Advertisement
புன்னகையுடன் பழகுவோம்
செப்டம்பர் 25,2011,
10:09  IST

* மனதை இறைவனிடம் ஒப்படைத்து விட்டால் ஆசைகளைக் கட்டுப்படுத்தும் வலிமை உண்டாகிவிடும்.
* இன்பத்தையும் துன்பத்தையும் சரிசமமாக ஏற்றுக் கொள்ளுங்கள். வெறுப்பவரிடமும் அன்பு காட்ட முயற்சியுங்கள்.
திட்டவோ, அடிக்கவோ வருபவரிடம் கூட புன்னகை காட்ட பழகிக் கொள்ளுங்கள்.
* நல்லவற்றின் மீது மட்டும் பார்வையைச் செலுத்துங்கள். தீயவற்றைக் கண்டு அஞ்சி விலகுங்கள். அப்போது உங்கள் வாழ்க்கை மதிப்புஉடையதாக அமையும்.
* செயலில் ஈடுபடும்போது அர்ப்பணிப்பு உணர்வுடன் செய்யுங்கள். இதனால் அவை எளிதாக நிறைவேறுகிறது. உடலில் சோர்வும் ஏற்படாது.
* கோபத்தைக் கட்டுப்படுத்துங்கள். அப்படியும் கோபம் வந்தால் பேசுவதைக் கைவிடுங்கள். கோபத்துக்கு மருந்து மவுனம். இதைக் கடைபிடித்தால் கோபத்தில் இருந்து தப்பித்து விடுவீர்கள்.
* நோயாளி உணவை சாப்பிட முடியாமல் வெறுத்து ஒதுக்குவான். அதுபோல, உள்ளம் நலிவுற்றவன் அன்பு வடிவான கடவுளைப் புறக்கணிக்கிறான்.
- சாய்பாபா

சத்யசாய் ஆன்மிக சிந்தனைகள்
Advertisement
வேதங்கள் தெரிந்துகொள்ள »
Advertisement