Dinamalar

இந்தியாவில் உள்ள வீட்டு வசதி நிதி நிறுவனங்களில் எல்.ஐ.சி., ஹவுசிங் பைனான்ஸ் லிமிடெட் எனப்படும் எல்.ஐ.சி., எச்.எப்.எல்., நிறுவனம் மிக முக்கிய நிறுவனமாகும். தேசிய வீட்டு வசதி வங்கியின் அங்கீகாரம் பெற்ற எல்.ஐ.சி. எச்.எப்.எல்., நிறுவனம் 1989ல் நிறுவப்பட்டது. இந்த நிறுவனம் எல்.ஐ.சி., நிறுவனத்தின் கிளை நிறுவனமாகும்.
கணிசமான எண்ணிக்கையிலான வீட்டுக் கடன்கள், பரந்து விரிந்த கிளைகள், நாடு தழுவிய சேவை போன்றவற்றிற்காக இந்த நிறுவனம் அனைவராலும் அறியப்படுகிறது. இந்த நிறுவனத்தில் உள்ள உதவியாளர் காலி இடங்களை நிரப்புவதற்கான அறிவிப்பு வந்துள்ளது.

தேவைகள்:

எல்.ஐ.சி., எச்.எப்.எல்., நிறுவனத்தின் உதவியாளர் காலி இடங்களுக்கு விண்ணப்பிப்பவர்கள் 07.01.2013 அடிப்படையில் 21 வயது நிரம்பியவராகவும், 35 வயதுக்கு உட்பட்டவர்களாகவும் இருக்க வேண்டும். ஏதாவது ஒரு பிரிவில் அங்கீகரிக்கப்பட்ட பல்கலைக் கழகத்தின் மூலமாக குறைந்த பட்சம் 45 சதவிகித மதிப்பெண்களுடன் தேர்ச்சி பெற்றிருக்க வேண்டும். கம்ப்யூட்டர் தொடர்புடைய திறன் இருப்பது கூடுதல் தகுதியாக கருதப்படும்.

இதர தகவல்கள்:

எழுத்துத் தேர்வு மற்றும் நேர்காணல் என்ற அடிப்படையில் தேர்ச்சி இருக்கும் என்று அறிவிக்கப்பட்டுள்ளது. எழுத்துத் தேர்வு வரும் 07.02.2013 அன்று நடத்தப்படும் என்றும் அறிவிக்கப்பட்டுள்ளது. எல்.ஐ.சி., எச்.எப்.எல்., நிறுவனத்தின் உதவியாளர் பதவிக்கு ஆன்-லைன் முறையிலேயே விண்ணப்பிக்க வேண்டும். விண்ணப்பிக்கும் முன்னர் முதலில் இந்த நிறுவனத்தின் இணையதளத்திற்கு சென்று முழுமையான விபரங்களை அறியவும். அதன் பின்னரே விண்ணப்பிக்கவும்.

ஆன்-லைனில் பதிவு செய்ய இறுதி நாள் :

22.01.2013

இணையதள முகவரி:

http://www.lichfl.com/lichousing/careers/jobs.asp