சென்னை முழுவதும் 187 டன் மக்காத குப்பை சேகரிப்பு
Advertisement
 
 
Advertisement
 
 
Advertisement
எழுத்தின் அளவு:
Advertisement

பதிவு செய்த நாள்

12 அக்
2017
22:04

சென்னை, அக். 13-

சென்னை மாநகராட்சி, இரண்டாவது வாரமாக நேற்று, மக்காத குப்பையை மட்டும் வீடுகளில் இருந்து சேகரித்தது. இதில், 187 டன் குப்பை பெறப்பட்டன. கடந்த வாரத்தை விட, இரு மடங்கு அளவிலான மக்காத குப்பை வீடுகளில் இருந்து பெறப்பட்டு உள்ளது.

சென்னை மாநகராட்சி திடக்கழிவு மேலாண்மை விதிகள் - 2016, இம்மாதம், 2ம் தேதி முதல் கடைபிடிக்கப்படுகிறது.

இதன்படி, தினமும் வீடு வீடாக சென்று மக்கும், மக்காத குப்பை, மாநகராட்சி ஊழியர்கள் சேகரிப்பர். மக்கும் குப்பை, தினமும் பெறப்படும். மக்காத குப்பை, வாரந்தோறும் புதன்கிழமையில் மட்டும் பெறப்படும் என, மாநகராட்சி அறிவித்தது.

இந்த திட்டம் துவங்கப்பட்ட நாளான, 4ம் தேதி, அனைத்து மண்டலங்களிலும் வீடு வீடாக சென்ற ஊழியர்கள், மக்காத குப்பையை மட்டும் பெற்றனர். இதில், மொத்தம், 83.4 டன் மக்காத குப்பை மட்டுமே கிடைத்தது.

பொதுவாக, சென்னை மாநகராட்சியில், நாள் ஒன்றுக்கு, 5,000 டன் குப்பை சேகரமாகிறது. அதில் குறைந்தபட்சம், 20 சதவீதம் மக்காத குப்பை வரும் என, கூறப்பட்ட நிலையில், முதல் வாரம், 2 சதவீதம் கூட மக்காத குப்பை சேகரிக்கப்படவில்லை.

அடுத்தடுத்த வாரங்களில், இந்த குப்பை அதிகரிக்கும் என, அதிகாரிகள் நம்பினர். இதன்படி, இரண்டாவது வார புதன்கிழமையான நேற்று, மக்காத குப்பை பெறப்பட்டது.

இதில், ஒட்டு மொத்தமாக, 187 டன் மக்காத குப்பை சேகரிக்கப்பட்டது. கடந்த வாரத்தை விட, இரு மடங்கு குப்பை அதிகரித்துள்ளது.

அதிகபட்சமாக, மணலி மண்டலத்தில், 59 டன்னும், குறைந்தபட்சமாக, தேனாம்பேட்டை மண்டலத்தில், 2.92 டன்னும், மக்காத குப்பை சேகரிக்கப் பட்டது.

இது குறித்து அதிகாரிகள் கூறுகையில், 'பொதுமக்கள், மெல்ல விழிப்புணர்வு அடைந்து வருகின்றனர். இதனால், மக்காத குப்பை சேகரித்து, மாநகராட்சிக்கு வழங்குகின்றனர். அடுத்தடுத்த வாரங்களில், மக்காத குப்பையின் அளவு மேலும் அதிகரிக்கும்,' என்றார்.


மண்டல வாரியாக பெறப்பட்ட மக்காத குப்பையின் அளவு

மண்டலம் மக்காத குப்பை அளவு (டன்னில்)

கடந்த வாரம் நேற்று

திருவொற்றியூர் 6 16.18

மணலி 8.31 59.01

மாதவரம் 7.87 12.89

தண்டையார்பேட்டை 2.99 6.94

ராயபுரம் 2.96 3.20

திரு.வி.க.நகர் 5.43 5.73

அம்பத்துார் 15.69 16.31

அண்ணாநகர் 2.06 11.32

தேனாம்பேட்டை 0.91 2.92

கோடம்பாக்கம் 5.64 12.36

வளசரவாக்கம் 5.43 14.55

ஆலந்துார் 2.40 3.38

அடையாறு 5.14 5.19

பெருங்குடி 4.46 9.04

சோழிங்கநல்லுார் 8.14 8.12

மொத்தம் 83.4 187.21

 

Advertisement
மேலும் சென்னை மாவட்ட  செய்திகள் :


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.