கிரைம் பீட் - செங்கல்பட்டு
Advertisement
 
 
 
Advertisement
dinamalar-advertisement-tariff-2018
 
எழுத்தின் அளவு:
Advertisement

பதிவு செய்த நாள்

07 ஜூன்
2016
23:18

ரயில் மோதி

முதியவர் பலி

செங்கல்பட்டில், ரயில் மோதி முதியவர் இறந்தார்.

சென்னை அடுத்த, காரம்பாக்கத்தைச் சேர்ந்தவர் கலியபெருமாள், 69, தனியார் நிறுவன ஒய்வு பெற்ற ஊழியர். நேற்று முன்தினம் காலை, 11:00 மணிக்கு, பரனுார் ரயில் தண்ட வாளத்தை கடந்தபோது, செங்கல்பட்டிலிருந்து சென்னை சென்ற மின்சார ரயில் மோதியது.

இதில், படுகாயமடைந்த கலியபெருமாள் சம்பவ இடத்திலேயே இறந்தார். செங்கல்பட்டு போலீசார் விசாரித்து வருகின்றனர்.

இளம்பெண்

திடீர் மாயம்

ஈச்சங்கரணையில், தனியார் நிறுவன தொழிற்சாலைக்கு சென்ற மகளை காணவில்லை என, தந்தை போலீசில் புகார் செய்தார்.

செங்கல்பட்டு அடுத்த, ஈச்சங்கரணையைச் சேர்ந்த ஏழுமலை என்பவரின் மகள் யுவஸ்ரீ, 24, 'மகேந்திரா சிட்டி'யில் தனியார் நிறுவனத்தில் பணிபுரிந்து வருகிறார். கடந்த 6ம் தேதி, வீட்டிலிருந்து தனியார் நிறுவனத்திற்கு வேலைக்கு செல்வதாக கூறிவிட்டு சென்றார்.

அதன் பிறகு, வீட்டிற்கு வரவில்லை; உறவினர் மற்றும் நண்பர்கள் வீடுகளில் தேடியும் கிடைக்கவில்லை. அவரது தந்தை ஏழுமலை அளித்த புகாரை அடுத்து, தாலுகா போலீசார் விசாரித்து வருகின்றனர்.

அம்பையை சேர்ந்தவர்

விபத்தில் மரணம்

திருநெல்வேலி அடுத்த, அம்பாசமுத்திரம் மன்னார்கோவில் கிராமத்தைச் சேர்ந்த சுப்பையா என்பவர் மகன் சிவக்குமார், 37, கூலித்தொழிலாளி. நேற்று முன்தினம் காலை, 7:00 மணிக்கு, செங்கல்பட்டு புலிப்பாக்கம் சாலையில், நடந்துசென்று கொண்டிருந்தார்.

அப்போது, செங்கல்பட்டிலிருந்து தாம்பரம் சென்றுகொண்டிருந்த இரு சக்கர வாகனம், சிவக்குமார் மீது மோதியது. இதில், படுகாயமடைந்த அவரை, அருகிலிருந்தவர்கள் மீட்டு, செங்கல்பட்டு அரசு மருத்துவக்கல்லூரி மருத்துவமனையில் சேர்த்தனர். அவர் ஏற்கனவே இறந்து விட்டதாக டாக்டர்கள் தெரிவித்தனர்.

அவர் மனைவி கலாவதி அளித்த புகாரையடுத்து தாலுகா போலீசார் விசாரித்து வருகின்றனர்.

கார் - வேன் மோதல்

வாலிபர் பலி

கார் - வேன் நேருக்கு நேர் மோதிக்கொண்டதில், தனியார் நிறுவன உரிமையாளர் இறந்தார்.

செங்கல்பட்டு கோகுலபுரம் பாரதியார் தெருவைச் சேர்ந்த பழனிவேல் என்பவர் மகன் விஜயகுமார், 38; தனியார் நிறுவன உரிமையாளர். நேற்று முன்தினம் இரவு, சென்னையிலிருந்து காரில் செங்கல்பட்டு சென்றுகொண்டிருந்தார்.

இரவு 10:00 மணிக்கு, செங்கல் பட்டு புலிப்பாக்கம் சாலையில் சென்ற போது, எதிரே, செங்கல்பட்டிலிருந்து சென்னை சென்று கொண்டிருந்த வேன், கார் மீது மோதியது. இதில், விஜயகுமார் படுகாயமடைந்தார்.

செங்கல்பட்டு அரசு மருத்துவக்கல்லுாரி மருத்துவமனையில் சேர்க்கப்பட்ட அவர், சிகிச்சை பலனின்றி இறந்தார்.

பெண் மீது மோதி

கவிழ்ந்த அரசு பஸ்

செங்கல்பட்டில், அரசு பேருந்து மோதியதில் பெண் இறந்தார்.

கும்பகோணம் வடக்கு தெருவைச் சேர்ந்த பெரிய ஆண்டவர் என்பவர் மனைவி பழனிசெல்வி, 42, நேற்று காலை, 5:30 மணிக்கு, செங்கல்பட்டு பச்சையம்மன் கோவில் அருகில், சாலையோரம் நடந்து சென்று கொண்டிருந்தார்.

அப்போது, திருச்சியிலிருந்து சென்னை சென்று கொண்டிருந்த அரசு பேருந்து பழனிசெல்வி மீது மோதியது. அதன் பின், கட்டுப்பட்டை இழந்த பேருந்து, புறவழிச்சாலையில் கவிழ்ந்தது. இதில், படுகாயமடைந்த பழனிசெல்வி சம்பவ இடத்திலேயே இறந்தார்.

அரசு பேருந்து ஓட்டுனர் மதுரை கல்லுப்பட்டியைச் சேர்ந்த இளங்கோவன், 52; முசிறியைச் சேர்ந்த நடத்துனர் சுரேஷ், 39; மற்றும் பேருந்தில் இருந்த, ஐந்து பேர் படுகாயமடைந்தனர்.

 

மேலும் காஞ்சிபுரம் மாவட்ட  செய்திகள் :


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X