Advertisement
நேசிப்பதை விடும் நேரம் வரும்!
ஆகஸ்ட் 09,2008,
09:01  IST

*இரும்பு நீருடன் சேர்ந்தால் துருப்பிடித்துவிடும். ஆனால், அதே இரும்பு நெருப்புடன் சேர்ந்தால் தூய்மை பெறும். அதுபோல் நீங்கள் யாரிடம் சேர்கிறீர்களோ அதற்குத் தகுந்தாற்போல் மாறி விடுவீர்கள்.
* விருப்பு, வெறுப்பு இரண்டுக்கும் இடைப் பட்ட சன்னியாசியாக வாழ்வதைக் காட்டிலும் இவ்விரண்டு குணங்களும் கொண்ட சம்சாரியாக இருப்பது சிறப்பானதாகும்.
* பற்றற்ற தன்மையைப் பழகிக் கொள்ளுங்கள். சிறிது சிறிதாகப் பழகினால் நல்லது. ஏனெனில், நாம் நேசிக்கும் அனைத்தையுமே விட்டுவிட வேண்டிய வேளையொன்று நம் எல்லாருக்கும் வந்தே தீரும்.
* அன்பு என்பது எதிர்பார்ப்பின்றி இருக்க வேண்டும். தூய அன்பு என்பது நமக்கு உதவமுடியாத ஜீவன்களிடமும் கருணையோடு இருப்பதாகும். அந்த அன்பினால் மனதில் உண்டாகும் நிறைவே சொர்க்கமாகும். ஒரு நாளை அன்புடன் துவங்குங்கள், அன்புடன் நடந்து கொள்ளுங்கள், அன்புடன் முடியுங்கள்.
* சொர்க்கத்தை தேடி நாம் போக வேண்டியதில்லை. கட்டுப்பாடான வாழ்க்கை, நல்லொழுக்கம், பிறரிடம் எதிர் பார்ப்பில்லாத அன்பு இவை இருக்கும் இடமே சொர்க்கம் தான்.
* உள்ளத்தில் நல்ல எண்ணங்களை விதைப்பவன் தெய்வமாகிறான். அசுர உணர்ச்சிகளை விதைப்பவன் கொடியவனாகிறான்.

சத்யசாய் ஆன்மிக சிந்தனைகள்
Advertisement
வேதங்கள் தெரிந்துகொள்ள »
Advertisement