Dinamalar

தமிழகம்

செப்., 5: தமிழக பள்ளிக் கல்வித் துறையின் நிலை, தேர்வு, தேர்ச்சி சதவீதம் பற்றிய விவரம் அடங்கிய, இணையதளத்தை (www.tnschools.gov.in), முதல்வர் ஜெ., துவக்கினார்.
செப்., 10: கூடங்குளம் அணு உலைக்கு எதிரான முற்றுகை போராட்டத்தில் வன்முறை. போலீசாருக்கும், போராட்டக் காரர்களுக்கும் இடையே மோதல்.
செப்., 13: கூடங்குளத்தில் எரிபொருள் நிரப்புவதற்கு தடைவிதிக்க கோரிய மேல் முறையீட்டு வழக்கில், தடை விதிப்பதற்கு சுப்ரீம் கோர்ட் மறுப்பு.
செப்., 14: இலங்கையில் ஆஸ்திரேலியா செல்ல முயன்று, நடுக்கடலில் படகு பழுதானதால், 19 நாட்கள் உணவு, குடி நீர் இல்லாமல் தத்தளித்த 65 பேரை, நாகை மீனவர்கள் மீட்டு மண்டபம் அகதிகள் முகாமில் சேர்ப்பு.
செப்., 20: ஸ்ரீரங்கம் மற்றும் பழனி கோவில்களில், "முழுநேர அன்னதான' திட்டத்தை, முதல்வர் ஜெயலலிதா தொடங்கி வைத்தார்.
செப்., 27: டி.என்.பி.எஸ்.சி., அலுவலகத்துக்கு புதிய கட்டடம், முதல்வர் ஜெயலலிதா திறப்பு.
செப்., 29: தமிழக சட்டசபை சபாநாயகர் ஜெயக்குமார் ராஜினாமா.
செப்., 30: கிருஷ்ணகிரி தளி அருகே விவசாய நிலத்தில் 800 அடி ஆழ் துளை கிணற்றில் விழுந்த, 3 வயது குழந்தை, 4 மணி நேர போராட்டத்திற்கு பின், உயிருடன் மீட்பு.

இந்தியா

செப்., 7: பார்லிமென்ட்டின் மழைக்கால கூட்டத்தொடர், 106 மணி நேரம் நடப்பதற்கு பதிலாக, வெறும் 26 மணி நேரமே நடைபெற்றது.
செப்., 8: இந்திய வெளியுறவுத்துறை அமைச்சர் எஸ்.எம்.கிருஷ்ணா, மூன்று நாள் பாகிஸ்தான் பயணம்.
செப்., 9: இந்தியாவின் நூறாவது விண்வெளி திட்டம் வெற்றிகரமாக விண்ணில் செலுத்தப்பட்டது. பி.எஸ்.எல்.வி., - சி21 என்ற ராக்கெட்டில் பிரான்சின் ஸ்பாட்-6 என்ற செயற்கைக்கோளும், ஜப்பானின் பிராய்டர்ஸ் என்ற செயற்கைக்கோளும் அனுப்பப்பட்டது.
செப்., 10: இந்தியா, பாலஸ்தீனத்துக்கு உதவும் வகையில், 54 கோடி ரூபாய் நிதியுதவி வழங்கியது.
செப்., 14: டீசல் விலை லிட்டருக்கு 5 ரூபாய் உயர்வு. ஆண்டுக்கு 6 சிலிண்டர்கள் மட்டுமே மானிய விலையில் என புதிய கட்டுப்பாடு அமல்.
செப்., 20: டீசல் விலை உயர்வு, சமையல் காஸ் சிலிண்டர் கட்டுப்பாடு ஆகியவற்றை எதிர்த்து எதிர்க்கட்சிகள் பந்த்.
செப்., 24: மத்திய அரசு ஊழியர்களுக்கு 7 சதவீத அகவிலைப்படி உயர்வு அறிவிக்கப்பட்டது.
செப்., 25: மகாராஷ்டிர துணை முதல்வராக இருந்த தேசியவாத காங்., கட்சியின் அஜித் பவார், துணை முதல்வர் பதவியிலிருந்து ராஜினாமா.
செப்., 26: தேர்தல் பிரசாரத்தின் போது, விலங்குகள் மற்றும் பறவைகளை பயன்படுத்துவதற்கு தேர்தல் ஆணையம் தடை.
செப்., 29: இந்தியாவின் அதிக எடை கொண்ட (3,400 கிலோ) "ஜி சாட்-10' பிரெஞ்ச் கயானாவில் இருந்து, "ஏரியான்-5' ராக்கெட் மூலம், விண்ணில் வெற்றிகரமாக ஏவப்பட்டது.

உலகம்

செப்., 9: ஈராக்கில் எட்டு நகரங்களில் நடந்த தொடர் தாக்குதல்களில், 58 பேர் கொல்லப்பட்டனர்.
செப்., 17: பாபுர் என்ற முதல் அணுஆயுதம் தாங்கிய ஏவுகணையை பாகிஸ்தான் சோதித்து பார்த்தது. 700 கி.மீ., தூரம் சென்று தாக்கக் கூடியது.
செப்., 28: நேபாள தலைநகர் காத்மாண்டுவில் இருந்து, எவரெஸ்ட் சிகர பகுதியான லுக்லா நகரை நோக்கி சென்ற விமானம் தீப்பிடித்து எரிந்ததில் பயணம் செய்த 19 பேரும் பலி.

விளையாட்டு

செப். 10: யு.எஸ்., ஓபன் டென்னிஸ் பெண்கள் ஒற்றையரில் அமெரிக்காவின் செரினா வில்லியம்ஸ் சாம்பியன்.
செப். 11: யு.எஸ்., ஓபன் டென்னிஸ் ஆண்கள் ஒற்றையர் பிரிவில் இங்கிலாந்தின் ஆன்டி முர்ரே கோப்பை வென்றார்.
செப். 15: இந்தியாவின் விராத் கோஹ்லிக்கு சிறந்த இளம் வீரர் விருது (ஒரு நாள் போட்டி).
செப். 16: நியூசிலாந்துக்கு எதிரான "ஆசிய ஓசியானா குரூப்-1' டேவிஸ் கோப்பை தொடரை இந்தியா (5-0) வென்றது.
* லண்டன் ஒலிம்பிக்கில் பயசுடன் விளையாட மறுத்த மகேஷ் பூபதி, போபண்ணாவுக்கு 2 ஆண்டு தடை.
* பெண்களுக்கான தெற்காசிய கால்பந்து தொடரில், இந்தியா தொடர்ந்து இரண்டாவது முறையாக சாம்பியன்.
செப். 23: உலக கோப்பை வில்வித்தை தொடரில், இந்திய வீராங்கனை தீபிகா குமாரிக்கு வெள்ளி.
செப். 28: கனடா, உலக மல்யுத்த சாம்பியன்ஷிப் போட்டியில், இந்தியாவின் பபிதா குமாரி வெண்கலம் வென்றார்.
செப். 29: பெண்கள் உலக மல்யுத்த சாம்பியன்ஷிப் தொடரில் இந்தியாவின் கீதா குமாரிக்கு வெண்கலம்.