Dinamalar

1977ல் இந்திய கடலோரக் காவல் படை எனப்படும் இந்தியன் கோஸ்ட் கார்டு படை நிறுவப்பட்டது. இப்படை நிறுவப்பட்டது முதல் இன்று வரை மிகவும் சிறப்புற செயலாற்றி வருகிறது. இந்தப் படையில் திருமணமாகாத ஆண் விண்ணப்பதாரர்களிடமிருந்து ஜெனரல் டியூடி (நாவிக்) பிரிவில் உள்ள காலி இடங்களை நிரப்புவதற்கான விண்ணப்பங்கள் வரவேற்கப் படுகின்றன.

தேவைகள்:

இந்திய கடலோரக் காவல் படையின் நாவிக் - ஜெனரல் டியூடி பதவிக்கு விண்ணப்பிப்பவர்கள் 01.08.1991க்குப் பின்னரும் 31.07.1995க்கு முன்பும் பிறந்தவராக இருக்க வேண்டும். உச்ச பட்ச வயதில் எஸ்.சி., எஸ்.டி., பிரிவினருக்கு 5 ஆண்டுகளும், ஓ.பி.சி., பிரிவினருக்கு 3 ஆண்டுகளும் வயது வரம்பில் சலுகை உள்ளது. பிளஸ் 2விற்கு நிகரான படிப்பை இயற்பியல் மற்றும் கணிதப் பாடங்களுடன் படித்திருப்பதோடு குறைந்த பட்சம் 60 சதவிகித மதிப்பெண்கள் பெற்றுத் தேர்ச்சி அடைந்திருக்க வேண்டும். இவற்றுடன் சில குறைந்தபட்ச உடல் தகுதிகளும் கட்டாயத் தேவைகளாக அறிவிக்கப்பட்டுள்ளன. உயரம் குறைந்த பட்சம் 157 செ,மீ.,யும் இதற்கு நிகரான எடையும் பெற்றிருக்க வேண்டும். மார்பு விரிவளவு குறைந்த பட்சம் 5 செ.மீ., இருக்க வேண்டும்.
கண்ணாடி அணிந்தவர்கள் இந்தப் பதவிக்கு விண்ணப்பிக்க முடியாது. இந்தப் பதவிக்கு பரிந்துரைக்கப்பட்ட மருத்துவரிடம் சோதனை செய்ய வேண்டியிருக்கும் என்பதால் இந்த நிலைக்கு முன்னர் பற்கள் மற்றும் காதுகளை உரிய விதத்தில் சுத்தம் செய்துவிட்டே செல்ல வேண்டும். மண்டல ரீதியாக இந்தப் பதவி நிரப்பப்படும் என்று அறிவிக்கப்பட்டுள்ளது.

இதர தகவல்கள்:

இந்தப் பதவி எழுத்துத் தேர்வு, உடல் தகுதித் தேர்வு, மருத்துவப் பரிசோதனை என்ற வெவ்வேறு நிலைகளை வெற்றிகரமாகக் கடக்க வேண்டும். எழுத்துத் தேர்வை தமிழகத்தின் சென்னை உள்ளிட்ட பல்வேறு மையங்களில் எதிர்கொள்ளலாம். வரும் மார்ச் அல்லது ஏப்ரல் மாத வாக்கில் எழுத்துத் தேர்வு நடத்த படலாம் என்று தெரிகிறது. இந்தியக் கடலோரக் காவல் படையின் நாவிக் பதவிக்கு ஆன்-லைன் முறையிலேயே விண்ணப்பங்களை சமர்ப்பிக்க வேண்டும். முழுமையான தகவல்களைப் பின்வரும் இணையதளத்திலிருந்து அறியவும்.

ஆன்-லைனில் விண்ணப்பிக்க இறுதி நாள் :

11.02.2013

இணையதள முகவரி:

http://www.indiancoastguard.nic.in/Indiancoastguard/jobs/ICG%20Advertisement%20Navik&02&2013%20batch.pdf