Advertisement
இனிமையாகப் பேசுங்கள்
நவம்பர் 26,2012,
09:11  IST

* நம்மைக் கண்டு அஞ்சும் உயிர்களுக்கு துன்பம் செய்வது பாவம். எல்லா உயிர்களையும் நேசித்து வாழுங்கள்.
* பேராசை கொண்டவனுக்கு இந்த உலகம் முழுவதையும் கொடுத்தால் கூட திருப்தி ஏற்படுவதில்லை.
* அச்சம், வஞ்சம், கபடம் ஆகிய எந்தவிதக் கலப்படமும் இல்லாமல் தூய்மையாக வாழுங்கள்.
* தேவைக்கு மேல் சேமிக்கக் கூடாது. பொருளாசையால் மனதில் தீய எண்ணங்கள் உற்பத்தியாகின்றன.
* பொறுமை, நேர்மை, உண்மை, தூய்மை, கருணை, ஒழுக்கம், தவம், பற்றின்மை ஆகிய நற்பண்புகளே வாழ்வின் அடிப்படை குணங்கள்.
* கசப்பான மருந்து நோயைப் போக்கி குணம் அளிப்பது போல, நல்ல விஷயங்களை வலிந்து ஏற்று கொண்டால் நன்மை விளையும்.
* பிறர் உள்ளம் வருந்தும் கொடிய சொற்களை மறந்தும் பேசாதீர்கள். பேசுவதாக இருந்தால் நன்மை தரும் இனிய சொற்களை மட்டுமே பேசுங்கள்.
* யாருக்கும் எப்போதும் தீமை செய்வதில்லை என்ற எண்ணம் தோன்றி விட்டால் மனதில் அமைதி நிறைந்திருக்கும்.
- மகாவீரர்

மகாவீரர் ஆன்மிக சிந்தனைகள்
Advertisement
வேதங்கள் தெரிந்துகொள்ள »
Advertisement