Advertisement
நெல்லின் மதிப்பை உணர்ந்த விவசாயி
Advertisement
 
 
Advertisement
 
 
 
எழுத்தின் அளவு:
Advertisement

பதிவு செய்த நாள்

06 பிப்
2013
00:00

மதுரையில் பெரியார், வைகை பாசனம் இல்லாததால் சாகுபடி நிலங்கள் தரிசாகவே உள்ளது. இதனால் பல விவசாயிகள் நெல் சாகுபடி செய்யாமல் பெரும் கஷ்டத்திற்கு உள்ளாகியுள்ளனர். மீண்டும் இந்த இடத்தில் நெல் சாகுபடி எப்போது வரும் என்று யாராலும் சொல்ல முடியாது. இருப்பினும் இறைவன் அருளால் கிணற்றுப்பாசனத்தில் நெல் விவசாயம் துவங்கி விவசாயிகள் திருப்தியாக உள்ளனர். இம்மாதிரியான விவசாயிகளிடம் அதிக பரப்பளவில் நிலம் இருந்தாலும் விவசாயிகள் குறுகிய நிலப்பரப்பில் நெல் சாகுபடி செய்து லாபம் எடுத்துள்ளனர்.
மதுரை மாவட்டம், வண்டியூர் கிராமத்தில் முற்போக்கு விவசாயி எம்.எ.விஜயநடராஜன் இயற்கை முறையில் நெல் சாகுபடி செய்து வருகிறார். இயற்கை முறையில் இவர் நெல் சாகுபடிசெய்ததால் பயிர் செழிப்பாக வந்ததோடு அவ்வப்போது பயிரில் வறட்சி ஏற்பட்டாலும் பாதிப்பு ஏற்படவில்லை. காரணம் இயற்கை முறை சாகுபடியில் பயிர்கள் ஓரளவிற்கு வறட்சியைத் தாங்குகின்றது. அதேபோல் இந்த பயிரானது கொடிய பூச்சி, வியாதிகளால் பாதிக்கப்படுவதில்லை. விஜய நடராஜன் ஒன்பது ஏக்கரில் இயற்கை விவசாயத்தில் இரண்டு நெல் ரகங்களை தேர்ந்தெடுத்து தனித்தனி வயல்களில் சாகுபடி செய்துள்ளார். இவர் சாகுபடி செய்த விவரம், அனுசரித்த சாகுபடி முறைகள் சுருக்கமாக கீழே கொடுக்கப்பட்டுள்ளது.
எபீடி 45 - வயது -120 நாட்கள். ஏக்கரில் 36 மூடை மகசூல் (மூடை 66 கிலோ).
ஒரு மூடை நெல் விலை - ரூ. 1,100.00
வரவு (36 மூடை து ரூ.1,100) - ரூ. 39,600.00
சாகுபடி செலவு - ரூ. 18,000.00
நிகர லாபம் - ரூ. 21,600.00
வைக்கோல் - ரூ. 2,500.00
ஜே-13 வயது-100 நாட்கள். ஏக்கரில் 36 மூடை மகசூல் (மூடை 66 கிலோ)
ஒரு மூடை நெல் விலை - ரூ. 1,100.00
வரவு (36 மூடை து ரூ.1,100) - ரூ. 39,600.00
சாகுபடி செலவு - ரூ. 16,000.00
நிகர லாபம் - ரூ. 23,600.00
வைக்கோல் - ரூ. 2,500.00
ஜே-13 நெல் சாகுபடி செலவு குறைவு. பராமரிப்பு செலவும் குறைவு. வைக்கோல் பஞ்சுபோல் இருக்கும். பசுக்கள் விரும்பி சாப்பிடும்.
உசிலம்பட்டி கிராமத்தில் 62 வயதுள்ள பி.வி.சண்முகம் என்பவர் எருமைகளை வளர்த்து தனது அன்றாட வாழ்க்கையை நடத்திக்கொண்டு வந்தார். அவருக்கு பக்கத்தில் உள்ள கண்மாய் உதவிவந்தது. இதில் தேவையான நீர் இருந்ததால் சண்முகத்திற்கு பிரச்னை இல்லாமல் இருந்தது. திடீரென்று கண்மாய்களை சரிவர பராமரிக்காமல் விட்டதால் தண்ணீரே இல்லாமல் போய்விட்டது. உடனே சண்முகம் தனது எருமைகளை விற்றுவிட்டார். முக்கியமான காரணம் எருமைகளுக்கு குடிக்கத் தேவையான தண்ணீரைத் தவிர அதற்கு குளிப்பாட்டும் அளவு தண்ணீர் இல்லாமல் போய்விட்டது. எருமைகளுக்கு இந்த அளவு தண்ணீர் இல்லாவிட்டால் அவைகளுக்கு பால் கொடுக்கும் திறமை போய் அவை மாண்டுவிடுவதற்கான வாய்ப்பு உண்டு. உடனே இப்பகுதியில் உள்ள சண்மும் போன்ற பலர் ஒரு திட்டம் தீட்டி தங்கள் ஊருக்கு அருகில் உள்ள பொண்ணாச்சி கண்மாயில் அதிகமான நீரை சேர்த்தார்கள். இதற்குத் தேவையான பராமரிப்பு பணிகளையும் செய்தார்கள். சென்ற வருடம் வடகிழக்கு பருவமழை பெய்யாவிட்டாலும் மக்கள் தற்போது சந்தோஷமாக உள்ளனர். சண்முகம் அதிக அளவு எருமைகளை வாங்கி தனது பணியைத் துவக்கி சம்பாதிக்க ஆரம்பித்துவிட்டார்.
தற்போது கிணற்றுப்பாசனத்தில் விவசாயிகள் நெல் சாகுபடி செய்ய வேண்டிய கட்டாய சூழ்நிலைக்கு வந்துவிட்டார்கள். இவர்களும் பாடுபட்டு உழைத்து கிணறுகளில் தண்ணீர் வற்றாமல் இருக்க தொழில்நுட்பங்களை அனுசரிக்கலாம். இதற்காக ஒரு சமுதாய இயக்கத்தை உருவாக்கி கிணறுகளில் தண்ணீர் நிற்க வழி கண்டுபிடிக்கலாம்.
நெல் பயிர் மிக முக்கியமான உணவுப்பயிர். ஆகையால் அந்த நிலங்களில் வேறுபயிர்களை சாகுபடி செய்யாமல் நெல் சாகுபடியையே தொடர்ந்து செய்துவருவதால் அவர்களை நாம் பாராட்ட வேண்டும்.
-எஸ்.எஸ்.நாகராஜன்.

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.