நேற்று போல் இன்று இல்லை! இன்று போல் நாளை இல்லை!!
செப்டம்பர் 07,2018,15:37  IST

* நேற்று போல் இன்று இல்லை; இன்று போல் நாளை இல்லை. ஒவ்வொரு நாளும் ஒரு அனுபவம்.
* கவலை, பயம் இரண்டிற்கும் உள்ளத்தை இரையாக்க வேண்டாம். தெய்வத்தை நம்பி உழைப்பில் ஈடுபடுங்கள்.
* உலகமே கண்டு வியக்கும் விதத்தில் நன்மை கிடைக்க விரும்பினால் அதற்கு பக்தி ஒன்றே சிறந்த வழி.
* அறிவிலும், செயலிலும் தெய்வத் தன்மையை வெளிப்படுத்தும் முயற்சியில் மனிதன் ஈடுபட வேண்டும்.
* எல்லா சாஸ்திரங்களும் சொல்வது ஒரே உண்மையைத் தான். ஆனால் எல்லோருக்கும் ஒரே சாஸ்திரம் ஒத்து வருவதில்லை.
* அன்பை விடச் சிறந்த குணம் வேறில்லை. அன்பு உள்ளம் அனைவரையும் அரவணைத்து மகிழும்.
* உள்ளத்தில் அன்பு இல்லாமல் வாழ்வில் இன்பம் உண்டாகாது. அன்பே வாழ்வின் ஆதாரசக்தி.
* தியானம் செய்தால் நல்ல சிந்தனை மனதிற்குள் நுழையும். கெட்ட சிந்தனைகள் மறைந்து விடும்.
* தியானத்தின் சக்தியை எளிதாக நினைக்க வேண்டாம். மனம் விரும்பியபடி எல்லாவற்றையும் மாற்றும் வலிமை அதற்குண்டு.
* நன்மை இதுவென்று அறிந்தும் கூட, தீமையை உதறும் வலிமையின்றி மனிதன் தத்தளிக்கிறான்.
* உங்களை நீங்களே திருத்திக் கொள்வதில் தயக்கம் கொள்ளவே கூடாது.
* வெற்றியிலும், தோல்வியிலும் சமநிலை இழக்காமல் மன உறுதியுடன் வாழ வேண்டும்.
* உள்ளத்தில் நேர்மை, தைரியம் இருந்தால் செல்லும் பாதை நேரானதாகவே இருக்கும்.
* எப்போதும் பாடுபடு. உழைத்து வாழ்வதில் தான் சுகமிருக்கிறது. உழைக்கும் இடத்தில் வறுமை, நோய்க்கு இடமிருக்காது.
* தனக்கும், பிறருக்கும் துன்பம் தருவது பாவம். தனக்கும், பிறருக்கும் இன்பம் தருவது புண்ணியம்.
* மனதால் பிறருக்கு தீங்கு நினைத்தாலும் குற்றமே. அதற்குரிய தண்டனையையும் அனுபவிக்க நேரிடும்.
* வாழ்வில் இனிமை பெற விரும்புவோர் பின்பற்ற வேண்டிய குணங்களில் தலைமையானது பொறுமை.
* பிறரை ஏமாற்றுவதில்லை என்னும் மன உறுதி இருந்தால் மனிதன் கடவுளுக்கு நிகராவான்.
* எந்த செயலுக்கும் காலம் ஒத்து நின்றால் ஒழிய அதனை நிறைவேற்றும் சக்தி மனிதனுக்கு கிடையாது.
* எல்லா நன்மைக்கும் தாயாக இருப்பது துணிவு ஒன்றே. கல்வி, செல்வம், வீரம் என எல்லாம் துணிவால் பெற முடியும்.
* படிப்படியான வளர்ச்சி என்றும் நிலைத்திருக்கும். வேகமான வளர்ச்சி, சென்ற வேகத்தில் கீழே தள்ளி விடும்.
* பொருள் படைத்தவன் சமத்துவ எண்ணத்தைப் பெற்று விட்டால் உலகமே சீர் பெற்று விடும்.

தெளிவு படுத்துகிறார் தேசியக்கவி

Advertisement
மேலும் ஆன்மிக கட்டுரைகள்
Advertisement
வேதங்கள் தெரிந்துகொள்ள »
Advertisement
dinamalar-advertisement-tariff-2018
Advertisement

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X