Advertisement
படித்தவர்களுக்கு அடக்கம் வேண்டும்
மார்ச் 23,2010,
13:37  IST

* கல்வியின் பயன் உலகத்தை இயக்குகின்ற ஆண்டவனைத் தெரிந்து கொள்வது தான். ஆனால், இந்தக் காலத்தில் படிப்பவர்கள் பலபேருக்குத் தெய்வபக்தி என்பதே இல்லாமல் போய்விட்டது.
* கல்வி கற்றதன் அடையாளமே அடக்கம் தான். பெரியவர்களைக் கண்டால் வணக்கம் சொல்லவேண்டும் என்பதை பிள்ளைகளுக்குக் கற்றுத்தரவேண்டும்.
* பெண்ணுக்கு இயல்பிலேயே அடக்கவுணர்வு அதிகம். கல்வி கற்கும்போது அது இன்னும் அதிகமாக வேண்டுமே ஒழிய குறையக்கூடாது. ஆனால், படித்த பெண்களுக்கு அடக்கம் என்பது அறவே இல்லாமல் போய்விடுவது பெருங்குறையே.
* அதிகமாகப் படித்துவிட்டோம் என்று பலர் அகங்காரத்தோடு நடந்து கொள்வது சரியல்ல. கல்வி குணத்தை உயர்த்துவதற்காகத்தானே தவிர, குணத்தை கெடுப்பதற்காக அல்ல.
* குருகுலக்கல்வி மீண்டும் நடைமுறைக்கு வருவதற்கு வாய்ப்பில்லை. ஆனால், நம் பழைய முறையின் பின்னணியை மறக்காமல், அடக்கம், பணிவு, தூய்மை, குருபக்தி உள்ள குழந்தைகளை வளர்க்கவேண்டியது இன்றைய ஆசிரியர்களின் கடமையாகும்.
-காஞ்சிப்பெரியவர்

காஞ்சி பெரியவர் ஆன்மிக சிந்தனைகள்
Advertisement
வேதங்கள் தெரிந்துகொள்ள »
Advertisement