ப மானம் என்று கௌரவ கொலைகள் (சாதி பெயரால் இருந்தாலும் பெரும்பாலும் ஒடுக்கப்பட்டவர்கள் பெண்கள்) வேறு. பாகிஸ்தானில் gang-rape செய்யப்பட்ட பெண்ணின் குற்றவாளிகளை அவர்கள் செய்தது சரியே என்று தீர்ப்பளித்தது இவை எல்லாம் இந்த வளர்ச்சியை கண்டு மிரண்ட ஆண் சமூகம் செய்ததது. அத்தகைய செயல்களை சட்டமும் சமூகமும் தண்டிக்காது விட்டது, விடுவது - அது சரியான செயல் என்று ஏற்க்ப்பட்டதற்கு சமம். ஒரு பெண் பாலியில பலாத்காரம் செய்யப்பட்டால் அவளை இழிவுபடுத்தி பேசுவது, அவளை குற்றமானவள், "அப்படிப்பட்டவள்" என்று புறக்கணிப்பது என்று பாதிக்கப்பட்டவர்களை மேலும் பாதிப்பிற்கு உல்ளகாக்குவது இவை எல்லாமே நாம் செய்து கொண்டிருக்கும் அநாகரிக செயல்கள். அதில் பெருமை வேறு. பள்ளிக்கு செல்லும் பெண் சிறார்களை பஸ்ஸில் தொந்தரவு செய்தல், இடித்தல் போன்றவை ஏற்கப்படுகிறது. சினிமா போன்ற வெகு ஜன ஊடகங்களில் அது heroism என்று மிகைப்படுத்தப்படுத்தப்பட்டு பாராட்டப்படுகிறது. ஒரு பத்து வயது சிறுவன் அதனை பார்த்தால் - அட அடுத்த வீட்டு பெண்ணின் சட்டையை பிடித்து இழுத்தால் நாமும் ஒரு என்று எண்ண விழைகிறான். . கற்பழிப்பு குற்றம் சாட்டப்பட்ட அரசியல் வாதிகள் சட்டம் இயற்றும் அதிகாரம் பெற்றவர்கள், (மேலை நாட்டில் sex scandal உருவானால் அந்த ஆளின் அரசியல் வாழ்வு அஸ்தமனமாகிவிடும் - இங்கோ ஆரம்பமாகும்). கற்பழித்த ராணுவ அதிகாரி ஜனாதிபதி விருது பெறுபவர்கள் என்றிருந்தால் இளம் சமுதாயம் என்ன நினைக்கும்? பெண்களை கற்பழித்தால் பாராடப்படலாம் என்றல்லவா? இது எல்லாம் நடக்கும் வரை இந்த கொடுமை ஒழிய வாய்ப்பில்லை. அரசியல்வாதிகளையும், காவல் துறையினரையும் நம்பி பிரயோசனமில்லை. ஏனெனில் அவர்கள் தான் இதில் அதிகம் ஈடுபடுகிறார்கள். பிரதியுஷா என்ற நடிகை இறந்தது அறிந்து இருப்பீர்கள். ஒரு பிரபல நடிகையே எதிர்க்க ஆதரவின்றி மரித்தார் எனில் ஒரு சாதாரண குடிமகன் என்ன செய்ய இயலும் ? பண பலம், அதிகார பலம் இவற்றை எதிர்க்க முடியாத இயலாமை வேறு. இதற்கு அடிப்படையில் நாம் மாற வேண்டும். சட்டம் மாற்றாது. தண்டனை மாற்றாது (இன்றும் ஆயுள் தண்டனை என்ற சட்டம் இருந்தும் கற்பழித்த ஒரு ராணுவ அதிகாரி ஜனாதிபதி விருது பெறுகிறார் ). பெண்களை இதனை கொண்டு மீண்டும் அடக்க முற்படுவர். வீட்டில், இருட்டினால் பூட்டி வைக்க வேண்டும், படிப்பை குறைக்க வேண்டும். ஆண் நண்பர்கள் கூடாது. காதல் கூடாது. சுதந்திரம் கூடாது. வீட்டிற்கு யாரேனும் வந்தால் பின்னறையில் ஓடி ஒளிய வேண்டும் என்று. அதனை தடுக்க வேண்டும். இந்த நிகழ்வையும் மீறி அவர்களை முன்னேற்ற உதவ வேண்டும். அவர்களுக்கு பாதுகாப்பு முறைகளை கற்று தரலாம். அதனை விட பள்ளிகளில் அவர்களை மதிக்க கற்று தர வேண்டும். பாலியல் கல்வி, ஆண்-பெண் சமமாக பழக அனுமதிப்பது, பெண்களை போக பொருளாக சித்தரிக்காமல் இருப்பது - அதனை ஆதரிக்காமல் இருப்பது - இவை அடுத்த தலைமுறையேனும் பாதுகாப்பாக வசிக்க உதவும். அடுத்து, சட்டம் இயற்றும் அதிகாரம் படைத்த அரசியல்வாதிகளை - இம்மாதிரி குற்றம் சாட்டப்பட்ட குற்றவாளிகளை தேர்ந்தெடுக்க மறுக்க வேண்டும் - அவர் உங்கள் சாதி, உங்கள் கட்சி ஏன் உங்கள் உறவினராக இருந்தால் கூட. இவை எல்லாம் கனவே. நடைமுறையில் பெண்களுக்கு தற்காப்பு முறை கற்று தரலாம். எதிர்த்து நிற்கும் துணிவு தரலாம். பாதிக்கப்பட்ட பெண்களை இழிவாக பேசாமல் ஆதரிக்கலாம். எதிர்த்து நிறக நிதியுதவி செய்யலாம். அவர்களை துன்புறுத்துபவர்களை எதிர்க்கலாம். அடுத்த முறை பஸ்ஸில் ஒரு பெண் இடிக்கப்பட்டால் தட்டி கேட்க விழையவும். பெண்ணை தரக்குறைவாக பேசுவதை நிறுத்தலாம். அவர்களை பலவீனமானவர்கள் என்று கூறாமல் ஆதரவளிக்கலாம். ஊக்குவிக்கலாம். Random acts of violence can not be prevented. That is real life fact. A free country like US has 83000+ forcible rape convictions in a year. That is a country where women are free. But that does not push them back to middle ages. I am just worried that society using this as an excuse will start imposing restrictions and push the progress back by decades. We are witnessing this in PMK Leader Ramadoss activities/claims/declarations on how they have to protect their "women". I hope and pray that we don't go the wrong way.
Rate this:
18 members
2 members
48 members
Share this comment
Cancel
praven.dr@gmail.com - UK,யுனைடெட் கிங்டம்
30-டிச-201216:39:44 IST Report Abuse
praven.dr@gmail.com Now, improving your body language can make a big difference in your people ss, attractiveness and general mood. There is no specific advice on how to use your body language. What you do might be interpreted in several ways, deping on the setting and who you are talking to. You’ll probably want to use your body language differently when talking to your boss compared to when you talk to a girl/guy you’re interested in. These are some common interpretations of body language and often more effective ways to communicate with your body. First, to change your body language you must be aware of your body language. Notice how you sit, how you stand, how you use your hands and legs, what you do while talking to someone. You might want to practice in front of a mirror. Yeah, it might seem silly but no one is watching you. This will give you good feedback on how you look to other people and give you an opportunity to practise a bit before going out into the world. Another tip is to close your eyes and visualize how you would stand and sit to feel confident, and relaxed or whatever you want to communicate. See yourself move like that version of yourself. Then try it out. You might also want observe fris, role models, movie stars or other people you think has good body language. Observe what they do and you don’t. Take bits and pieces you like from different people. Try using what you can learn from them. Some of these tips might seem like you are faking something. But fake it til you make it is a useful way to learn something new. And remember, feelings work backwards too. If you smile a bit more you will feel happier. If you sit up straight you will feel more energetic and in control. If you slow down your movements you’ll feel calmer. Your feelings will actually reinforce your new behaviours and feelings of weirdness will dissipate. In the ning easy it’s to exaggerate your body language. You might sit with your legs almost ridiculously far apart or sit up straight in a tense pose all the time. That’s ok. And people aren’t looking as much as you think, they are worrying about their own problems. Just play around a bit, practice and monitor yourself to find a comfor balance. You can learn much more about improving your social life and relationships in Simplicity course (there is a written guide a social ss workbook included in that course) and in The Power of Positivity.
Rate this:
3 members
0 members
14 members
Share this comment
Cancel
Rajagiri.Siva - Sharjah,ஐக்கிய அரபு நாடுகள்
30-டிச-201216:36:30 IST Report Abuse
Rajagiri.Siva உடற்பயிற்சியும், மனபயிற்சியும் மேற்க்கொண்டால் கண்டிப்பாக பயனை தரும்...
Rate this:
0 members
0 members
12 members
Share this comment
Cancel
De V - tirunelveli,இந்தியா
30-டிச-201211:55:17 IST Report Abuse
De V ஒரு நண்பன் ஒரே ஒரு நண்பன், உனக்கு தந்தையாக, தாயாக மேலும் இந்த உலகில் உள்ள பல முக (மனைவியை தவிர ) உறவுகளை ஒரு முகத்தில் உனக்கு தருபவனாக ஒருவனை தேடி பிடி மேலே சொன்ன அனைத்து பிரச்சனையும் தீரும். மணி.ப , நெல்லை
Rate this:
2 members
1 members
6 members
Share this comment
Cancel
Arvind - Raleigh,யூ.எஸ்.ஏ
30-டிச-201211:34:49 IST Report Abuse
Arvind இளைன்ஜெர் டேச்டோச்டோர்னே மற்றும் தைரொஇட் டெஸ்ட் செய்து கொள்ளவும். Better consult with ocrinologist.
Rate this:
0 members
1 members
6 members
Share this comment
Cancel
PR Makudeswaran - madras,இந்தியா
30-டிச-201209:49:27 IST Report Abuse
PR Makudeswaran யாரிடமும் பழகாமல் பேசாமல் இரண்டு வருடம் ஆசிரியர் பணி எப்படி.? நல்ல ஆசிரியர் என்ற பாராட்டு ?. எனக்கு புரியவில்லை. சீரான உடற்பயிற்சியும் நல்ல உணவு பழக்கமும் நாளடைவில் கட்டுக்கோப்பான உடல் வாகை தரும்.. பக்க விளைவுகள் இல்லை என்று உறுதி செய்துகொண்டால் ஹார்மோன் ஊசிகள் சரிதான்.ஆனால் எல்லாவற்றிற்குமே ஆங்கில மருந்துகள் நிரந்தர தீர்வை தருவது இல்லையே. எல்லோரிடமும் கூடி பேசி பழக முயல வேண்டும்.நல்லதை நினைத்து நல்லதை செய்தால் இறைவன் நல்லவிதம் முடித்துவைப்பான்.அதில் அச்சம் வேண்டாம்.எப்படி முடியுமோ என்று நினைத்து பயந்து கொண்டிருத்தால் எதையும் செய்ய முடியாமல் போய்விடும்.முதலில் தோல்வியாக முடியலாம். அதுதான் முதல்படி.இரண்டாம் படியில் வெற்றி காத்துக்கொண்டு இருக்கும்..இறையருள் துணை புரியட்டும்.
Rate this:
1 members
0 members
10 members
Share this comment
Cancel
siraj - Dubai,ஐக்கிய அரபு நாடுகள்
30-டிச-201209:27:36 IST Report Abuse
siraj nanba ennoda best advise nee gim-mukku poo anga rough & tough ullavangakooda palagu, un udamba thetu, nalla thunichalana payankuda freindship vachukoo, sports vilayadu like cricket, basket ball, football or kabadi, automaticka nee handsome aaiduva
Rate this:
1 members
0 members
22 members
Share this comment
Cancel
Ramesh Kumar - coimbatore,இந்தியா
30-டிச-201207:32:10 IST Report Abuse
Ramesh Kumar டில்லி மாணவிக்கு ஏற்பட்ட நிலையை எண்ணி கண்ணீர் விடுகிறேன்....இனிமேலும் இம்மாதிரியான சம்பவங்கள் நடைபெறாமல் இருக்க தீர்வுதான் என்ன.. நண்பர்களே ......?
Rate this:
18 members
1 members
2 members
Share this comment
Krishnan (Sarvam Krishnaarpanam....) - Hindu American Foundation,யூ.எஸ்.ஏ
30-டிச-201213:32:52 IST Report Abuse
Krishnan (Sarvam Krishnaarpanam....)பெண்களுக்கு காலாகாலத்தில் திருமணம் செய்து வைக்கவேண்டும். இரவு 9 மணிக்குமேல் வீட்டிற்கு வெளியே அனுப்பக்கூடாது....
Rate this:
34 members
1 members
30 members
Share this comment
Raman - Chennai,இந்தியா
31-டிச-201200:03:40 IST Report Abuse
Ramanஅத்துடன் வீட்டில் ஒரு பாதாள அறை கட்டி அதில் மறைத்து வைத்து விடுங்கள். நீங்கள் என்ன ராம் சேனா உறுப்பினரா என்ன? இந்த தலைமுறையினர்தான் ஆணாதிக்க தடைகளை வென்று முன்னேறி வருகிறார்கள். இது ஒரு துர் நிகழ்வு. A SETBACK. அதனால் இரண்டு நூற்றாண்டுகள் பின்னோக்கி செல்ல வேண்டும் என்று அர்த்தம் அல்ல. பத்து வயதில் திருமணம் செய்து வைத்தால் மட்டும் என்னவாம். அந்த பஸ்ஸில் ஆண் துணையுடன் சென்றால் இந்த பெண். முதலில் உங்களை போன்றவர் மாற வேண்டும். பெண்களை போக பொருள், ஒரு உடைமை என்றும் என்னும் அறிவிலிகள். இந்த பெண்ணின் மரணம் என்னை மிகவும் பாதித்த ஒன்று. கருத்து எழுதுவது insensitive என்று இருந்தேன். அனால் இது போன்றவர்கள் தங்கள் பழமைவாத கருத்தினை, ஆணாதிக்க போக்கினை இதுதான் சமயம் என்று ஆட்டு தோல் போர்த்திய ஓநாய் ஆக திணிக்க முயல்வதை எதிர்க்க வேண்டும். இந்த பெண்ணின் மரணம், இது போன்ற பாதிக்கப்பட்ட பெண்களின் துன்பம் - இவை அல்ல பெண்களையும் எழுச்சி கொள்ள வைக்க வேண்டும். இது போன்ற ஆணாதிக்க அறிவிலிகளை அவர்கள் வீட்டு பெண்கள் எதிர்த்து நிற்க வேண்டும். இந்த பெண்ணின் மரணம் இது மாதிரியான ஆட்களை போதனை செய்ய தூண்ட கூடாது. நேரடியாக குற்றம் புரிபவகளை விட இது மாதிரி ஆசாமிகள் பயங்கர வாதிகள். இதில் சர்வம் கிருஷ்ணார்ப்பணம் என்று .... ஒரு வேளை பிடதி ஆசாமியோ?...
Rate this:
17 members
1 members
47 members
Share this comment
Krishnan (Sarvam Krishnaarpanam....) - Hindu American Foundation,யூ.எஸ்.ஏ
31-டிச-201213:01:26 IST Report Abuse
Krishnan (Sarvam Krishnaarpanam....)ராமன், உங்க வீட்டு பெண்களுக்கு இப்படி ஏதாவது அசம்பாவிதம் நடக்கும்வரை, பெண்ணுரிமை அது இது என்று பேசி கொண்டுதான் இருப்பீர்கள். அந்த பெண், ஒரு ஆண் துணையுடன் இரவு 11 மணிக்கு சென்றிருக்கிறாள். அது அவளுடைய முதல் தவறு. கூட்டமில்லாத பேருந்தில் ஏறியது, இரண்டாவது தவறு. நம் நாட்டில், எல்லா ஆண்களையும் ஒழுக்கத்துடன் வளர்க்க முடியுமா ? அப்படியே வளர்த்தாலும், எல்லோரும் எல்லா நேரத்திலும் ஒழுங்காக இருப்பார்கள் என்று கூற முடியுமா ? இரவில், காமம் தலைதூக்குவது இயற்கை. அந்த நேரத்தில், நவ நாகரிக ஆடை உடுத்தி ஒரு பெண் சென்றால், ஆண்களின் எண்ணம் தவறாகத்தான் செல்லும். எல்லோரும், புத்தர் போல் தங்களை அடக்க முடியாது. எவ்வளவு கூறினாலும் உங்களை போன்றவர்களுக்கு விளங்காது. பட்டால் தான் புத்தி வரும்....
Rate this:
73 members
1 members
33 members
Share this comment
Cancel
meenavan - New Jersey,யூ.எஸ்.ஏ
30-டிச-201204:41:02 IST Report Abuse
meenavan சென்றவாரம் எழுதிய வாசன் அவர்களுக்கு ஒரு சிறு கருத்து முதலில். என்னுடைய கருத்துப்படி முடிவெடுக்க வேண்டியது நீங்கள் அல்ல. உங்கள் மனைவியும் உங்கள் அம்மாவும். 3 மருமகள்களுடன் ஒத்து போகாத உங்கள் அம்மாவின் விடை முதல் தேவை. நீங்க ஒருவேளை திரும்பினால் உங்கள் அம்மாவுடன் ஒத்து வாழ முடியுமா என்ற தெரிவு உங்கள் மனைவியிடம். இல்லையென்றால் நீங்க எந்த கணக்கு போட்டு திரும்பி வந்தாலும் வாழ்க்கை வேதனையாகிவிடக்கூடும். தனது உடல் நிலையையும் உங்களது தந்தையின் உடல் நிலையையும் மகன்களின் வாழ்க்கையையும் நினைத்து தனது ஈகோ வை கொஞ்சம் விட்டுகொடுத்து உங்கள் அம்மா வாழ வேண்டும். உங்களது அம்மாவின் சில ஈகோ விஷயங்களை பொருள்படுத்தாமல் தனது ஒரு உறவினர் - அம்மாவோ அக்காவோ அப்படி இருந்தால் எப்படி விட்டுக் கொடுத்து செல்வார்களோ அதுபோல் மருமகள்கள் கொஞ்சம் பொறுத்து வாழ முயலவேண்டும். பணத்தையும் இழந்து நிம்மதியை இழந்து வாழும் வாழ்க்கை பாசத்தை வளர்க்காது - இல்லையா? நிம்மதிக்காக பணத்தை விடலாம். என்னுடைய தெரிவு உங்கள் பெங்களூரு சகோதரருடன் அவர் சென்று இருக்கட்டும். அவர்கள் ஒரு நல்ல அபார்ட்மெண்ட் காம்ப்ளக்சில் இருந்தால் (கேட்டட் கம்யூனிட்டி) உங்கள் அப்பாவுக்கு கொஞ்சம் பத்திரமாக இருக்கலாம்..கவனிக்க ஆள்கள் கிடைப்பதும் எளிதாகலாம்.. அவசர விஷேஷங்களுக்கு ஊருக்கு செல்வது எளிது. நீங்க கொஞ்சம் பண உதவிகள் செய்யுங்கள்.... உங்கள் ஒரு மாதம் முடிந்தால் விடுப்பு எடுத்து குடும்பத்துடன் உங்கள் அம்மாவுடன் இருங்கள். வருடத்திற்கு ஒரு சில மாதங்கள் உங்கள் மனைவியையும் குழந்தைகளையும் உங்கள் ஊரில் அம்மாவுடன் தங்கி இருக்க அனுப்புங்கள். மீண்டும் மீண்டும் பணத்தேவைகளில் மாட்டிக்கொள்ளாமல் , உங்களது தற்போதைய லோன்களில் 3 பங்கு முடிந்ததும் திரும்ப வர முயலுங்கள் - நட்புடன் மீனவன்
Rate this:
21 members
0 members
8 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.