*தாலுகா அலுவலகங்களில் 9,000 மனுக்கள்...தேக்கம்! * சான்று கிடைக்காமல் மக்கள் தவிப்பு
Advertisement
 
 
 
Advertisement
dinamalar-advertisement-tariff-2018
 
எழுத்தின் அளவு:
Advertisement

பதிவு செய்த நாள்

08 செப்
2018
01:45

காஞ்சிபுரம் மாவட்ட தாலுகா அலுவலகங்களில், 9,000 மனுக்கள் தேக்கமடைந்துள்ளன. ஜாதி, இருப்பிடம் உள்ளிட்ட சான்று கிடைக்காமல், பொதுமக்கள் தவிக்கின்றனர்.



காஞ்சிபுரம் மாவட்டத்தில், காஞ்சிபுரம், உத்திர மேரூர், வாலாஜாபாத், ஸ்ரீபெரும்புதுார், செங்கல்பட்டு, மதுராந்தகம், செய்யூர், திருக்கழுக்கன்றம், திருப்போரூர், தாம்பரம், பல்லாவரம் ஆகிய தாலுகாகள் உள்ளன.



ஜாதி, வருமானம், இருப்பிடம், பிறப்பு, இறப்பு மற்றும் வாரிசு சான்றிதழ் உள்ளிட்டவை பெற, பொதுமக்கள் விண்ணப்பிக்கும் மனுக்களை, கிராம நிர்வாக அலுவலர் பரிந்துரைத்து, வருவாய் ஆய்வாளருக்கு அனுப்புவார்.



தாமதம்



இவர் மூலம் மற்ற அதிகாரிகளுக்கு அனுப்பப்பட்டு, கடைசியாக, வட்டாட்சியர் சான்று வழங்குவார்.இந்த நடைமுறையில் சிக்கலும், கால தாமதமும் ஏற்பட்டதால், 2014ம் ஆண்டு முதல், ஜாதி, இருப்பிடம், வருமான சான்றுகள், கணினி மூலம் வழங்கப்படுகின்றன. பிற சான்றுகளும், ஏப்ரலில் இருந்து, கணினி வாயிலாகவே வழங்கப்படுகின்றன.



சில மாதங்களாக, கிராம நிர்வாக அலுவலர்கள், வருவாய் ஆய்வாளர்கள், துணை வட்டாட்சியர்கள், வட்டாட்சியர்களிடம், ஜாதி, இருப்பிடம், வாரிசு சான்றிதழ் கோரி விண்ணப்பித்த மனுக்கள், விசாரணை நிலையிலேயே உள்ளது.இதனால், உடனடியாக சான்றிதழ்கள் கிடைக்காமல், கல்லுாரி மாணவர்கள் மற்றும் பொதுமக்கள் கடுமையாக பாதிக்கப்பட்டுள்ளனர்.



மூன்று மாதங்களில், மேற்கண்ட தாலுகாக்களில், ஜாதி, இருப்பிட சான்று கோரி, 12,372 மனுக்கள் வரப்பெற்றுள்ளன. இதில், 6,690 மனுக்கள் மீது விசாரணை செய்து, சான்றிதழ்கள் வழங்கப்பட்டுள்ளன. விசாரணை நிலையிலேயே, 5,682 மனுக்கள் உள்ளன.வாரிசு சான்றிதழ் கோரி கிடைத்த, 6,119 மனுக்களில், 3,075 மனுக்கள் நிலுவையில் உள்ளன. எஞ்சியவை வழங்கப்பட்டு விட்டன.



ஜாதி, இருப்பிடம், வருமானம் உள்ளிட்ட சான்றிதழ்கள், ஏழு நாட்களிலும், வாரிசு சான்றிதழ், 15 நாளிலும் வழங்க வேண்டும்.ஆனால், இந்த நடைமுறைகள் மீறி, மாதக்கணக்கில், கிராம நிர்வாக அலுவலர்களிடமே, மனுக்கள் தேக்கமடைகின்றன.அவர்களுக்கு, 'கவனிக்க' வேண்டியதை கொடுத்தால் மட்டுமே, மனுக்கள் மீது உடனடி நடவடிக்கை எடுக்கப்படுகிறது.



கிடப்பில் உள்ள மனுக்களை விசாரித்து, சான்றிதழ்கள் விரைந்து வழங்க, மாவட்ட ஆட்சியர் நடவடிக்கை எடுக்க வேண்டும் என, பொதுமக்கள் வலியுறுத்துகின்றனர்.



நடவடிக்கை



இது குறித்து, வருவாய் துறை அதிகாரி ஒருவர் கூறியதாவது:உரிய ஆவணங்களுடன் விண்ணப்பித்தோருக்கு, உரிய காலத்தில் சான்று வழங்கப்படுகிறது. போதிய ஆவணங்கள் இல்லாமல் விண்ணப்பித்தோருக்கு, நேரடி விசாரணை மேற்கொண்டு, சான்று வழங்க வேண்டி உள்ளதால், சில இடங்களில் காலதாமதம் ஏற்படுகிறது. இருப்பினும், விரைந்து முடிக்க நடவடிக்கை மேற்கொள்ளப்படும்.இவ்வாறு அவர் கூறினார்.



- நமது நிருபர் -

 

மேலும் காஞ்சிபுரம் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X