சீனியர் பிளானர் பதவிக்கு போட்டாபோட்டி : குழும கூட்டத்தில் அனுமதி பெற முயற்சி
Advertisement
 
 
Advertisement
 
dinamalar-advertisement-tariff-2018
 
Advertisement
எழுத்தின் அளவு:
Advertisement

பதிவு செய்த நாள்

13 ஜன
2018
04:50


சென்னை பெருநகர் வளர்ச்சி குழுமமான சி.எம்.டி.ஏ.,வில், திட்ட பணிகளே இல்லாத பிரிவுக்கு, சீனியர் பிளானர் பதவியிடத்தை உருவாக்கி, அதை பிடிப்பதில், அதிகாரிகளிடையே கடும் போட்டி நிலவுகிறது.
சி.எம்.டி.ஏ.,வில், சீப் பிளானர்கள், சீனியர் பிளானர்கள், துணை திட்ட அதிகாரிகள், உதவி திட்ட அதிகாரிகள் என, பதவிகள் வரையறை செய்யப்பட்டு உள்ளன.
உருவாக்கம்
இதில், பணிகளை முறையாக ஆராயாமல், அதிகாரிகளின் தேவையை கருத்தில் வைத்து, புதிய பதவியிடங்கள் உருவாக்கப் படுகின்றன.
தற்காலிக அடிப்படையில் உருவாக்கப்பட்ட பதவிகள், காலாவதியாகும் நிலையில், எவ்வித அடிப்படை காரணமும், பணி வரையறையும் இல்லாமல், புதிதாக, சீனியர் பிளானர் பதவியை உருவாக்க, அதிகாரிகள் திட்டமிட்டுள்ளனர்.
இதை பிடிப்பதில், மூன்று துணை திட்ட அதிகாரிகளிடையே, கடுமையான பேட்டி ஏற்பட்டு உள்ளதாக கூறப்படுகிறது.
நகரமைப்பு வல்லுனர்கள் கூறியதாவது:
சி.எம்.டி.ஏ.,வில், வெளிவட்ட சாலை, மெட்ரோ ரயில், மேம்பால ரயில் போன்ற திட்டங்களுக்காக உருவாக்கப்பட்ட பிரிவில், சீப் பிளானர், சீனியர் பிளானர் பதவி
இடங்கள் இருந்தன.
இத்திட்டங்கள் தொடர்பான பணிகள் முடிவடைந்த நிலையில், இங்கு, சீனியர் பிளானர் பதவியை நிரப்பாமல் இருந்தனர்.
இந்நிலையில், ஒரு குறிப்பிட்ட துணை திட்ட அதிகாரிக்கு, பதவி உயர்வு வழங்குவதற்காக, மீண்டும், சீனியர் பிளானர்
பதவியிடத்தை உருவாக்குவதற்கான நடவடிக்கையில், அதிகாரிகள் இறங்கிஉள்ளனர்.
கல்வித்தகுதி
இதில், சீனியர் பிளானர் பதவிக்கான கல்வித்தகுதி தொடர்பாக, நிலுவையில்
உள்ள வழக்குகளை
மறைத்தும், அப்பிரிவுக்கான தேவையை நியாயப்படுத்தாமல், புதிய பதவியை உருவாக்குகின்றனர். இப்பதவியை பிடிக்க, மூன்று துணை திட்ட அதிகாரிகள் போட்டியிடுகின்றனர்.
துணை முதல்வர் தலைமையில், விரைவில் நடக்க உள்ள குழும கூட்டத்தில், இதற்கு ஒப்புதல் பெற, அதிகாரிகள் தயாராகி
வருகின்றனர்.
தற்காலிக பணியிடங்கள் நீட்டிப்பு குழப்பத்தில் இருக்கும் நிலையில், புதிய பதவியிடத்தை உருவாக்க, குழும கூட்டத்தை அதிகாரிகள் பயன்படுத்த இருப்பதை, சம்பந்தப்பட்ட உயர் அதிகாரிகள் கவனிக்க வேண்டும்.
இவ்வாறு அவர்கள்
கூறினர்.

- நமது நிருபர் -

 

Advertisement


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.