குழந்தைகளை பாதுகாக்க அமைக்கப்பட்ட இடையீட்டு சேவை மைய கட்டடம் திறப்பு எப்போது
Advertisement
 
 
 
Advertisement
dinamalar-advertisement-tariff-2018
 
எழுத்தின் அளவு:
Advertisement

மாற்றம் செய்த நாள்

14 ஆக
2018
05:34
பதிவு செய்த நாள்
ஆக 14,2018 05:20

ராமநாதபுரம்:ராமநாதபுரம் அரசு மருத்துவமனையில் அமைக்கப்பட்டுள்ள வளர் இளம் பருவத்தினரை நோய்களில் இருந்து பாதுகாக்கும் பொருட்டு 1 கோடி ரூபாய் மதிப்பீட்டில் இடையீட்டு சேவை மைய கட்டடம் அமைக்கப்பட்டு திறப்பு விழாவிற்காக காத்திருக்கிறது.


தேசிய சுகாதார இயக்கம் சார்பில் வளர் இளம் பருவத்தினர், நோய்களில் இருந்து பாதுகாக்க இடையீட்டு சேவை மையம் அரசு மருத்துவமனையில் அமைக்கப்பட்டுள்ளது. ஒரு கோடி ரூபாய்மதிப்பீட்டில் இந்த மையம் அமைக்கப்பட்டு, அனைத்து வசதிகளும் செய்யப்பட்டுள்ளது.

பள்ளியில் ஆய்வுஆண்டு தோறும் பள்ளியில் படிக்கும் மாணவர்களை டாக்டர் பொதுவாக முழு உடல் பரிசோதனை செய்கின்றனர். அதில் குறைபாடுகள், நோய்கள் உள்ள வளர் இளம் பருவத்தினை அடையாளம் கண்டு சிறு வயதிலேயே நோய்களில் பாதிக்கப்படுவதிலிருந்து பாதுகாக்கும் நடவடிக்கைகள் மேற்கொள்ளப்படுகின்றன.

இதில் மேல் சிகிச்சை தேவைப்படும் கிராமப்புற மாணவர்களுக்கு அப்பகுதியில் உள்ள சுகாதாரத்துறை அலுவலர்கள் மூலம் ராமநாதபுரம் அரசு மாவட்ட தலைமை மருத்துவமனைக்கு அழைத்து வரப்படுகின்றனர்.

சிகிச்சை வசதிகள்

மாணவர்களுக்கு தேவையான சிறப்பு மருத்துவர்களான இருதயம், பிசியோதெரபி, கண், பல், காது, மூக்கு, தொண்டை, அறுவை சிகிச்சை மருத்துவர்கள், மாணவர்களுக்கு பரிசோதனை செய்து அவர்களுக்கு தேவையான சிகிச்சைகளை வழங்குவார்கள், இதற்கு தேவையான ஸ்கேன், உள்ளிட்ட அனைத்து வசதிகளும் இடையீட்டு சேவை மையத்தில் உள்ளன.

பள்ளி மாணவர்கள் வாரத்தில் திங்கள், சனிக்கிழமைகளில் இடையீட்டு சேவை மையத்திற்கு அழைத்து வரப்பட்டு, தொடர் சிகிச்சை வழங்க நடவடிக்கை எடுக்கப்பட்டுள்ளது.


காத்திருப்பு


உயர் தர சிகிச்சை தற்போது மாணவர்களுக்கு வழங்கப்பட்டு வந்தாலும், அவர்களுக்கென வழங்கப்பட்ட ஒரு கோடி ரூபாய் மதிப்பிலான கட்டடம் கட்டப்பட்டு உரிய அதிகாரிகளிடம் ஒப்படைக்கப்படாமல் இருந்தது. தற்போது ஒப்படைக்கப்பட்டு மூன்று மாதங்களாக பயன்பாட்டுக்கு வராமல் உள்ளது.


இதனை திறக்க சுகாதாரத்துறை அதிகாரிகள் நடவடிக்கை எடுத்து மாணவர்கள் உரிய சிகிச்சை வழங்கிட பயன்பாட்டுக்கு கொண்டு வர வேண்டும்.சுகாதாரத்துணை இயக்குனர் குமரகுருபன் கூறுகையில், ''தற்போது மாணவர்களுக்கு தேவையான உயர் தர தொடர் சிகிச்சை வழங்கப்பட்டு வருகிறது. புதிய கட்டடம் கட்டி முடிக்கப்பட்டு சமீபத்தில் தான் ஒப்படைக்கப்பட்டுள்ளது. அமைச்சர் திறப்பதற்காக அவரிடம் தேதி கேட்கப்பட்டுள்ளது. அடுத்த வாரத்திற்குள் திறக்கப்பட்டு பயன்பாட்டுக்கு வரும்,'' என்றார்.

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X