Advertisement
உன்னை முதலில் திருத்து!
மே 08,2011,
16:05  IST

* தன்னை மற, தெய்வத்தை நம்பு, உண்மை பேசு, நியாயத்தை எப்போதும் செய், அனைத்து இன்பங்களையும் பெறுவாய்.
* ஒரு பொருளுடன் உறவாடும் போது, உன்மனம் அப்பொருளின் வடிவமாக மாறிவிட வேண்டும். அப்போதுதான் அந்தப் பொருளை நீ நன்றாக அறிந்தவனாவாய்.
* அலையைக் கட்டலாம், காற்றை நிறுத்தலாம், மனவுறுதி கொண்ட வீரனுடைய குறிக்கோளை எவராலும் தடுக்க முடியாது.
* நூறு மனிதர்கள் சேர்ந்து ஒருவனை நாயகன் என்று முடிவு செய்தால் அவனுக்கு மிகுந்த வலிமை ஏற்படுகிறது.
* தொழில் செய்யாமல் சோம்பேறிகளாக வாழும் செல்வந்தர்களும், பொருள் தேடுவதிலும் அதைக் காப்பதிலும் மிதமிஞ்சிய கவலை செலுத்தும் செல்வந்தர்களுக்கும் ஜீரண சக்தி எப்போதும் மோசமாகவே இருக்கும். அவர்களுக்கு எதுவுமே ருசிக்காது.
* வாழ்க்கையில் தன்னைத் தானே திருத்திக் கொள்ளாதவன் பிறருக்கு அறிவுரை கூறி திருத்த அதிகாரம் பெறமாட்டான்.
* துளிகூட, ஓர் அணுகூட பிறரை ஏமாற்றுவதில்லை என்பதில் வெற்றி பெறுபவனே இறைவனாகிறான்.
- பாரதியார்

பாரதியார் ஆன்மிக சிந்தனைகள்
Advertisement
வேதங்கள் தெரிந்துகொள்ள »
Advertisement